نئی دہلی۔ 15  دسمبر       محکمہ انکم ٹیکس نے 08.12.2021 کو اثاثوں کی تعمیر نو  چارکمپنیوں (اے آر سی)کی  تلاشی اور ضبطی کی کارروائیاں کیں۔ ممبئی، احمد آباد، دہلی وغیرہ میں پھیلے ہوئے کل 60 مقامات کا احاطہ کیا گیا ہے۔

تلاشی کی کارروائی سے یہ بات سامنے آئی ہے کہ اے آر سی  نے قرض دینے والے بینکوں سے غیر فعال اثاثہ یعنی نان پرفارمنگ ایسٹس (این پی اے) حاصل کرنے میں مختلف غیر منصفانہ اور جعلسازی  پر مبنی تجارتی طریقوں کو اپنایا تھا۔ یہ پایا گیا ہے کہ قرض لینے والے گروپوں اور اے آر سی کے درمیان ایک ناپاک گٹھ جوڑ موجود ہے اور اس عمل میں، شیل / فرضی  خدشات کا پیچیدہ طریقہ استعمال کیا گیا ہے۔ اے آر سی کے ذریعہ جس رقم پر این پی اے حاصل کیا گیا ہے وہ مذکورہ اثاثہ/این پی اے کا احاطہ کرنے والی کولیٹرل سیکیورٹیز کی حقیقی قیمت سے بہت کم پائی گئی ہے۔

تلاشی کے دوران یہ بات سامنے آئی ہے کہ دباؤ والے اثاثوں/این پی اے کو حاصل کرنے کے لیے قرض دینے والے بینکوں کو اے آر سی  کے ذریعہ کم سے کم نقد ادائیگی عام طور پر قرض لینے والے گروپ کے فنڈ کا استعمال کرتی رہی ہے۔ اس طرح کے فنڈ قرض لینے والے گروپ کے زیر کنٹرول فرضی  کمپنیوں کی کئی پرتوں کے ذریعہ  یا حوالہ چینل کے ذریعہ  بھیجے گئے ہیں۔

یہ بھی پتہ چلا ہے کہ اے آر سی ان اثاثوں کو ٹھکانے لگانے کے لیے غیر شفاف طریقے اپنا رہے ہیں جو ان کے ذریعہ بینکوں سے حاصل کیے گئے تھے۔ اکثر و بیشتر بنیادی اثاثے اسی قرض لینے والے گروپ کے ذریعہ دوبارہ حاصل کیے گئے تھے، حالانکہ وہ  ان کی حقیقی قدروں کا ایک حصہ تھا۔ اے آر سی نے مشاورتی  رسیدوں یا غیر محفوظ قرضوں/سرمایہ کاری کی آڑ میں اصل منافع کو اپنے متعلقہ خدشات کی طرف موڑ کر بنیادی اثاثوں کو ضائع کرنے پر منافع کو مخفی رکھا ہے۔ اس طریقہ کار کے ذریعہ ، اے آر سی نے نہ صرف واجب الادا ٹیکسوں کی ادائیگی سے بچایا ہے بلکہ قرض دینے والے بینک (بینکوں) کو ان کے حقیقی منافع سے بھی محروم کر دیا ہے۔

اے آر سی میں سے ایک کے پاس پروموٹر کے قابل اعتماد ملازمین کی تحویل سے برآمد  ہونے والے ایک پین ڈرائیو میں ٹیلی اکاؤنٹنگ سافٹ ویئر پر اکاؤنٹس کے متوازی سیٹ پایا گیا۔ اکاؤنٹس کے اس متوازی سیٹ میں 850 کروڑ روپے سے زیادہ کے مجموعی نقدکی  لین دین شامل ہے۔ تلاشی کے دوران ہاتھ سے لکھی ہوئی ڈائریاں بھی ملی ہیں، جن میں تفصیلی اندراجات پروموٹر گروپ کے ذریعہ  لین دین کو دانستہ طور پر پوشیدہ  رکھنے کے عمل اور اس کے لیے درمیانی افراد کے نیٹ ورک کے استعمال کی تصدیق کرتے ہیں۔ اثاثوں کو حاصل کرنے کے لیے آف شور ڈھانچے کے ذریعہ رقوم کی منتقلی کے شواہد بھی موجود ہیں۔

تلاشی مہم کے دوران 4 کروڑ روپے ضبط کئے گئے ہیں۔ انکم ٹیکس اور متعلقہ ایکٹ کے تحت خلاف ورزیوں کا پتہ لگانے کے لیے ضبط کیے گئے دستاویزی اور ڈیجیٹل شواہد کی بڑی مقدار کا مزید تجزیہ کیا جا رہا ہے۔

مزید تحقیقات جاری ہیں۔  

۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح ۔ رض  ۔ س ا  (

U-14335

(Release ID: 1782039) Visitor Counter : 185