آیوش کی وزارت نے، آیورویدا، یونانی، سدھا اور ہو میوپیتھی (اے ایس یو اور ایچ) ادویہ  ، طریقہ علاج اور  متعلقہ خدمات  سے تعلق رکھنے والے گمراہ کن اشتہارات کا نوٹس  لیا ہے۔

ادویہ اور  جادوئی علاج (قابل اعتراض اشتہارات) کے  قانون 1954  اور  اس کے بعد  کے ضابطے ، آیوش  ادویہ سمیت  ادویہ اور  طبی  عناصر  کے  گمراہ کن اشتہارات اور  فرسودہ دعووں کی  روک تھام کے لئے گنجائشوں کا احاطہ کرتے ہیں۔ ادویہ  اور  کاسٹمکس کے قانون 1940  اور  ضابطے  1945 نیز  ادویہ اور  جادوئی علاج (قابل اعتراض اشتہارات)  کے قانون 1954  کے مطابق، متعلقہ ریاستی سرکار کو  مذکورہ قانون وضوابط  کے تحت  تمام گنجائشوں کو  نافذ کرنے کے   مکمل  اختیارات   حاصل ہیں۔ اسی  کے مطابق  تمام ریاستوں نیز مرکز کے زیر انتظام علاقوں کو  کسی بھی احاطے میں داخل ہونے اور تلاشی لینے یا  مبینہ طور پر  گمراہ کن  اور  غیر موزوں اشتہارات  سے متعلق  کسی بھی   طرح کے ریکارڈ کو ضبط کرنے کی غرض سے افسران کی  تقرری کرنے   اور  خلاف ورزی کے معاملات  میں کارروائی کا آغاز کرنے  کی ہدایت  جاری  کی گئی ہیں ۔

آیوش کی وزارت اے ایس یو اور ایچ  ادویہ  کی  فارما کو  ویجیلنس  کی  ایک مرکزی شعبے کی اسکیم نافذ  کر رہی ہے، جس کا مقصد  صارفین کے ساتھ ساتھ اے ایس یو اینڈ ایچ  کے پرٹیشنرز کے مابین  رپورٹ کرنے کے  ماحول کو  اپنانے کی راہ ہموار کرنا ہے۔ اس کے علاوہ  ادویہ  کے منفی  ری ایکشن کی نگرانی  اور رپورٹ کرنے کے لئے ،  فارما کو ویجیلنس  اسکیم ، اے ایس  یو اور ایچ ادویہ  کے قابل اعتراض یا گمراہ کن  اشتہارات کی  کرنے  اور رپورٹ کرنے  کی اسکیم ہے، جو  ریگولیٹری  کارروائیوں کے لئے کی جائے گی۔  اگست 2018  سے  جون 2021  تک کی مدت کے دوران   فارمو کو ویجیلنس  مراکز  نے  اے ایس یو  اور ایچ  ڈرگس  کی   گمراہ  کن اشتہارات  کے 14876  معاملات کی  رپورٹ  کی ہے، جنہیں  متعلقہ ریاستوں  نیز مرکز کے زیر انتظام علاقوں،  میڈیا چینلوں  اور  مینو فیکچررس  کو ،  روک تھام اور  ضابطے کی کارروائی کے لئے بھیج دیا گیا ہے۔

صارفین امور ،  خوراک  اور  عوامی نظام تقسیم کی وزارت  کا  صارفین امور کا محکمہ گمراہ کن  اشتہارات کا  ازالہ  (جی اے ایم اے) پورٹل چلاتا ہے، جس میں گمراہ کن اشتہارات سے متعلق  شکایت  کا  کوئی بھی اندراج کر اسکتا ہے۔ آیوش  کی وزارت سے، نوڈل آفیسر کے طور پر  افسران کو  تعینات کیا جا تا ہے، جو اس پورٹل کے تحت   اندراج شدہ  آیوش مصنوعات  اور  خدمات  کو ہینڈل کرتے ہیں۔ اپریل 2015  سے جنوری 2018  کی مدت  تک  آیوش  (ہربل سمیت) مصنوعات  اور  خدمات سے  تعلق رکھنے والی اس طرح  کی تقریبا 809  شکایات  کا  پورٹل  پر اندراج کرایا گیا۔ جن شکایت کو حل کردیا گیا ہے، ان کی مجموعی تعداد تقریبا 274  ہے۔ جب کہ  585  اس طرح کی شکایات  آیوش  کی وزارت نے  متعلقہ ریاستی  حکام کو  مناسب اقدام کرنے کے لئے  بھیج دیا ہے۔ سن 20-2019  میں  تقریبا 268  اشتہاروں کے بارے میں  گاما پورٹل پر  گمراہ کن  اشتہارات  موصول ہوئے، جب کہ  21-2020  میں  339  اشتہارات کو ضابطوں کے مطابق مناسب اقدامات کرنے کے لئے  متعلقہ ریاستی   لائسنسنگ حکام  کو  بھیج دیا گیا ہے۔

مزید بر آں سال 18-2017  اور  سال  19-2018  میں  اے ایس یو  اور ایچ  ادویہ سے متعلق  گمراہ کن  اشتہارات  کی  منفی تشہیر  پر توجہ مرکوز کرنے کے لئے ہندوستان کی  اشتہارات کی معیارات کی کونسل (اے ایس سی آئی)  کے ساتھ  ایک مفاہمت نامے پر دستخط کئے ہیں، جس کا مقصد اس طرح کے اشتہارات  کی  نگرانی کرنا ہے، چاہئے وہ  طباعتی یا  الیکٹرانک میڈیا میں ہوں، نیز  ضروری  کارروائی کے لئے  ریاست کی  سرکار  نوٹس فراہم کرسکیں۔

آیور وید اور  دیگر اسی طرح کی ادویہ کی   فروخت کے لئے  غیر مناسب  اشتہاری  تشہیر  کو روکنے کے لئے،میڈیا ریگولیٹرس تک بھی رسائی کی گئی ہے، جو کہ   عوام کے مفاد میں ہے۔ اس سلسلے میں اطلاعات ونشریات کی وزارت نے  تمام میڈیا چیلنجوں کو  ہدایات  /  رہنما خطوط  جاری کئے ہیں، تاکہ وہ  اس طرح کے گمراہ کن  اشتہارات   کی اشاعت  اور نشریات  کو  بند کردیں، جو  ادویہ اور  جادوئی علاج (قابل اعتراض اشتہارات)  کے قانون  1954  اور بعد کے ضابطوں کی  گنجائشوں کے برخلاف  ہوں۔

آیوش کی وزارت نے 31  اگست 2018   کو،  ادویات کے مینو فیکچرر  اور اشتہاری ایجنسیوں کو  ایک ایڈوئزری جاری کی تھی، جس میں  ان سے  اے ایس یو اور ایچ  ادویہ کے اشتہار ات میں سرکاری محکموں یا اداروں  کا نام استعمال کرنے  سے  باز رہنے کو کہا گیا تھا۔ اس کے علاوہ  عوام الناس  کے لئے  نومبر  2018  میں سرکردہ اخبارات میں  ایک احتیاط بھی جاری کی گئی تھی،  جس میں  اُن سے  اے ایس یو اور ایچ  ادویہ  کے اشتہارات  اور  نقلی  فون کالز  کے چکر میں نہ پڑنے کی اپیل کی گئی تھی۔ ان اقدامات کے عمل میں آتے ہی ،  اشتہار کرنے والوں نے  غیر مناسب  اشتہارات  میں  ترمیم کر کے یا تو انہیں درست کرلیا  ہے یا ان کی اشاعت  ختم کردی ہے۔

یہ معلومات  آج راجیہ سبھا میں آیوش کی وزارت کے   وزیر جناب سربانند سونووال  نے  ایک تحریری جواب میں فراہم کیں۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-  اع - ق ر)

U-14544

(Release ID: 1783385) Visitor Counter : 254