নেদফি, ইতানগর ব্রাঞ্চনা অরুনাচল প্রদেশকী পাপুম পারে দিস্ত্রক্ত, ইতানগরগী সিভিল সেক্রেতরিএত মনাক্তা লৈবা হোতে সু-পিন্সাদা বিজিনেস মীত অমা পাঙথোক্তুনা ভারতকী নীংতম্বা ৭৫শুবা চহিগী ‘অজাদি কা অমৃত মহোতসব’ পাঙথোকখ্রে‍। মীফম অদুদা মতিং লৈবা ওন্ত্রপ্রিন্যুর ২৭না শরুক য়াখি‍।

            

মীফম অদুদা নেদফিগী থবক থৌরমশিং অমসুং অতাবা শেন্দোয়দা মীৎয়েং থমদুনা নেদফিনা পীরিবা তোঙান তোঙানবা লোনশিং অমসুং হকশেল, চা, ইয়োং অমসুং খুৎহৈবগী ইন্দস্ত্রীগী নৌনা হৌদোকপা নেদফি স্কিমশিং অমসুং সেল্ফ-এমপ্লোইদ প্রোফেসনেল লোন স্কিমগী মতাঙদা প্রজেন্তেসন অমা উৎখি‍। 

অখন্নবা মীথুং শ্রী গোলি অঙ্গু, দিপুতী দাইরেক্তর, দিপার্তমেন্ত ওফ ইন্দস্ত্রী, অরুনাচল প্রদেশ লৈঙাক্না নোর্থ ইস্ত ইন্দস্ত্রিএল স্কিম (এন.ই.আই.দি.এস.)কী মখাদা পায়খৎলিবা তোঙান তোঙানবা স্কিমশিং অমসুং এন.ই.আই.দি.এস.কী মখাদা পীরিবা কান্নবশিংগী মতাঙদা পনখি‍।

          

শরুক য়াখিবশিংদা বি.এম. নেদফি ইতানগরনা কমদৌনা লোন থাগনি অমদি সিক্যুরিতী অমসুং রিকভরিগী ৱাফম য়াওনা লোনগী চে চাং শেম শাবগী থৌওংশিংগী মতাঙদা তাকখি‍। মখোয়দা বুককীপিং, ওদিত তৌরবা ফাইনান্সিএল স্তেতমেন্ত অমসুং অফবা মওংগী বেঙ্কিং ত্রাঞ্জেক্সন থম্বগী মরুওইবশিংগী মতাঙদসু তাকখি‍।

মীফম অদু ওন্ত্রপ্রিন্যুরশিংনা হংলকপা ৱাহংশিংগী পাউখুম নেদফি ইতানগর ব্রাঞ্চনা পীদুনা লোইশিনখি‍। শরুক য়াখিবশিংনা রিএল এস্তেত প্রোজেক্ত, রেস্তোরেন্ত, পেত্তী ত্রেদকী প্রোজেক্তনচিংবশিংদা থৱায় য়াওশিনবা মতৌ উৎখি‍।

*****

(Release ID: 1780039) Visitor Counter : 175