माहिती आणि प्रसारण मंत्रालय
फिल्म्स डिव्हिजन, CFSI, NFDC हे मुंबईत मुख्यालय असलेले सर्व चित्रपट संबंधित विभाग आता एकाच अधिकाऱ्याकडे
केंद्रीय चित्रपट प्रमाणन मंडळाचे मुख्य कार्यकारी अधिकारी रविंदर भाकर आता राष्ट्रीय चित्रपट विकास महामंडळ, फिल्म्स डिव्हिजन, चिल्ड्रेन्स फिल्म सोसायटी ऑफ इंडिया चे नवे प्रमुख
Posted On:
13 DEC 2021 6:45PM by PIB Mumbai
मुंबई, 13 डिसेंबर 2021
केंद्रीय चित्रपट प्रमाणन मंडळाचे (CBFC) मुख्य कार्यकारी अधिकारी रविंदर भाकर यांनी आज, 13 डिसेंबर 2021 रोजी राष्ट्रीय चित्रपट विकास महामंडळ (NFDC), फिल्म्स डिव्हिजन आणि चिल्ड्रन फिल्म्स सोसायटी ऑफ इंडिया (CFSI) चा पदभार स्वीकारला. NFDC चे व्यवस्थापकीय संचालक (MD), चित्रपट विभागाचे महासंचालक (DG) आणि CFSI चे मुख्य कार्यकारी अधिकारी म्हणून त्यांची नियुक्ती करण्याच्या माहिती आणि प्रसारण मंत्रालयाच्या गेल्या शुक्रवारी दिलेल्या आदेशानुसार ही नियुक्ती करण्यात आली आहे.
भारतीय रेल्वे स्टोअर्स सर्व्हिस (IRSS) चे 1999 बॅचचे अधिकारी श्री. भाकर यांना पुढील आदेशापर्यंत, फिल्म्स प्रमाणन संस्थेचे CEO म्हणून त्यांच्या सध्याच्या कर्तव्याव्यतिरिक्त हा अतिरिक्त कार्यभार देण्यात आला आहे.
यासह, माहिती आणि प्रसारण मंत्रालयाचे मुंबई येथे मुख्यालय असलेले सर्व चित्रपट-संबंधित विभाग एकाच अंमलाखाली आले आहेत. या हालचालीमुळे NFDC मधील फिल्म्स डिव्हिजन आणि CFSI च्या विलीनीकरणाची प्रक्रिया सुरळीत होईल अशी अपेक्षा आहे, ज्याची रचना आणि कार्यप्रणालीमध्ये मोठ्या सुधारणा होत आहेत.
या प्रसंगी, श्री. भाकर म्हणाले, या विविध विभागातील कर्मचार्यांचे सामूहिक हित, चित्रपट उद्योगाच्या गरजांनुसार महामंडळाची सु-परिभाषित रचना हा प्राथमिक अजेंडा आहे.
श्री रविंदर भाकर हे एमएनआयटी, जयपूरचे मेकॅनिकल अभियंता आहेत. भारतीय अभियांत्रिकी सेवा अधिकारी म्हणून त्यांच्या विशिष्ट कारकिर्दीत, त्यांना भारतीय रेल्वेमध्ये अनेक महत्त्वाच्या पदांवर काम करण्याचा समृद्ध अनुभव आहे. त्यांना अनेक प्रतिष्ठित पुरस्कार देखील प्राप्त झाले आहेत, ज्यात उत्कृष्ट सेवेसाठी रेल्वे मंत्र्यांचा राष्ट्रीय पुरस्कार आणि पश्चिम रेल्वे (WR) आणि मध्य रेल्वे (CR) या दोन्ही ठिकाणी अनुकरणीय सेवेसाठी महाव्यवस्थापक पुरस्कार यांचा समावेश आहे. त्यांनी पश्चिम रेल्वे आणि मध्य रेल्वे मधील विविध आधुनिकीकरण मोहिमांमध्ये महत्त्वाची भूमिका बजावली आहे आणि आधुनिक PR तंत्र विकसित करणे, इलेक्ट्रॉनिक खरेदीची अंमलबजावणी, विविध मल्टीमोडल लॉजिस्टिक योजना तयार करणे आणि वाहतूक व्यवस्थापन यामध्ये त्यांचा घनिष्ट संबंध होता.
* * *
M.Chopade/V.Joshi/D.Rane
सोशल मिडियावर आम्हाला फॉलो करा: @PIBMumbai /PIBMumbai /pibmumbai pibmumbai[at]gmail[dot]com
(Release ID: 1781036)
Visitor Counter : 187