মরুওইবা হায়লাইতশিং

১.   কেন্দ্রগী মন্ত্রী শ্রী রেদ্দীনা হায়খি মদুদি ইকাই খুম্নজরিবা প্রধান মন্ত্রীনা এন.ই.আর.গী চাউখৎ থৌরাংবু ‘এক্ত ইস্ত’ খোঙথাংগী খুত্থাংদা খ্বায়দগী মরুওইবা অমা পীদুনা মাংদা থম্লি।

২.   হৌখিবা চহি ৭ অসিদা য়াম্না থুনা চাওখৎপা অমা উবগা লোয়ননা, মন্ত্রীনা ব্যুজিনেস কাংলুপশিংবু লৈবাক শিনবা থুংনা অমসুং ৱাংমদা ‘ইনভেস্তমেন্ত রেদী নোর্থ ইস্ত’কী পাউজেল থাজবগা লোয়ননা পীনবা কন্না তকশিনখ্রে।

৩.   মহাক্না হায়খি মদুদি ভারতনা নিং-খা তম্বগী ৭৫শুবা চহি পাংথোক্লিঙৈ চৈরক অসিদা, লৈবাক অসিনা সেক্তর খুদিংদা হায়নিংঙাই লৈতনা চাউখৎপা অমা পুরক্লি। ইন্ত্রেপ্রিন্যুরশিংনা ভারতকী ব্রান্দ শেমগৎতুনা ইকোনোমিক্কী ওইবা খুমাং চাউশিনবগী ভারতকী খোঙচৎতা মশক থোক্না থৌদাং লৌরি।

কলচর, তুরিজম অমসুং দিবলপমেন্ত ওফ নোর্থইস্তর্ন রিজন (দোনর)গী কেন্দ্রগী মন্ত্রী শ্রী জি. কিশন রেদ্দীনা নোর্থ ইস্ত ফেস্তিবেলদা চীফ গেস্ত ওইনা ভর্চুএলদা শরুক য়াখ্রে অমসুং ইন্ত্রেপ্রিন্যুরশিং অমসুং তুংগী আসা লৈরিবা স্তার্তঅপশিংগা উনখ্রে। নোর্থ ইস্ত ফেস্তিবেল অসি দোনর দাইলোগ – নোর্থ ইস্তর্ন রিজনগী নহারোল, ইন্ত্রেপ্রিন্যুরশিংগুম্বা স্তেকহোল্দরশিং কয়াগা লোয়ননা উনফম ওইবা পরিং ওইবা থৌরম অমগী শরুক অমা ওইনা শিনবা অদুগুম্বা প্রোগ্রাম অমনি।   

মখোয়দা ৱা ঙাংলদুনা, মহাক্না হায়কি মদুদি ইকাই খুম্নজরিবা শ্রী নরেন্দ্র মোদীনা শেংনা হায়রি, নোর্থ ইস্তর্ন রিজন অসি ‘গেতৱে ওফ নেস্নেল গ্রোথ’তা য়াম্না থুনা ওল্লক্লি। ‘ভোকেল ফোর লোকেল’ নত্ত্রগা আত্মনির্ভর ভারতনা খোঙথাং খুদিংদা তঙাইফদবা মতেং পীবগা লোয়ননা মীয়াম্বু শক্তি পীরি। ইকাই খুম্নজরিবা প্রধান মন্ত্রীনা এন.ই.আর.গী চাউখৎ থৌরাংবু ‘এক্ত ইস্ত’ খোঙথাংগী খুত্থাংদা খ্বায়দগী মরুওইবা অমা পীদুনা মাংদা থম্লি। মন্ত্রীনা খল্লি মদুদি নোর্থ ইস্তর্ন রিজন অসি হৌজিক্তি অনৌবা ভারত অমগী চাউখৎ থৌরাংগী খোঙচৎপু লমজিংবদা খুদোংচাবা ওইরক্লি। হৌখিবা চহি তরেৎ অসিদা , নোর্থ ইস্তর্ন রিজন অসিদা লম্বী ফাওনবা, রেলৱেজ, এয়রৱেজ, ইন্তর্নেত অমসুং লোজিস্তিক্সতা লেপ্পা লৈতনা খুমাং চাউশিনবা উবা ফংলি।  

মহাক্না হায়খি মদুদি ভারতনা নিং-খা তম্বগী ৭৫শুবা চহি পাংথোক্লিঙৈ চৈরক অসিদা, লৈবাক অসিনা সেক্তর খুদিংদা হায়নিংঙাই লৈতনা চাউখৎপা অমা পুরক্লি। ইন্ত্রেপ্রিন্যুরশিংনা ভারতকী ব্রান্দ শেমগৎতুনা ইকোনোমিক্কী ওইবা খুমাং চাউশিনবগী ভারতকী খোঙচৎতা মশক থোক্না থৌদাং লৌরি। মন্ত্রীনা মফম অসিদা মহৌশাগী ওইবা রিসোর্সেস, মিনরেলস, অমসুং উমংগী পোত্থোক, ফ্লোরা অমসুং ফৌনা, লৈহাউ লৈবা লম, উহৈ কয়া অমসুং এঞ্ছাং-নাপী অমসুং মপা লৈত্রবা অকোইবগী ফজবা পীক থন্না লৈবা উবা ফংলি। মসিগা লোয়ননা, সাউত ইস্ত এসিয়াগী মফমশিং অসিদা ললোন-ইতিক্কী ওইরকপা য়াবা আসা লৈরি। তঙাইফদনা চংগদবা ইনফ্রাস্ত্রকচর অমসুং মার্কেত শম্নহন্দুনা, নোর্থ ইস্তনা সাউত ইস্ত এসিয়াগী ললোন-ইতিক্কী হব অমা ওইহনবা য়াই। মসিগীদমক্তা, লৈবাক অসিগী মনুংদা অমসুং অতৈ রাজ্যশিংগী মনুংদা লম্বী নিংথিনা ফাওননবা য়াম্না চাউনা থবকশিং লৌখৎনবা হোৎনরি। 

মন্ত্রীনা হায়খি মদুদি কেপিতেল কন্নেক্তিবিতী প্রোজেক্ত অসিনা মফম অসিগী চাউখৎ-থৌরাংগী ৱারীদা অনৌবা পন্দুপ অমা হাংদোক্লগনি। চাউখৎ-থৌরাংগী খোঙজেল হায়বদি মফম শিনবা থুংনা লুপা কোতি ৮৫,০০০ চংগদবা লম্বী অমসুং হায়ৱেগী প্রোজেক্তশিং অসি মহাক্না উবা ফংলি। এয়র কন্নেক্তিবিতীগী কেস ফাওবদা, খুঙ্গংগী পঞ্চায়ৎকী ৪জি. মোবাইল কন্নেক্তিবিতী অমসুং ৱাই-ফাই কন্নেক্তিবিতী হেনগৎহন্দুনা ফিভম অসি ফগৎলক্লি। কন্নেক্তিবিতীগী চাউখৎলকপা অসিনা য়াম্না থুনা রাজ্য নিপাল অমসুং মসিগী মীওইশিংগী ইকোনোমীদা য়াইফরকপা ওইরগনি।

কেন্দ্রগী মন্ত্রীনা এনেব্লর অমগী থৌদাংশিং উৎখি, মদুদি সরকার অসিনা কন্দক্তিব ব্যুজিনেসকী মফম অমা শেমগৎতুনা মফম অসিদা রিজনগী ওইরকপা য়াবা আসা চিংশিন্দুনা থবক কয়া অমা পায়খৎলি। মহাক্না হায়খি সরকারনা পুক্নিং চিংশিন্নবা হোৎনরিবা অসি তুরিজম সেক্তর, ওর্গানিক্কী লৌউ, লৌউ-শিংউবা, হোর্তিকলচর, আই.তি. সেক্তর, সর্বিস ইন্দস্ত্রী, তেক্সতাইল অমদি অতৈ কয়াদনি। মসিগী সেক্তরশিং খুদিংমক্তা ইন্ত্রেপ্রিন্যুরশিপ অমসুং ইনভেস্তমেন্তকী খুদোংচাবশিং চাউনা আসা লৈরি। মতম অদুদগী ইকাই খুম্নজরিবা প্রধান মন্ত্রী নরেন্দ্র মোদীনৈ স্তার্তঅপ ইন্দিয়া খোঙথাং হৌদোক্তুনা, ইন্ত্রেপ্রিন্যুরগী ইথিল লৈবাক অসিদা লাক্লি। স্তার্ত অপ ইন্দিয়া, স্তেন্দ অপ ইন্দিয়া, মুদ্রা য়োজনা, স্তার্ত-অপ নোর্থ ইস্ত খোঙজংগুম্বা খোঙথাং কয়া অসিগা লোয়ননা নোর্থ ইস্ত ভেনচর ফন্দ স্কীমগী খুত্থাংদা য়াম্না চাউনা কান্নবা ফংলি। স্কীমশিং অসিনা নহাশিংদা রাজ্যশিংগী ফোংদোকপা ঙমদবা থৌনা কয়া অমা লাক্লি অমসুং মখোয় মশাবু নুঙাই য়াইফনা লৈবা ঙম্লি।      

মন্ত্রী শ্রী কিশন রেদ্দীনা অজাদি কা অমৃত মহোৎসবকী থৌরম পাংথোক্লিবা অমসুং চহি ৪০গী মখাদা লৈবা এন.ই.আর.দগী নহা ওইরিবা এন্ত্রেপ্রিন্যুর ৭৫গী পুক্নিং থৌগৎপা খোঙচৎতা দোকুমেন্তিং তৌদুনা অমসুং মখোয়গী মায় পাকপা থাগৎনবা সরকারনা খোঙথাংশিং লৌখৎলি। মন্ত্রীনা হায়খি মদুদি লাইরিক অমা লেংলগনি অমসুং মসিগী নহা ওইরিবা পর্ফোমরশিং অসি আই.আই.এম. শিলংদগী ইন্সতিত্যুসনেল মতেং পীদুনা মখোয়গী ব্যুজিনেস্তা মতেং পীরগনি। মহাক্না হায়খি মসিদা ইপোম অমা লাক্লগনি অমসুং অতোপ্পবু মখোয়গী মশাগী খোঙচৎ হৌবদা পুক্নিং থৌগৎলগনি। মহাক্না স্তার্তঅপকী মপুশিংবু হৌগৎলক্লিবা এন্ত্রেপ্রিন্যুরশিংদা তাকপি তম্বিদুনা তুংদা চাউখৎপা অমা পুরক্নবা মতেং পাংনবা কন্না হায়খি। হৌখিবা চহি ৭ অসিদা য়াম্না থুনা চাওখৎপা অমা উবগা লোয়ননা, ইকাই খুম্নজরিবা মন্ত্রীনা ব্যুজিনেস কাংলুপশিংবু লৈবাক শিনবা থুংনা অমসুং ৱাংমদা ‘ইনভেস্তমেন্ত রেদী নোর্থ ইস্ত’কী পাউজেল থাজবগা লোয়ননা পীনবা কন্না তকশিনখ্রে। ইকাই খুম্নজরিবা মন্ত্রীনা মিস্তর শ্যামকানু মহন্তা অমসুং নোর্থ ইস্তকী এন্ত্রেপ্রিন্যুর স্তেকহোল্দর কয়া অমবু কম্মন প্লেতফোর্ম অমদা পুরকপগীদমক নোর্থ ইস্ত ফেস্তিবেলবু শিল্লিবা তীম্বু থাগৎপা ফোংদোকখি।    

***