নোর্থ ইস্ত স্পিসিএল ইনফ্রাস্ত্রকচর দিভেলপমেন্ত স্কিম (এন.ই.এস.আই.দি.এস.)কী মখাদা অৱাং নোংপোক লমদম চাউখৎপগী মন্ত্রালয়না মশক খঙদোক্লবা তোঙান-তোঙানবা সেক্তরশিংদা স্কিমগী চৎন-কাঙলোনগী মতুং ইন্না প্রোজেক্ত কয়াগী অয়াবা পীখ্রে। হৌজিক ফাওবগী ওইনা, অৱাং নোংপোক রাজ্যশিংগীদমক্তা এন.ই.এস.আই.দি.এস.কী মখাদা কন্নেক্তিবিতী, পাৱর, ঈশিং পীবা, মহৈ-মশিং অমসুং হকশেলগী সেক্তরশিংদা লুপা করোর ২৫৬৩.১৪গী শেনফমগী প্রোজেক্ত ১১০গী অয়াবা পীখ্রে।

এন.ই.এস.আই.দি.এস.কী মখাদা লুপা করোর ৪৯১.৭১গী শেনফমগী প্রোজেক্ত ১৭ অসি শেনবা চহি ২০২০-২১গী মনুংদা অয়াবা পীখ্রবনি। সেক্তরগী মখা পোনবা প্রোজেক্তশিংগী অকুপ্পা মরোল মখাদা পীরিঃ

মথং-মনাও	সেক্তর	প্রোজেক্ত মশিং	অচঙবা শেনফম (লুপা করোরদা)
১	কন্নেক্তিবিতী	২	৭০.৩৮
২	ঈশিং পীবা	২	৮৩.৯৯
৩	মহৈ-মশিং	২	২৩.৩৫
৪	হকশেল	১১	৩১৩.৯৯
	অপুনবা	১৭	৪৯১.৭১

 

প্রোজেক্তশিং অসি এন.ই.এস.আই.দি.এস.কী মখাদা শেল থাদরক্নবগীদমক্তা অৱাং নোংপোক চাউখৎপগী মন্ত্রালয়দা থাদ্রিঙৈগী মমাংদা রাজ্য সরকারশিংনা খ্বাইদগী হেন্না মরু ওইবনি হায়না শক্তাকখ্রবনি। মসিগী মরু ওইবা অমসুং অহেনবা মিৎয়েং চঙলবা প্রোজেক্তশিং অসি স্কিমগী চৎন-কাংলোনগী মতুং ইন্না খনগৎনবা অমসুং অয়াবা পীনবগীদমক্তা ইন্তর-মিনিস্তরিএল কম্মিতীনা তোঙানবা থাক অনিদা কুপ্না য়েংশিনবগী থৌওংগা লোয়ননা কুপ্না য়েংশিনবগী অতোপ্পা থাক কয়া লাল্লবনি।

ৱাফম অসি অৱাং নোংপোক লমদম চাউখৎপগী মন্ত্রী, শ্রী জি. কিশন রেদ্দীনা রাজ্য সভাদা অইবা পাউখুম ওইনা ঙসি রাজ্য সভাদা পীখিবনি।

*****

(Release ID: 1779902) Visitor Counter : 139