وزارت دفاع
azadi ka amrit mahotsav g20-india-2023

ڈی آر ڈی او اور بھارتی فضائیہ نے اندرون ملک تیار کردہ اسٹینڈ آف ٹینک شکن میزائل کا کامیاب تجربہ کیا

Posted On: 11 DEC 2021 5:49PM by PIB Delhi

نئی دہلی:11 دسمبر،2021۔دفاعی تحقیق و ترقی کی تنظیم (ڈی آر ڈی او) اور بھارتی فضائیہ (آئی اے ایف) نے11 دسمبر 2021 کو پوکھرن رینج سے اسٹینڈ آف اینٹی ٹینک (ایس اے این ٹی) میزائل کو اندرون ملک ڈیزائن اور تیار کردہ ہیلی کاپٹر کا تجربہ کیا۔ اپنے تمام مشن کے مقاصد کو پورا کرنے میں یہ آزمائشی پرواز کامیاب رہی۔ ریلیز کا طریقہ کار، جدید رہنمائی اور ٹریکنگ الگورتھم، مربوط سافٹ ویئر کے ساتھ تمام ایونکس نے اطمینان بخش کارکردگی کا مظاہرہ کیا اور ٹریکنگ سسٹم نے مشن کے تمام واقعات کی نگرانی کی۔ یہ میزائل جدید ترین ایم ایم ڈبلیو سیکر سے لیس ہے جو محفوظ فاصلے سے اعلیٰ درستگی سے حملہ کرنے کی صلاحیت فراہم کرتا ہے۔ یہ ہتھیار 10 کلومیٹر تک کے اہداف کو بے اثر کر سکتا ہے۔

ایس اے این ٹی میزائل کو ریسرچ سینٹر امارت (آر سی آئی)، حیدرآباد نے ڈی آر ڈی او کی دیگر لیبز اور صنعتوں کی شراکت کے ساتھ مل کر ڈیزائن اور تیار کیا ہے۔ طویل فاصلے تک مار کرنے والے بم اور آئی اے ایف کے ہتھیاروں کو مضبوط بنانے کے لیے اسمارٹ اینٹی ایئر فیلڈ ہتھیار کے بعد حالیہ دنوں میں دیسی اسٹینڈ آف ہتھیاروں کی سیریز میں یہ تیسرا تجربہ ہے۔ جدید ٹیکنالوجی کے ساتھ مختلف ایپلی کیشنز کے لیے مختلف کنفیگریشنز کی مقامی ترقی دفاع میں 'آتم نربھر بھارت' کی طرف ایک مضبوط قدم ہے۔

وزیر دفاع جناب راج ناتھ سنگھ نے مشن سے وابستہ ٹیم کو مبارکباد دی ہے۔ محکمہ برائے دفاع (تحقیق و ترقی) کے سکریٹری اور ڈی آر ڈی او کے چیئرمین ڈاکٹر جی ستیش ریڈی نے کہا کہ اسٹینڈ آف اینٹی ٹینک میزائل کا کامیاب پرواز کا تجربہ مقامی دفاعی صلاحیتوں کو مزید تقویت دے گا۔

 

https://static.pib.gov.in/WriteReadData/userfiles/image/PIC1(1)4QU6.jpg https://static.pib.gov.in/WriteReadData/userfiles/image/PIC2(1)GU2A.jpg

-----------------------

ش ح۔م ع۔ ع ن

U NO: 14127



(Release ID: 1780593) Visitor Counter : 157