روڈ ٹرانسپورٹ اور ہائی ویز کے مرکزی وزیر جناب نتن گڈکری نے آج اتر پردیش کے وزیر اعلیٰ یوگی آدتیہ ناتھ کی موجودگی میں اتر پردیش کے جون پور اور مرزا پور میں 4160 کروڑ روپئے کی لاگت سے 232 کلومیٹر طویل قومی شاہراہوں کا سنگ بنیاد رکھا اور افتتاح کیا۔

تقریب سے خطاب کرتے ہوئے جناب گڈکری نے روزگار پیدا کرنے اور اقتصادی خوشحالی کے لیے بنیادی ڈھانچے کی ترقی پر زور دیا۔ انہوں نے کہا کہ ہم اتر پردیش کی ترقی کے لئے پرعزم ہیں۔ انہوں نے کہا کہ ان روڈپروجیکٹ سے ریاست کی ترقی کو فروغ ملے گا، خطے میں بہتر رابطے فراہم ہوں گے اور ریاست کی ترقی کی رفتار دوگنی ہوگی ۔

روڈ ٹرانسپورٹ کے وزیر نے کہا کہ یہ سڑک منصوبے خطے میں بہتر رابطے کے ساتھ سامان کی نقل و حرکت میں سہولت فراہم کریں گے۔ انہوں نے کہا کہ اس سے زرعی پیداوار، مقامی اور دیگر مصنوعات کی منڈیوں تک رسائی بڑھے گی۔

جونپور میں، شری گڈکری نے 3 نیشنل ہائی وے پروجیکٹوں کا سنگ بنیاد رکھا، جو 1,123 کروڑ روپے کی لاگت سے 86 کلومیٹر کا فاصلہ طے کریں گے۔

مرزا پور میں، شری گڈکری نے 3037 کروڑ روپے کے چار نیشنل ہائی وے پروجیکٹوں کا افتتاح کیا، جن کی کل لمبائی 146 کلومیٹر ہے۔

****************

(ش ح ۔س ک۔ ف ر)

U NO: 14648