نئی دلّی ،22 دسمبر/ بھارت مالا پری یوجنا   مرحلہ – I کے تحت 560216 کروڑ روپئے کی لاگت  والے 19265 کلو میٹر طویل پروجیکٹوں کا ٹھیکہ دیا گیا ہے ۔ اب تک 6750 کلو میٹر سڑکیں مکمل کر لی گئی ہیں ۔

          بھارت مالا پری یوجنا مرحلہ – I کے تحت ریاستِ بہار میں 13720 کروڑ روپئے کی لاگت والے  612 کلو میٹر کے پروجیکٹوں کا ٹھیکہ دیا گیا ہے ۔

          قومی شاہراہوں کی تعمیر  کے اہداف  سال بہ سال کی بنیاد پر طے کئے جاتے ہیں ۔ حکومت نے رواں مالی سال  22-2021 ء کے دوران  12000 کلو میٹر قومی شاہراہوں کی تعمیر  کا ہدف مقرر کیا ہے   ، جس میں سے 30  نومبر ، 2021 ء تک 5118 کلو میٹر کی تعمیر کی جا چکی ہے ۔

          رواں مالی سال 22-2021 ء کا ہدف حاصل کرنے کی خاطر حکومت  قومی شاہراہوں کے پروجیکٹوں  کی تکمیل  پر اثر انداز ہونے والے مختلف معامالت جیسے زمین کو تحویل میں لینا   ، تجاوزات کو ہٹانا  ، امن و قانون کی بر قراری  ، افادیتی   چیزوں کی منتقلی   ، مٹی  ، مناسب ماحول / جنگلات / جنگلی حیات  کی منظوری  نہ ملنا  ، آر او بی اور آر یو بی کے معاملات   ، ٹھیکے سے متعلق معاملات وغیرہ کی قریب سے نگرانی کر رہی ہے  اور  ریاستوں حکومتوں ، مرکزی وزارتوں / محکموں سمیت  تمام  فریقوں  کے ساتھ مسلسل رابطے میں ہے ۔ متعلقہ ریاستی عہدیداروں  کے ساتھ مقامی  / ضلع / ریاستی سطح پر  یومیہ  / ہفتہ وار / ماہانہ / سہ ماہی بنیاد پر ضرورت کے مطابق  میٹنگیں کی جا رہی ہیں ۔  گذشتہ سال  کا موازنہ  مندرجہ ذیل ہے :

 

 

          ایک تخمینے کے مطابق ایک کلو میٹر قومی شاہراہ کی تعمیر کے لئے تقریباً 4076 دیہاڑیاں یا تقریباً 15.5 مین ایئرس  کی ملازت کی ضرورت ہوتی ہے ۔ اس لئے بھارت مالا پری یوجنا کے نفاذ کے لئے  14.2  کروڑ دیہاڑیاں یا 5.37 لاکھ مین ایئرس کی ضرورت ہے ۔ 

          مذکورہ  معلومات ٹرانسپورٹ اور شاہراہوں کے مرکزی وزیر جناب نتن گڈکری نے راجیہ سبھا میں  ایک سوال کے تحریری جواب میں فراہم کیں ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا )

U. No.  14662

 

(Release ID: 1784366) Visitor Counter : 174