ആദിവാസികളുടെ ക്ഷേമത്തിനായുള്ള കേന്ദ്ര ഗവണ്‍മെന്റിന്റെ പ്രതിബദ്ധതയ്ക്ക് അനുസൃതമായി, സാമ്പത്തിക സ്രോതസ്സുകളുടെ മെച്ചപ്പെട്ട വിഹിതം, പ്രയത്‌നങ്ങളുടെ സംയോജനം, മന്ത്രാലയത്തിന്റെ ആസൂത്രണ, നടപ്പാക്കല്‍ സംവിധാനത്തിന്റെ പുനര്‍നിര്‍മ്മാണം എന്നിവയിലൂടെ മേഖലാ വികസനം ഉറപ്പാക്കാനാണ് ആദിവാസികാര്യ മന്ത്രാലയം പ്രവര്‍ത്തിക്കുന്നത്. ഈ മന്ത്രാലയത്തിന്റെ ബജറ്റും അതിനനുസൃതമായി വര്‍ധിച്ചു.  2014-15ല്‍ ബജറ്റ് വിഹിതം 3850 കോടി രൂപയായിരുന്ന സ്ഥാനത്ത് 2021-22ല്‍ 7484 കോടിയാണ്. ഈ മെച്ചപ്പെടുത്തിയ വിഭവങ്ങളുടെ ലഭ്യത, ആദിവാസി സമൂഹങ്ങളുടെ സമഗ്ര വികസനം ഉറപ്പാക്കുന്നതിന് കൂടുതല്‍ പ്രതിബദ്ധതയോടെ ഒരു പുതിയ പുരോഗതിയുടെ പാത രൂപപ്പെടുത്താന്‍ മന്ത്രാലയത്തെ പ്രാപ്തമാക്കി.

 
 പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രിസഭ ധീരരായ ഗോത്രവര്‍ഗ സ്വാതന്ത്ര്യ സമര സേനാനികളുടെ സ്മരണയ്ക്കായി നവംബര്‍ 15 സമര്‍പ്പിക്കാനും ജനജാതീയ ഗൗരവ് ദിവസ് ആയി പ്രഖ്യാപിക്കുന്നതിനും അംഗീകാരം നല്‍കി. രാജ്യത്തുടനീളമുള്ള ആദിവാസി സമൂഹങ്ങള്‍ ഭഗവാന്‍ എന്ന് വിളിക്കുന്ന ശ്രീ ബിര്‍സ മുണ്ടയുടെ ജന്മദിനമാണ് ഈ തീയതി. 2016ലെ സ്വാതന്ത്ര്യ ദിനത്തില്‍ പ്രധാനമന്ത്രി നടത്തിയ പ്രസംഗത്തിന്റെ അടിസ്ഥാനത്തില്‍, രാജ്യത്തുടനീളം 10 ആദിവാസി സ്വാതന്ത്ര്യ സമര മ്യൂസിയങ്ങള്‍ കേന്ദ്ര ഗവണ്‍മെന്റ് അനുവദിച്ചു.  ഭഗവാന്‍ ബിര്‍സ മുണ്ട ട്രൈബല്‍ ഫ്രീഡം ഫൈറ്റേഴ്‌സ് മ്യൂസിയവും പാര്‍ക്കും പ്രധാനമന്ത്രി ഉദ്ഘാടനം ചെയ്തു.
 
 നവോദയ വിദ്യാലയങ്ങള്‍ക്ക് തുല്യമായി ഏകലവ്യ മോഡല്‍ റസിഡന്‍ഷ്യല്‍ സ്‌കൂളുകളെ കൊണ്ടുവരാനാണ് ലക്ഷ്യമിടുന്നത്. സ്‌കൂളുകളുടെ ഭരണത്തില്‍ ഏകീകൃത സ്വഭാവം കൊണ്ടുവരുന്നതിനായി സ്‌കൂളുകള്‍ക്ക് മൊത്തത്തിലുള്ള പിന്തുണയും നയ നിര്‍ദ്ദേശങ്ങളും നല്‍കാന്‍ മന്ത്രാലയത്തിന് കീഴിലുള്ള ഒരു സ്വയംഭരണ സ്ഥാപനമായി നാഷണല്‍ എഡ്യൂക്കേഷന്‍ സൊസൈറ്റി ഫോര്‍ ട്രൈബല്‍ സ്റ്റുഡന്റ്‌സ് (എന്‍ഇഎസ്ടിഎസ്) രൂപീകരിച്ചു.

 മണിപ്പൂരിലെ ലുവാങ്കാവോ ഗ്രാമത്തില്‍ റാണി ഗൈഡിന്‍ലിയു ട്രൈബല്‍ ഫ്രീഡം ഫൈറ്റേഴ്സ് മ്യൂസിയത്തിന് കേന്ദ്ര ആഭ്യന്തര മന്ത്രി ശ്രീ അമിത് ഷാ തറക്കല്ലിട്ടു.
 
 ട്രൈബല്‍ സ്‌കൂളുകളുടെ ഡിജിറ്റല്‍ പരിവര്‍ത്തനത്തിനായുള്ള സംയുക്ത സംരംഭത്തില്‍ ഗോത്രകാര്യ മന്ത്രാലയവും മൈക്രോസോഫ്റ്റും ധാരണാപത്രത്തില്‍ ഒപ്പുവച്ചു. നിര്‍മിത ബുദ്ധി ഉള്‍പ്പെടെയുള്ള അടുത്ത തലമുറ ഡിജിറ്റല്‍ സാങ്കേതികവിദ്യകളില്‍ അധ്യാപകര്‍ക്കും വിദ്യാര്‍ഥികള്‍ക്കും വൈദഗ്ധ്യം നല്‍കാനാണ് ഈ സഹകരണം ശ്രമിക്കുന്നത്.
 
 ദേശീയ വിദ്യാഭ്യാസ ഗവേഷണ സ്ഥാപനമായ എന്‍സിഇആര്‍ടിഇയുമായി സഹകരിച്ച് പ്രവര്‍ത്തിക്കുകയും ഒരു ദേശീയ ഉന്നത വിദ്യാഭ്യാസ സ്ഥാപനമായ 350 ഫങ്ഷണല്‍ ഏകലവ്യ മോഡല്‍ റസിഡന്‍ഷ്യല്‍ സ്‌കൂളുകളില്‍ പരിശീലന പരിപാടികള്‍ നടത്തുകയും ചെയ്തു.

 ഛത്തീസ്ഗഢിലെ ഏകലവ്യ മോഡല്‍ റസിഡന്‍ഷ്യല്‍ സ്‌കൂളിലെ ഇംഗ്ലീഷ് അധ്യാപകനായ ശ്രീ പ്രമോദ് കുമാര്‍ ശുക്ല, അധ്യാപക ദിനത്തില്‍ രാഷ്ട്രപതി ശ്രീ രാംനാഥ് കോവിന്ദില്‍ നിന്ന് അധ്യാപകര്‍ക്കുള്ള ദേശീയ അവാര്‍ഡ്-2021 ഏറ്റുവാങ്ങി. ഏകലവ്യ മോഡല്‍ റസിഡന്‍ഷ്യല്‍ സ്‌കൂളുകള്‍ (ഇഎംആര്‍എസ്) അധ്യാപകര്‍ക്കുള്ള തുടര്‍ച്ചയായ രണ്ടാമത്തെ അവാര്‍ഡാണിത. ഈ സ്‌കൂളുകള്‍ക്ക് പ്രത്യേക പ്രാധാന്യമുണ്ട്. ദേശീയ വിദ്യാഭ്യാസ നയം- 2020 നടപ്പാക്കുന്നതോടെ, കഴിവുറ്റവരും പ്രതിബദ്ധതയുള്ളവരുമായ അധ്യാപകരുടെ നിര്‍ദേശപ്രകാരം ആദിവാസി വിദ്യാര്‍ത്ഥികള്‍ക്ക് ഗുണനിലവാരമുള്ള വിദ്യാഭ്യാസം നല്‍കുന്നതിനായി ഇഎംആര്‍എസുകളുടെ മുഖച്ഛായ മാറ്റുന്നതിനുള്ള നേരിട്ടുള്ള സൂചനകള്‍ ഇത് വഹിക്കുന്നു.

 2020-21 കാലയളവില്‍ 35.2 ലക്ഷം ആദിവാസി വിദ്യാര്‍ത്ഥികള്‍ ഡിബിടി വഴി പ്രീ, പോസ്റ്റ് മെട്രിക് സ്‌കോളര്‍ഷിപ്പുകള്‍ വിതരണം ചെയ്തു.

 കേന്ദ്ര വിദ്യാഭ്യാസ മന്ത്രി ശ്രീ ധര്‍മേന്ദ്ര പ്രധാനും  കേന്ദ്ര ആദിവാസികാര്യ മന്ത്രി ശ്രീ അര്‍ജുന്‍ മുണ്ടയും സംയുക്തമായി 50,000 സ്‌കൂള്‍ അധ്യാപകര്‍ക്കായി സ്‌കൂള്‍ ഇന്നൊവേഷന്‍ അംബാസഡര്‍ പരിശീലന പരിപാടി ഉദ്ഘാടനം ചെയ്തു.

 ഔറംഗബാദിലെയും മഹാരാഷ്ട്രയിലെയും ജീവനകല ഫൗണ്ടേഷന്റെ പങ്കാളിത്തത്തോടെ ആദിവാസികാര്യ മന്ത്രാലയത്തിന്റെ സവിശേഷമായ ഒരു സംരംഭത്തില്‍, 1100 ആദിവാസി സ്ത്രീകള്‍ രക്ഷാബന്ധന് വേണ്ടി നാടന്‍ മരങ്ങളുടെ വിത്തുകള്‍ ഉപയോഗിച്ച് രാഖികള്‍ നിര്‍മിച്ചു. ഇത് വനവിസ്തൃതി വര്‍ദ്ധിപ്പിക്കുന്നതിനുള്ള അതുല്യമായ സംഭാവനയാണ്.

 പ്രകൃതിദത്തമായി ചായം പൂശിയതും മൃദുവായതുമായ നാടന്‍, വിഷരഹിതമായ, പരുത്തിയില്‍ ഒട്ടിച്ച നാടന്‍ വിത്തുകള്‍ കൊണ്ടാണ് രാഖികള്‍ നിര്‍മ്മിച്ചത്.  ഒരിക്കല്‍ ഉപയോഗിച്ചാല്‍, വിത്ത് മണ്ണില്‍ പാകാം, അതുവഴി പരിസ്ഥിതിക്ക് ഗുണം ചെയ്യും.  ഈ പദ്ധതിക്ക് കീഴില്‍ ആയിരക്കണക്കിന് മരങ്ങള്‍ നട്ടുപിടിപ്പിക്കുമെന്നും പദ്ധതിയുമായി ബന്ധപ്പെട്ട ആദിവാസി സ്ത്രീകള്‍ക്ക് തൊഴില്‍ നല്‍കുമെന്നും പ്രതീക്ഷിക്കുന്നു.

 
 ആദിവാസികാര്യ മന്ത്രാലയത്തിന്റെ സ്വാതന്ത്ര്യത്തിന്റെ അമൃത് മഹോത്സവ വാരാഘോഷത്തിന്റെ ഭാഗമായി ദക്ഷിണേന്ത്യന്‍ സംസ്ഥാനങ്ങളില്‍ നിന്നുള്ള 86 പട്ടികവര്‍ഗ സംരംഭകരെ ആദരിച്ചു

 ഗോത്രവര്‍ഗക്കാര്‍ക്കിടയില്‍ സംരംഭകത്വം പ്രോത്സാഹിപ്പിക്കുന്നതിനും വിജയകരമായ സംരംഭകരെ പ്രോത്സാഹിപ്പിക്കുന്നതിനുമായി ദേശീയ പട്ടികവര്‍ഗ ധനകാര്യ വികസന കോര്‍പ്പറേഷനും ആദിവാസികാര്യ മന്ത്രാലയവും ചേര്‍ന്ന് 2021 നവംബര്‍ 22-ന് വിശാഖപട്ടണത്ത് ആദിവാസി സംരംഭകരെ ആദരിച്ചു.  

 വനാവകാശ നിയമം കൂടുതല്‍ ഫലപ്രദമായി നടപ്പിലാക്കുന്നതിനുള്ള സംയുക്ത ആശയവിനിമയം പരിസ്ഥിതി, ആദിവാസി മന്ത്രാലയങ്ങള്‍ ഒപ്പിട്ടു

 ഗോത്രവര്‍ഗ ഉല്‍പ്പന്നങ്ങളുടെ/ഉല്‍പ്പന്നങ്ങളുടെ വികസനത്തിനും വിപണനത്തിനുമുള്ള സ്ഥാപനപരമായ പിന്തുണ:

രാജ്യത്തെ ജനസംഖ്യയുടെ ഏകദേശം 8.6 ശതമാനവും പട്ടികവര്‍ഗ്ഗക്കാരാണ് (എസ്ടി).  ഇന്ത്യന്‍ ഭരണഘടനയുടെ ആര്‍ട്ടിക്കിള്‍ 342 പ്രകാരം വിജ്ഞാപനം ചെയ്യപ്പെട്ട 705-ലധികം പട്ടികവര്‍ഗങ്ങളുണ്ട്.  പ്രധാനമന്ത്രി ശ്രീ നരേന്ദ്ര മോദിയുടെ 'എല്ലാവര്‍ക്കുമൊപ്പം, എല്ലാവരുടെയും വികസനത്തിന്, എല്ലാവരെയും വിശ്വാസത്തിലെടുത്ത്' എന്ന കാഴ്ചപ്പാടിന് അനുസൃതമായി, ഗോത്രങ്ങളുടെ വികസനത്തിനും അവരുടെ പൈതൃകവും സംസ്‌കാരവും സംരക്ഷിക്കുന്നതിനാണ് കേന്ദ്ര ഗവണ്‍മെന്റ് മുന്‍ഗണന നല്‍കുന്നത്.