মরু ওইবা শরুকশিং

১.  অৱাং-নোংপোক লমদমগী লৌমীশিংগী ইনকম শরুক অনি হেনগৎহন্নবা ভারত সরকারনা মহাক্কী কেপাসিতীগী মনুংদা পাংথোকপা য়াবা খুদিংমক পাংথোক্কনি হায়না লৌউ-শিংউ অমসুং লৌমীশিংগী য়াইফ-থৌরাংগী কেন্দ্র মন্ত্রী শ্রী নরেন্দ্র সিংহ তোমারনা ফোংদোকখি৷

২.  মহৌশাগী লৌউ-পথাপ তৌদুনা লৈহাউগী ফিভম অসি হেনগৎহনগদৌরিবা ত্রেদিস্নেল ফিল্দ-বেজ তেক্নোলোজীশিং শিজিন্নদুনা লৌউবদা চংলিবা শেনফম অসি হন্থহল্লিবা জিরো বদজেৎ নেচরেল ফার্মিং তৌদুনা লৌমীশিংনা অরৈবা ইনপ্যুতশিংদা মখা পোন্দুনা লৈরিবা অসি হন্থহন্নবা প্রধান মন্ত্রীগী মংলান অসি মংফাওনহনগদবনি হায়না মহাক্না ফোংদোকখি৷

৩.  লৌউ-শিংউ মন্ত্রালয়গী স্কিমশিং অসি অৱাং-নোংপোক লমদমদা য়ৌহনবা ঙম্নবা লৌউ-শিংউ মন্ত্রালয়, দোনর অমদি রাজ্য সরকারশিংগী মরক্তা নিংথিনা মতেং পাংনগদবনি হায়না কেন্দ্র মন্ত্রী শ্রী জি কিসান রেদ্দীনা ফোংদোকখি৷

অৱাং-নোংপোক লমদম(এন.ই.আর.)গী রাজ্যশিংদা লৌউ-শিংউ সেক্তরদা চৎনরিবা সরকারগী তোঙান তোঙানবা স্কিমশিংগী প্রোগ্রেস অদু য়েংশিন্নবা মীফম অমা ঙসি পাংথোকখি

মীফম অসি লৌউ-শিংউগী কেন্দ্র মন্ত্রী শ্রী নরেন্দ্র সিংহ তোমার, তুরিজম, কল্চর অমদি দিবেলপমেন্ত ওফ নোর্থ ইস্তর্ন রিজন(দোনর)গী কেন্দ্র মন্ত্রী শ্রী জি, কিসন রেদ্দীনা থৌবুরেল ওইখি৷ দোনরগী রাজ্য মন্ত্রী শ্রী বি.এল. বর্ম, অৱাং-নোংপোক রাজ্য ৮ পুম্নমক্কী লৌউ-শিংউ মন্ত্রীশিংনা মীফম অসিদা শরুক য়াখি৷

দোনরগী সেক্রেতরী, লৌউ-শিংউগী সেক্রেতরী, মন্ত্রালয়শিং অমদি মখোয়গী ওর্গনাইজেসনশিংগী সেনিয়র ওফিসিয়েলশিংগা লোইননা এন.ই.আর. রাজ্যশিংগী এগ্রীকল্চরেল সেক্রেতরীশিংনা মীফম অসিদা শরুক য়াখি৷

মীফম অদুদা এন.ই.আর. রাজ্যশিংগীদমক লৌউ-শিংউ সেক্তরদা মন্ত্রালয়শিংনা পাইখৎলিবা অচৌবা ইনিসিয়েতিবশিং/প্রোগ্রামশিংগী মতাংদা অতেনবা পাউদমশিং এন.ই.আর. রাজ্য ৮ পুম্নমক্কী সেক্রেতরীশিং অমদি লৌউ-শিংউ মন্ত্রালয়না থমখি৷ মীফম অদুদা খন্ন-নৈনখিবা মরু ওইবা স্কিমশিং/প্রোগ্রামশিং অদু মখাদা লৈরে:

• মিসন ওর্গনিক ভেল্যু চেন দিবেলপমেন্ত ফোর নোর্থ ইস্তর্ন রিজন্স(এম.ও.ভি.সি.দি.এন.ই.আর.)
• নেস্নেল মিসন ওন ইদিবল ওইল্স – ওইল পাল্ম (এন.এম.ই.ও.-ও.পি.)
• অৱাং-নোংপোক লমদমদা হৌরিবা ৱা
• মিসন ফোর ইন্তিগ্রেতেদ দিবেলপমেন্ত ওফ হোর্তিকল্চর (এম.আই.দি.ঐচ.)

অরুনাচল প্রদেশ, অসাম, মনিপুর, মেঘালয়, মিজোরাম, নাগালেন্দ, সিক্কিম অমদি ত্রিপুরা  অৱাং-নোংপোক রাজ্যশিংগী লৌউ-শিংউ মন্ত্রীশিংনা রাজ্যশিং অসিনা থেংনরম্বা ইসুশিং অমদি চেলেঞ্জশিং অদু কুপথনা পনখি৷

লৌউ-শিংউগী কেন্দ্র মন্ত্রী শ্রী নরেন্দ্র সিংহ তোমার অমদি তুরিজম, কল্চর অমদি দিবেলপমেন্ত ওফ নোর্থ ইস্তর্ন রিজন(দোনর)গী কেন্দ্র মন্ত্রী শ্রী জি. কিসন রেদ্দীনা ঙসি মফম অসিদা, ন্যু দিল্লীগী বিগনন ভাবনদগী লৌউ-শিংউ সেক্তরদা অৱাং-নোংপোক রাজ্যশিংদা ভারত সরকারগী চৎনখিবা তোঙান তোঙানবা স্কিমশিংগী প্রোগ্রেস অদু ভর্চুএল্লী ওইনা য়েংশিনখি৷

লৌউ-শিংউ অমদি লৌমীশিংগী য়াইফ-থৌরাংগী কেন্দ্র মন্ত্রী শ্রী নরেন্দ্র সিংহ তোমারনা অৱাং-নোংপোক লমদমগী রাজ্যশিংবু পনখি অমদি লমদম অসিনা লৈবাক অমদি মালেম অসিদা কন্ত্রিব্যুত তৌবা ঙম্বা অচৌবা পোতেন্সিয়েলগা লোইননা রিসোর্সশিং মরাং কাইনা ফংবা মখল-মথেলনা থল্লবা ক্লাইমেত অমা লৈ হায়না ফোংদোকখি৷ “এন.ই.আর. রিজনগী লৌমীশিংগী ইনকম অসি শরুক অনি হেনগৎহন্নবা ভারত সরকারনা মহাক্কী কেপাসিতীগী মনুংদা পাংথোকপা য়াবা খুদিংমক পাংথোক্কনি” হায়না কেন্দ্রগী মন্ত্রীনা ফোংদোকখি৷ মহৌশাগী লৌই-পথাপ তৌদুনা লৈহাউগী ফিভম অসি হেনগৎহনগদৌরিবা ত্রেদিস্নেল ফিল্দ-বেজ তেক্নোলোজীশিং শিজিন্নদুনা লৌউবদা চংলিবা শেনফম অসি হন্থহল্লিবা জিরো বদজেৎ নেচরেল ফার্মিং তৌদুনা লৌমীশিংনা অরৈবা ইনপ্যুতশিংদা মখা পোন্দুনা লৈরিবা অসি হন্থহন্নবা প্রধান মন্ত্রীগী মংলান অসি মংফাওনহনগদবনি হায়না মহাক্না ফোংদোকখি৷ সিক্কিম অমদি অতোপ্পা অৱাং-নোংপোক রাজ্যশিংনা ওর্গনিক ফার্মিংদা লমজিংদুনা চৎখিবা অসিদসু মহাক্না অহেনবা ফোংদোকখি৷

রাজ্য অমদি কেন্দ্র অনিমক্না কন্না হোৎনমিন্নদুনা অৱাং-নোংপোক লমদম অসিবু মপাঙ্গল লৈহন্নবা প্রধান মন্ত্রীনা মীৎয়েং থমখ্রে হায়না মহাক্না ফোংদোকখি৷ হোর্তিকল্চর ক্রোপশিং অমদি মেদিসিনেল ক্রোপশিংগী স্কোপ অসি অদুক্কী মতিক পাখ-চাওই অমদি মসিগী নেস্নেল অমদি ইন্তরনেস্নেল মার্কেৎশিং লৈ৷ ভারতকী পোত্থোকশিং অসি মপান লমশিংদা থাদোক্নবা লৌউ-শিংউ মন্ত্রালয়না কম্মর্স মন্ত্রালয়গনা য়াম্না কন্না হোৎনরি হায়না মনত্রী অসিনা ফোংদোকখি৷ অৱাং-নোংপোক লমদমদগী অচৌবা কন্ত্রিব্যুসন অমা লৌরক্তুনা লৈবাক অসিনা চানবা চিঞ্জাক মপান লমশিংদগী পুশিল্লক্লিবা অসি হন্থহনবা ঙমগনি৷ লোজিস্তিক ইনফ্রাস্ত্রকচরগী চেলেঞ্জশিং অসি লান্থেংনবা ঙমনবা সরকার অসিনা মীৎয়েং থম্লি৷ এন.ই.আর. লোমীশিংগী ইন্সুরেন্স কবর অসি হেনগৎক্কদনি হায়না মহাক্না ফোংদোকখি৷ লমদম অসিদা ওইল পাল্ম প্রদক্সনগী অচৌবা পোতেন্সিয়েল অমা লৈ, মসিগীদমক লমদম অসিদা লৈরিবা রাজ্যশিংদা প্রাইয়োরিতী পীরিবনি৷

লৌউ-শিংউ মন্ত্রালয়গী স্কিমশিং অসি অৱাং-নোংপোক লমদমদা য়ৌহনবা ঙম্নবা লৌউ-শিংউ মন্ত্রালয়, দোনর অমদি রাজ্য সরকারশিংগী মরক্তা নিংথিনা মতেং পাংনগদবনি হায়না দিবেলপমেন্ত ওফ নোর্থ ইস্তর্ন রিজন(দোনর), তুরিজম, অমদি কল্চরগী কেন্দ্র মন্ত্রী শ্রী জি, কিসন রেদ্দীনা ফোংদোকখি৷

লৌউ-শিংউ অমদি তুরিজম ইন্দস্ত্রীশিংদা থবক পীনবগী অচৌবা পোতেন্সিয়েল অমা লৈ হায়না মন্ত্রী অসিনা ফোংদোকখি৷ অৱাং-নোংপোকপু ওর্গনিক ফার্মিংগী হব অমা ওইনা শেমগৎনবগী মংলান অদু প্রধান মন্ত্রীনা অখন্ননা পনখ্রে হায়না মহাক্না ফোংদোকখি৷ মখাতানা, লৈবাক অসিগী শেল-থুম চাওখৎপদা অচৌবা কন্ত্রিব্যুতর অমা ওইনা হোর্তিকল্চর চাওখৎহনবগী অচৌবা পোতেন্সিয়েল লৈ৷ কিহোম, কোমলাশিং, কিৱি নত্রগা য়াইঙং, শিং, উশিংশাগুম্বা মরু-মরাংশিংবু ওইরবসু, নোংপোক থংবা রাজ্যশিং অসিনা মার্কেৎশিং মীংচৎ থংবা হেনগৎলক্লি অমদি মসি হৌজিক্তি মালেমগী থাক্তা পুখৎপা দরকার ওইরে৷ লৌউ-শিংউ অমদি হোর্তিকল্চরেল প্রদ্যুস ভেল্যু চেনশিং অসি মপাঙ্গল লৈহনবদা মীৎয়েং থম্বগী তঙাই ফদবা লৈরে হায়না মহাক্না ফোংদোকখি৷ এফ.পি.ও.শিং, এস.ঐচ.জি.শিং অমদি প্রাইভেৎ সেক্তর য়াওশিন্দুনা পোস্ত-হার্বেস্ত মেনেজমেন্ত অসিনা ফগৎহনবগী তঙাই ফদবা লৈরে হায়না মহাক্না ফোংদোকখি৷ ঐখোয়গী লৌমীশিংগী ইনকম হেনগৎহনবদা মসিনা মরু ওইবা খোংথাং অমা ওইরি৷ কেন্দ্রগী লৌউ-শিংউ মন্ত্রালয়, লাইন মন্ত্রালয়শিং অমদি অৱাং-নোংপোক রাজ্য পুম্নমক্কী মনুংদা চাওনা মতেং পাংনগদবনি৷

নোর্থ ইস্তর্ন দিবেলপমেন্ত ফাইনান্স কোর্পোরেসন লিমিতেদ(এন.ই.দি.এফ.আই.), ত্রাইবেল পোত্থোকশিং য়োল্লিবা ত্রিফেদ অমদি নেস্নেল এগ্রীকল্চরেল কোওপরেতিব মার্কেতিং ফেদেরেসন ওফ ইন্দিয়া লিমিতেদ(নেফেদ)কুম্বা ওর্গনাইজেসনশিং অসিগী ওফিসিয়েলশিংনা মখোয় মখোয়গী ওর্গনাইজেসনশিংনা অৱাং-নোংপোক লমদমদা পাংথোক্লিবা থবকশিং অদুগী পাউদমশিংসু থমখি৷ ফুদ প্রোসেসিং মন্ত্রালয়গী ওফিসিয়েলশিংসু শরুক য়াখি অমদি অৱাং-নোংপোক্কীদমক ফংহল্লিবা তোঙান তোঙানবা স্কিমশিংগী মতাংদা ফোংদোকখি৷

******

(Release ID: 1788199) Visitor Counter : 136