مرکزی وزیر برائے ماہی پروری، حیوانات اور ڈیری امور جناب پرشوتم روپالا نے آج گوہاٹی میں کہا کہ ہمارے ملک کے کسانوں کی آمدنی کو دوگنا کرنے کے وزیر اعظم نریندر مودی کے خواب کی تکمیل میں مویشی پروری کا شعبہ معاونت کر سکتا ہے۔

وہ ریاست میں دودھ اور دودھ کی مصنوعات کے فروغ کے لئے نیشنل ڈیری ڈیولپمنٹ بورڈ (این ڈی ڈی بی) اور آسام کی حکومت کے درمیان مفاہمت نامے پر دستخط کی رسمی تقریب سے خطاب کر رہے تھے۔

جناب روپالا نے اپنے خطاب میں آسام میں ڈیری کے شعبے کی ترقی اور فروغ کے لئے ریاستی حکومت کی طرف سے کئے جانے والے اقدامات کی ستائش کی۔ انہوں نے زور دے کر کہا کہ جانور کی پرورش کے شعبے میں نئی ٹیکنالوجی کو کاشتکاروں تک پہنچایا جائے تاکہ وہ اس سے استفادہ کر سکیں۔

مرکزی وزیر جنابِ روپالا نے آسام کے وزیر اعلیٰ ڈاکٹر ہمنت بسوا شرما کے ساتھ  آسام کے زرعی کاروبار اور دیہات کی حالت بدلنے کے پروجیکٹ کے تحت پوربی ڈیری ایک پینشن پروجیکٹ کے سنگ بنیاد کی نقاب کشائی کی۔

آسام کے وزیر اعلیٰ جناب ہمانت بسوا شرما نے اس موقع پر خطاب کرتے ہوئے کہا کہ ریاستی حکومت کی طرف سے کئے جانے والے اقدامات سے دیہی معیشت کی حالت بدل جائے گی اور ڈیری کے شعبے کو فروغ ملے گا۔ انہوں نے مزید کہا کہ مفاہت نامے کے تحت آسام میں ریاستی حکومت اور این ڈی ڈی بی کے اشتراک میں 2,000 کروڑ روپے کا مشترکہ  کاروبار شروع کیا جائے گا۔

 

آسام کی حکومت میں زراعت، اے ایچ وی ڈی اور تعاون کے وزیر جناب اتل بورا نے اپنے خطاب میں کہا کہ یہ منصوبہ ریاست میں سفید انقلاب لائے گا۔ اور اس کا مقصد دودھ کی پروسیسنگ کی اتنی صلاحیت پیدا کرنا ہے کہ روزانہ 10 لاکھ لیٹر سے زیادہ دودھ کو سنبھالنے اور اس کی قدرمیں اضافہ کر سکے۔ اس سے نہ صرف 1.75 لاکھ سے زیادہ کسانوں کو اپنی کمائی بڑھانے میں مدد ملے گی۔ بلکہ اس سے دودھ کے ویلو چین کی مختلف سطحوں پر روزگار کے زبردست مواقع پیدا ہوں گے۔

 

میزورم کے پرورش مویشاں اور ویٹرنری کے وزیر ڈاکٹر کے بیچھوا، این ڈی ڈی بی کے چیئرمین جناب مینیش شاہ، ایڈیشنل چیف سکریٹری محکمہ تعاون، آسام، جناب منیندر سنگھ، سکریٹری، محکمہ حیوانات اور ڈیری، اتل چترویدی بھی  شری اس تقریب میں موجود تھے۔

***

ش ح۔ ع س۔ ک ا

 

(Release ID: 1788430) Visitor Counter : 138