হকশেল অমসুং য়াইফ-য়ুম্বাল মন্ত্রালয়
কোবিদ ৱারিয়রশিংগী য়াইফনবগীদমক লৌখৎখিবা খোংথাংশিং
Posted On:
10 DEC 2021 4:36PM by PIB Imphal
কোবিদ-১৯ লান্থেংনরিবা হেল্থকেয়র ৱার্করশিংগী ফিভম ফগৎহন্নবা হকশেল অমদি য়াইফ-য়ুম্বাল মন্ত্রালয়না খোংথাং কয়া অমা লৌখৎখ্রে৷ হিরম অসিগী মতাংদা লৌখৎখিবা এক্সনশিংগী মনুং চল্লিবা খরা অদুদি:
- ২০২১গী জানুৱারি ১৬তা কোবিদ-১৯ ভেক্সিনেসন ইনিসিয়েতিব হৌদোক্তুনা, হোল্থকেয়র ৱার্করশিং অসিবু অহানবা প্রাইয়োরিতী গ্রুপনি হায়না খন্দোকখি৷ কোবিদকা মরী লৈনবা থবকশিং তৌরিবা মেদিকেল প্রোফেস্নেলশিং অসি চুনবা মওংদা ভেক্সিন কাপথোকহন্নবা রাজ্য সরকারশিং/য়ু.তি. শাসনশিংদা হঞ্জিন-হঞ্জিন খঙহনখ্রে৷
- হেল্থকেয়র ৱার্করশিংদা ইনফেক্সন থোকপগী রিক্স অসি হন্থহন্নবা হকশেল অমদি য়াইফ-য়ুম্বাল মন্ত্রালয়না ইনফেক্সন প্রিবেন্সন অমসুং কন্ত্রোল প্রেক্তিসশিংগী গাইদলাইনশিং রাজ্য সরকারশিংদা ফংহনখি৷
- রিক্স ৱাংবা এক্সপোজরশিংগীদমক, অহানবগী ওইনা চয়োল অমা হেল্থকেয়র ৱার্করশিংদা ক্বারেন্তিনগী মতম ফংহল্লি অমদি মতুং তারকপদা হেল্থ ৱার্কর অদুগী প্রোফাইল লৌরবা মতুংদা মখাতানা চয়োল অমগী মতম ফংহন্নবা ৱারেপ অমা লৌরগনি৷ হিরম অসিগী মতাংদা, কোবিদ অমদি নন-কোবিদ এরিয়াশিংদা মথৌ তৌরিবা হেল্থকেয়র ৱার্করশিংগীদমক এদবাইজরী অমা হকশেল অমদি য়াইফ-য়ুম্বাল মন্ত্রালয়না ২০২০গী জুন ১৮দা ফোংখি৷
- রিত পেতিসনশিংগী বেচ অমদা ইকাই খুম্নরবা সুপ্রিম কোর্তনা ফোংখ্রবা দাইরেক্সনশিংগী মতুং ইন্না অমদি দিজাস্তর মেনেজমেন্ত এক্ত, ২০০৫গী সেক্সন ১০(২)গী মখাদা পৱারশিং শিজিন্দুনা, কোবিদ-১৯গা মরী লৈনবা দ্যুতীশিংদা দোক্তরশিং অমদি হেল্থকেয়র ৱার্করশিংগী সেলরীশিং অসি মতম চানা পীথোকপিনবা এম.ও.ঐচ.এফ.দবল্যু.না ২০২০গী জুন ১৮দা রাজ্যশিং/য়ু.তি.শিংদা খঙহনখ্রে৷
- দিপার্তমেন্ত ওফ পর্সোনেল ত্রেনিংগা তাথোক-তাশিন তৌরবা মতুংদা হকশেল অমদি য়াইফ-য়ুম্বাল মন্ত্রালয়না দ্যুতী তৌদুনা লৈরিবা হেল্থকেয়র ৱার্করশিংগী ক্বারেন্তিন পেরিয়র্দ খনবিনবসু রাজ্য সরকারশিংদা খঙহনখ্রে৷
- হেল্থকেয়র ৱার্করশিং ক্বারেন্তিন তৌনবগীদমক ফেসিলিতীশিং হাপ্নবা হকশেল অমদি য়াইফ-য়ুম্বালগী কেন্দ্রগী মন্ত্রালয়না রাজ্যশিং/য়ুনিয়ন তেরিতোরীশিংগী চীফ সেক্রেতরীশিংদসু খঙহনখি৷ তোঙান তোঙানবা রোস্তরিং ওপ্সনশিং এক্সপ্লোর তৌনবসু রাজ্যশিং/য়ু.তি.শিংদা পাউতাক পীখি৷
- কোবিদ-১৯ অসি য়েংলগা, ইপিদেমিক দিজিজেস(এমেন্দমেন্ত) ওর্দিনেন্স, ২০২০বু ২০২০গী এপ্রীল ২২দা মীয়ামদা খঙহনখি৷ মখাতানা ওর্দিনেন্স অসি পার্লিয়ামেন্তনা পাস অমসুং নোতিফাই তৌদ্রিঙৈগী মাংওইননা ২০২০গী সেপ্তেম্বর ২৯দা পুথোরকখি৷ হিংশাগী থৌওংশিংদগী হেল্থকেয়র সর্ভিস পর্সোনেল(ঐচ.এস.পি.শিং)বু তেক্ত-কাইদনা থম্নবা অমদি সেক্যুরিতী অদু এমেন্দমেন্ত অসিনা ফংহল্লি৷
- প্রধান মন্ত্রী গরিব কল্য়ান পেকেজ(পি.এম.জি.কে.পি.) : কোবিদ-১৯ লান্থেংনরিবা হেল্থ ৱার্করশিংগী ইন্সুরেন্স স্কিম অসিগী মখাদা লাইফ ইন্সুরেন্স বেনিফিৎ(হেল্থকেয়র প্রোবাইদর লাখ ২২.১২দা লুপা লাখ ৫০) পীরি৷ হায়রিবা স্কিম অসিগী মখাদা ফংহল্লিবা কান্নবশিং অদু মখাতানা নুমিৎ ১৮০নিগী ওইনা ২০২১গী ওক্তোবর ২১দগী শাংদোকখ্রে৷
ৱারোল অসি ঙসি লোক সভাদা হকশেল অমদি য়াইফ-য়ুম্বালগী কেন্দ্রগী রাজ্য মন্ত্রীনা অইবা পাউখুম অমদা ফোংদোকখিবনি৷
*****
(Release ID: 1780324)
Visitor Counter : 110