প্রধান মন্ত্রী, শ্রী নরেন্দ্র মোদীনা লুচিংবা কেবিনেত কম্মিতী ওন ইকোনোমিক এফিয়র্সনা ঙসি চাউরাকপা সর্কিত কিলোমীতর (সি.কে.এম.) ১০,৭৫০গী ত্রান্সমিসন লাইন অমসুং সবস্তেসনগী চাউরাকপা মেগা ভোল্ত এম্পিয়র (এম.ভি.এ.) ২৭,৫০০গী ত্রান্সফোর্মেসন কেপাসিতী হাপচিনবগী ইনত্রা-স্তেত ত্রান্সমিসন সীস্তেম (আই.এন.এস.তি.এস.)গী গ্রীন ইনর্জী কোরিদোর (জি.ই.সি.) ফেজ ২গী অয়াবা পীখ্রে। স্কিম অসিনা রাজ্য তরেৎ, মিং ওইনা পল্লবদা – গুজরাত, হিমাচল প্রদেশ, কর্নাতকা, কেরলা, রাজস্থান, তমিল নাদু অমসুং উত্তর প্রদেশতা গ্রিদ ইন্তেগ্রেসন তৌবা অমসুং রিন্যুএবল ইনর্জী (আর.ই.) পাৱর প্রোজেক্তকী চাউরাকপা ২০ জি.দবল্যু. পাৱর ইভাক্বেসন তৌবদা তেংবাংগনি।

স্কিম অসি লুপা করোর ১২,০৩১.৩৩ অমসুং প্রোজেক্ত অসিগী অপুনবা শেনফমগী সেন্ত্রেল ফাইনেন্সিএল এসিস্তেন্স (সি.এফ.এ.) @৩৩%, হায়বদি লুপা করোর ৩৯৭০.৩৪ চঙগনি হায়না পাবগী পান্দমগা লোয়ননা শেমগৎপনি। ত্রান্সমিসন সীস্তেম অসি শেনবা চহি ২০২১-২২দগী ২০২৫-২৬কী চহি মঙাগী মনুংদা শেমগৎকনি। সেন্ত্রেল ফাইনেন্সিএল এসিস্তেন্স (সি.এফ.এ.)না ইনত্রা-স্তেত ত্রান্সমিসন চার্জ ওফসেৎ তৌবদা তেংবাংদুনা পাৱরগী মমল তাথহনগনি। মতৌ অসুম্না, সরকারগী তেংবাং অসিনা এন্দ য়ূজর ওইরিবা ভারতকী মীয়ামদা কান্নবা পীগনি।

স্কিম অসিনা ইং ২০৩০ ফাওবগী মনুংদা ইন্সতোল্দ আর.ই. কেপাসিতী জি.দবল্যু. ৪৫০ ফংবগী পান্দমদা তেংবাংগনি।

স্কিম অসিনা লৈবাক্কী অশাংবা মতমগী ইনর্জী সেক্যুরিতীদসু তেংবাংগনি অমসুং কার্বন ফুতপ্রিন্ত হন্থহন্দুনা ইকোলোজীগী খুত্থাংদা তুং কোইনা চৎকদবা গ্রোথপুসু খুমাং চাউশিনহনগনি। মসিনা পাৱর অমসুং অতোপ্পা মরী লৈনবা সেক্তরশিংদা স্কিল অমসুং অনস্কিল মীওইশিংদা হকথেংননা অমসুং নাকোইননা থবকসু পীগনি।

স্কিম অসি হৌজিক-হৌজিক আন্ধ্র প্রদেশ, গুজরাত, হিমাচল প্রদেশ, কর্নাতকা, মধ্য প্রদেশ, মহারাস্ত্রা, রাজস্থান অমসুং তমিল নাদুদা গ্রিদ ইন্তেগ্রেসন তৌবা অমসুং রিন্যুএবল ইনর্জী (আর.ই.) চাউরাকপা ২৪ জি.দবল্যু. পাৱর ইভাক্বেসন তৌবগীদমক্তা পায়খৎলিবা অমসুং ইং ২০২২ ফাওবগী মনুংদা লোইশিনগনি হায়না পানরিবা জি.ই.সি.-ফেজ ১গী মথক্তা পায়খৎপনি। লুপা করোর ৪০৫৬.৬৭কী সেন্ত্রেল ফাইনেন্সিএল এসিস্তেন্স (সি.এফ.এ.) কা লোয়ননা ত্রান্সমিসন প্রোজেক্ত অসিদা লুপা করোর ১০,১৪১.৬৮ চঙনি হায়না পানরিবা স্কিম অসিনা ত্রান্সমিসন লাইন সি.কে.এম. ৯৭০০ অমসুং সবস্তেসনগী কেপাসিতীদা এম.ভি.এ. ২২৬০০ হাপচিনগনি।

*****