نئی دہلی ، 8دسمبر:صارفین امور، خوراک اورعوامی نظام تقسیم کی مرکزی وزیرمملکت محترمہ سادھوی نرنجن جیوتی نے آج لوک سبھا میں ایک سوال کے تحریری جواب میں بتایاکہ شوگرسیزن 22-2021کے لئے فیئراینڈ ریمیونیریٹیو پرائز (ایف آرپی ) 290روپے فی کوئنٹل  طے کی گئی ہے ۔ یہ سہولت  طے کردہ ایف آرپی  10فیصد کی ریکوری سے مربوط ہے ، جو 10فیصد سے زائد کی ہرایک ریکوری کے معاملے میں 2.90روپے فی کوئنٹل برائے 0.1فیصد کے اضافے  کے ساتھ ہے اوراسی طرح سے 9.5فیصد تک کی ریکوری  شرح تک کے لئے ہونے والے ہرایک 0.1فیصد کے اضافے پر ایف آرپی کی  10فیصد تخفیف کی حامل ہے۔

چینی ملوں سے وابستہ ان کے کسانوں کے مفادات  کے تحفظ  کے پیش نظر جن کی ریکوریز 9.5فیصد سے کم ہے حکومت نے فیصلہ کیاہے کہ جن معاملات میں ریکوری  9.5فیصد سے کم ہوگی وہاں کوئی تخفیف نہیں کی جائیگی ۔ ایسے کسانوں کو موجودہ شوگرسیزن میں  فی کوئنٹل 275.50 روپے ملیں گے ۔

گنّے کے لئے ایف آرپی کا تعین اس لئے کیاجاتاہے تاکہ گنّااگانے والے کسانوں  کو قیمت کے تعلق سے گارنٹی  مل سکے ۔ اس سے کسانوں کی حوصلہ افزائی ہوگی کہ وہ گنّااگائیں اوراس سے چینی فیکٹریوں کے مسلسل  چلتے رہنے کی سہولت ہوگی اوراس طرح سے گھریلو سطح پر چینی کی مینوفیکچرنگ کے عمل کی حوصلہ افزائی ہوگی ۔ ایف آرپی کی ادائیگی گنّااگانے والے کسانوں کو گنے کی  سپلائی کے عوض  چینی فیکٹریوں کے ذریعہ کی جاتی ہے ۔ اس سے تقریبا 5کروڑگنّااگانے والے کسانوں اور اہل خانہ کو فائدہ ہوگا۔ ہزاروں  فارم مزدو ر گنّااگانے والے کسانوں سے وابستہ ہیں اوراس طرح سے گنااگانے والے کسانوں کو ایف آرپی کی ادائیگی سے انھیں بھی براہ راست فائدہ ہوگا۔ دوسری بات یہ کہ تقریبا 5لاکھ ایسے ورکرہیں جو چینی فیکٹریوں اور اس سے متعلق سرگرمیوں  سے  وابستگی کے سبب برسرروزگارہیں اوران کی روزی روٹی کا انحصارگنااگانے والے کسانوں کے ذریعہ گنے کی مستقل سپلائی پرہے ۔

******************

 (ش ح ۔م م۔ ع آ)

U-13998