ঐখোয়গী লৈবাক অসিদা লৌমীশিংগী ইনকম হেনগৎহনবগী প্রধান মন্ত্রী শ্রী নরেন্দ্র মোদীগী মংলান অদু মংফাওনহনবদা এনিমেল হসবেন্দরী সেক্তরনা মতেং পাংবা ঙমগনি হায়না ঙসি গুৱাহতিদা ফিসরীস, এনিমেল হসবেন্দরী অমদি দাইরিইংগী কেন্দ্র মন্ত্রী শ্রী পার্শোত্তম রুপালানা ফোংদোকখি৷ রাজ্য অসিদা দাইরী দিবেলপমেন্ত লাকহন্নবগীদমক নেস্নেল দাইরী দিবেলপমেন্ত বোর্দ(এন.দি.দি.বি.) অমদি অসাম সরকারগী মরক্তা য়ানা-ৱারোল শহি পীনবগী থৌরম অমদা মহাক্না ফোংদোকখিবনি৷

অসামদা দাইরী সেক্তরদা গ্রোথ লাকহন্নবা অমদি চাওখৎহন্নবগীদমক রাজ্য সরকার অসিনা লৌখৎখিবা ইনিসিয়েতিবশিং অদু শ্রী রুপালানা মহাক্কী ৱারোলদা থাগৎপা ফোংদোকখিবনি৷ এনিমেল হসবেন্দরীগী ফিল্দদা লৈরিবা অনৌবা তেক্নোলোজী অসি লৌমীশিংদা য়ৌহন্দুনা লৌমীশিংনা মসিদগী কান্নবা লৌনবা হোৎনগদবনি হায়না মহাক্না ফোংদোকখি৷

অসামগী মুখ্য মন্ত্রী, দা. হিমন্ত বিস্বা শর্মগা লোইননা কেন্দ্র মন্ত্রী শ্রী রুপালানা অসাম এগ্রীবিজিনেস অমদি রুরেল ত্রান্সফোর্মেসন প্রোজেক্তকী মখাদা পুরাবি দাইরী এক্সপান্সন প্রোজেক্তকী উরেপ-উয়ুংশু তমখি৷

থৌরম অদুদা ৱা ঙাংলদুনা, অসামগী মুখ্য মন্ত্রী শ্রী হিমন্ত বিস্বা শর্মনা অসুম্না হায়খি, রাজ্য সরকার অসিনা লৌখৎখিবা ইনিসিয়েতিবশিং অসিনা খুঙ্গংগী শেল-থুমগী ফিভমদা অওনবা পুরক্লগনি অমদি দাইরী সেক্তর হেন্না চাওখৎহল্লগনি৷ য়ানা-ৱারোল অসিগী মখাদা, অসামদা এন.দি.দি.বি. অমদি রাজ্য সরকারগী মরক্তা লুপা কোতি ২,০০০গী মমল ওইগদবা জোইন্ত বেঞ্চর অমা শেমগৎলগনি হায়না মহাক্না মখাতানা ফোংদোকখি৷

বেঞ্চর অসিনা রাজ্য অসিদা হ্বাইত রিবোলুসন থোকহল্লগনি অমদি মসিনা নুংতি-নুমিৎ খুদিংগী শঙ্গোম লিতর লাখ ১০ হেন্না পুথোক্তুনা ভেল্যু হাপচিন্নবা মিল্ক প্রোসেসিং কেপাসিতীশিং শেমগৎনবা মীৎয়েং থম্লি হায়না অসাম সরকারগী লৌউ-শিংউ, এ.ঐচ.ভি.দি. অমদি কোওপরেসনগী মন্ত্রী শ্রী অতল বোরানা মহাক্কী ৱারোলদা ফোংদোকখি৷ মসিনা লৌমী লাখ ১.৭৫ হেনবনা তাল্লিবা ইনকম অদু হেনগৎহনবদা মতেং পাংবা খক্তা নত্তনা মিল্ক ভেল্যু চেনগী তোঙান তোঙানবা লেবেলশিংদা চাওনা থবক্কী খুদোংচাবা ফংহল্লগনি হায়না মহাক্না মখাতাখি৷

মিজোরামগী এনিমেল হসবেন্দরী অমদি ভেতিরিনরী মন্ত্রী দা. কে. বৈচুৱা, এন.দি.দি.বি.গী চিয়রমেন শ্রী মীনেশ শাহ, অসাম সরকারগী কোওপরেসন দিপার্তমেন্তগী এদিস্নেল চীফ সেক্রেতরী শ্রী মনিন্দর সিংহ, ভারত সরকারগী এনিমেল হসবেন্দরী অমদি দাইরিইং দিপার্তমেন্তগী সেক্রেতরী শ্রী অতুল চতুর্বেদিসু থৌরম অসিদা শরুক য়াখি৷

******

(Release ID: 1788485) Visitor Counter : 104