آزادی کا امرت مہوتسو کے ایک حصے کے طور پر، پاور گرڈ ون نیشن ون گرڈ ون فریکونسی کی تکمیل کی تاریخی کامیابی کو یاد کر رہا ہے۔

 

 

پاور گرڈ نے 31 دسمبر 2021 کو کئی تقریبات کا اہتمام کرکے اس اہم موقع کی سالگرہ منائی۔ اس اہم کامیابی کو منانے کے لیے علاقائی ہیڈ کوارٹر کے ساتھ ہندوستان بھر میں 70 سب اسٹیشن ترنگے میں جگمگا اٹھے۔ تقریبات کے ایک حصے کے طور پر، لوگوں نے ایک ویڈیو فلم کی پروجیکشن کا مشاہدہ کیا، جو عام آدمی کے لیے ون نیشن ون گرڈ ون فریکوئنسی کے فوائد بیان کرتی ہے، اور اس کامیابی پر پاور سیکٹر کی ممتاز شخصیات کے خیالات پیش کرتی ہے۔ اس موقع پر لوگوں کو آزادی کا امرت مہوتسو کی تقریبات کے بارے میں آگاہ کرنے کے لیے ایک آؤٹ ریچ سرگرمی شروع کی گئی جو کہ ہندوستان کی آزادی کی 75 ویں سالگرہ اور اس وقت سے ملک کی طرف سے کی گئی پیش رفت سے متعلق ہے۔

 

 

ملک بھر میں پھیلے ان 70 سب اسٹیشنوں کے آس پاس رہنے والی کمیونٹیز کے لیے میڈیکل کیمپس کا انعقاد کیا گیا ہے۔ مقامی آبادی نے مفت ہیلتھ چیک اپ کے ذریعے ان میڈیکل کیمپوں سے استفادہ کیا۔ اس کے علاوہ مختلف مقامات پر خون کے عطیات کے کیمپ بھی لگائے گئے۔

ون نیشن ون گرڈ ون فریکوئنسی کے بارے میں

ملک میں گرڈ مینجمنٹ علاقائی بنیادوں پر ساٹھ کی دہائی میں شروع ہوا۔ شروع میں، ایک علاقائی گرڈ بنانے کے لیے ریاستی گرڈ آپس میں جڑے ہوئے تھے اور ہندوستان کو 5 خطوں یعنی شمالی، مشرقی، مغربی، شمال مشرقی اور جنوبی علاقوں میں تقسیم کیا گیا تھا۔ وقت کے ساتھ ساتھ ہر گرڈ کو دوسرے سے جوڑا گیا، تاکہ زیادہ سے زیادہ دستیابی اور بجلی کی منتقلی کی سہولت دی جا سکے۔ یہ سب اس وقت ایک ساتھ آئے جب جنوبی علاقہ 765 kv رائچور-شولاپور ٹرانسمیشن لائن کے ساتھ سنٹرل گرڈ سے منسلک ہوا۔ اس طرح ’ون نیشن-ون گرڈ-ون فریکونسی‘ کو حاصل کیا گیا۔ سری نگر لیہہ ٹرانسمیشن سسٹم نیشنل گرڈ سے منسلک تھا، اور اسے 2019 میں وزیر اعظم جناب نریندر مودی نے قوم کے نام وقف کیا تھا۔

**************

ش ح۔ ف ش ع- س ا  

U: 15024

(Release ID: 1786641) Visitor Counter : 205