پٹرولیم اور قدرتی گیس کے وزیر مملکت جناب رامیشور تیلی نے آج راجیہ سبھا میں ایک تحریری جواب میں مطلع کیا کہ حکومت ہند نے دیگر عالمی توانائی صارفین کے ساتھ صلاح و مشورے کے ساتھ اپنے کلیدی پٹرولیم ذخیرے سے 5 ملین بیرل خام تیل جاری کرنے سے اتفاق کیا ہے۔

ہندوستان اس بات پر مضبوط یقین رکھتا ہے کہ رقیق ہائیڈرو کاربن کی قیمتیں معقول ہونی چاہئیں، ذمہ دار ہونی چاہئیں اور مارکیٹ فورسیز کے ذریعے ان کا یقین ہونا چاہئے۔ ہندوستان نے بار بار تیل پیدا کرنے والے ممالک کے ذریعے مانگ سے کم فراہمی مصنوعی طریقے سے پیدا  کئے جانے پر ہمیشہ تشویش ظاہر کی ہے، کیونکہ اس سے قیمتوں میں اضافہ ہوتا ہے اور منفی اثرات وضع ہوتے ہیں۔

20-2019 میں استعمال  کے خاکے کے مطابق کلیدی پٹرولیم ذخیرے (ایس آر پی) میں 5.33 ملین میٹرک ٹن کی مجموعی صلاحیت اندازاً خام تیل کی 9.5 دن کی مانگ کو پورا کر سکتی ہے۔

حکومت ہند عام شہریوں کے لئے توانائی کے انصاف کو یقینی بناتے ہوئے ملک کی  توانائی کی سکیورٹی کا تحفظ کرنے کی جانب تمام مطلوبہ اقدامات کر رہی ہے۔ حکومت اندرون ملک پٹرولیم، ڈیزل کی قیمتوں کا لگاتار جائزہ لے رہی ہے۔ قیمتوں میں اضافے کے دباؤ کو قابو میں کرنے کے لئے حکومت ہند نے پٹرول اور ڈیزل پر سنٹرل ایکسائز ڈیوٹی میں بالترتیب  5 روپے فی لیٹر اور 10 روپے فی لیٹر کی کمی 3؍نومبر 2021 کو کی ہے۔ اس کے بعد کئی ریاستی سرکاروں نے ایندھن پر (وی  اے ٹی) میں تخفیف کی ہے۔

کلیدی پٹرولیم ذخائر کو پھر سے پُر کرنے کا کام کئی حقائق کو دھیان میں رکھتے ہوئے کیا جا رہا ہے، جس میں خام تیل کا گریڈ اور بین الاقوامی مارکیٹ کی صورتحال شامل ہے۔

****************************

 

U-14196

ش ح-ع س-ک ا

(रिलीज़ आईडी: 1781154) आगंतुक पटल : 132