মিনিস্ত্রী ওফ দিবেলপমেন্ত ওফ নোর্থ ইস্তর্ন রিজন(এম.দি.ও.এন.ই.আর.)না কেন্দ্রনা স্পোন্সর্দ তৌখিবা স্কিম অমতা চৎনখিবা লৈতে৷ অদুম ওইনমক, হৌখিবা চহি অহুম অসিদা এম.দি.ও.এন.ই.আর.গী তোঙান তোঙানবা সেন্ত্রেল সেক্তর স্কিমশিংগী মখাদা অসাম সরকারদা লুপা কোতি ১৪৬৭.৫১গী শেনফম কাইথখ্রে৷

এম.দি.ও.এন.ই.আর.না হকথেংননা বোদোলেন্দ তেরিতোরিএল কাউন্সিল(বি.তি.লি.)দা ফন্দশিং থাদদে৷ অদুম ওইনমক, মন্ত্রালয় অসিনা বোদোলেন্দ তেরিতোরিএল কাউন্সিলগী তোঙান তোঙানবা দিবেলপমেন্ত প্রোজেক্তশিংগীদমক অখন্নবা পেকেজকী মখাদা অসাম রাজ্য সরকারদা ফন্দশিং থাদখি৷ লুপা কোতি ৭৫০.০০গী পেকেজ অসিগী মখাদা, লুপা কোতি ৭৪৯.৬৩গী প্রোজেক্ত ৬৫ সেঙ্কসন তৌখ্রে, হৌখিবা চহি অহুমদা লুপা কোতি ৩.৮৫ থাদখিবা য়াওনা লুপা কোতি ৭১৪.২৪ রিলিজ তৌখ্রে৷ হৌজিক ফাওবদা, লুপা কোতি ৫৮৯.১১গী মমল ওইগদবা প্রোজেক্ত ৫৪ মপুং-ফানা লোইশিনখ্রে অমদি লৈহৌরিবা প্রোজেক্তশিং অসিনা চৎননবগী তোঙান তোঙানবা স্তেজশিংদা লৈরি৷

মথক্তা পনখিবা অদুগুম্না, মন্ত্রালয় অসিনা হকথেংননা বোদোলেন্দ তেরিতোরিএল কাউন্সিল(বি.তি.সি.)দা ফন্দশিং থাদদে৷ স্কিম গাইদলাইনশিংগী মতুং ইন্না রাজ্য সরকারদগী য়ুতিলাইজেসন সর্তিফিকেৎশিং, ফিজিকেল অমসুং ফাইনান্সিয়েল প্রোগ্রেস য়াওনা দরকার ওইরিবা দোকুমেন্ত পুম্নমক ফংলবা মতমদা সেঙ্কসন প্রোজেক্তশিংগীদমক ফন্দশিং অসাম সরকারদা থাদরি৷

২৭.০১.২০২০দা ভারত সরকার, অসাম সরকার অমসুং বোদো গ্রুপশিং(এ.বি.এস.য়ু. অমসুং এন.দি.এফ.বি. ফেক্সনশিং)গী মরক্তা অনৌবা মেমোরেন্দম ওফ সেত্তলমেন্ত(এম.ও.এস.) অমা শহি পীনখ্রে৷ বি.তি.সি.গী মখাদা লৈরিবা এরিয়াদা অখন্নবা দিবেলপমেন্ত পুরক্নবগীদমক চহি অহুমগী ওইনা চহি অমদা লুপা কোতি ২৫০.০০গী শেনফম অমা খাক্তুনা থম্লবা য়াই হায়না এম.ও.এস. অসিদা পল্লি৷ মখাতানা, হায়রিবা মতম অসিমক্তদা ভারত সরকারনা চহি অমদা লুপা কোতি ২৫০.০০গী অহেনবা শেনফম কন্ত্রিব্যুত তৌরবা য়াই৷ হৌজিক ফাওবদা, বি.তি.সি.গী অখন্নবা পেকেজকী মখাদা ফন্দ থাদনবগীদমক বোদোলেন্দ তেরিতোরিএল কাউন্সিলনা শেমখিবা লুপা কোতি ২৬৫.০০গী মমল ওইরিবা প্রোজেক্ত প্রপোজেল ৩, ২০২১গী নবেম্বর থাদা রাজ্য সরকারনা চে থাখ্রে৷

ৱারোল অসি ঙসি লোক সভাদা দিবেলপমেন্ত ওফ নোর্থ ইস্ত রিজনগী মন্ত্রী শ্রী জি. কিসন রেদ্দীনা অইবা পাউখুম অমদা ফোংদোকখিবনি৷

******

(Release ID: 1783260) Visitor Counter : 82