جل شکتی  کے  وزیر  مملکت  جناب بشیشور تودو نے   آج  راجیہ سبھا  میں ایک  تحریری جواب  میں یہ معلومات فراہم کی ہیں ۔

 زیر زمین پانی  کا  مرکزی  بورڈ ( سی جی ڈبلو بی ) ، زیر زمین  پانی  کے  معیار  پر  نگرانی  سے  متعلق  اپنے  پروگرام اور  مختلف   سائنسی  مطالعات کے  حصے  کے طور پر  علاقائی  پیمانے پر ملک کے   زیر زمین  پانی  کے  معیار  سے متعلق  اعدادو شمار  تیار کرتا ہے ۔ ان مطالعات کی بدولت  مختلف  ریاستوں اور مرکز کے زیر انتظام  علاقوں  میں زیر زمین پانی  میں منظور شدہ   حدود  سے  زیادہ  فلورائیڈ، سنکھیا، نائیٹریٹ، لوہے  اور بھاری  دھاتوں  کی امیزش کا عندیہ ملتا ہے ۔ زیر زمین  پانی  میں آلودگی ، فطری  طور پر  زیادہ  تر  ارضیاتی جینیات کے  سبب ہوتی  ہے  اور  اس  میں  بہت  سے  سالوں  کے بعد  بھی  کوئی  خاصی تبدیلی نظر  نہیں آتی۔   البتہ  نائیٹریٹ کی  آلودگی ، زیادہ تر انسانی  آبادی  کے سبب ہوتی ہے   اور  بعض  علاقوں میں  خاص  طور پر   آبادی  اور  رہائشی  علاقوں سے   متصل  علاقوں  میں  اس کے  پھیلنے  کا مشاہدہ  کیا  گیا  ہے اس  کے علاوہ  پانی  میں نائیٹریٹ  کی  امیزش ، کیمیائی کھادوں کے  بہت  زیادہ  استعمال کی  وجہ  سے  بھی ہو سکتی  ہے  ۔

دیہی علاقوں  سمیت  ملک  میں  زیر زمین  پانی میں آلودگی  سے  متعلق ریاست وار  تفصیلات ، ضمیمہ  میں دی  گئی ہیں ۔

پانی  کیوں کہ ایک ریاستی معاملہ ہے ، اس لئے زیر زمین پانی کی   آلودگی  سمیت  پانی کے  بندوبست  سے متعلق پہل  قدمیاں بنیادی طور پر  ریاست کی زمہ داری  ہے ۔ تاہم ، ملک میں اس سلسلے  میں  مرکزی حکومت  نے  بھی  مختلف  اقدامات کئے ہیں ۔ جن  میں سے  کچھ  کو  ذیل میں  پیش کیا گیا ہے۔

 آلودگی  پر  قابو پانے  سے  متعلق  مرکزی بورڈ  ( سی پی سی بیز) ، ریاستوں  کے  آلودگی  پر  روک  تھام  سے متعلق  بورڈس / آلودگی کی  روک تھام سے  متعلق کمیٹیوں ( ایس پی سی بی یز / پی سی سی ایسیز) کے  اشتراک کے  ساتھ پانی  میں  آلودگی سے بچاؤ اور  روک  تھام سے متعلق قانون 1974 کے  ضابطوں ، اور  ماحولیات کے  تحفظ کے  قانون 1986 پر عمل درآمد کر رہا ہے ۔ تاکہ  پانی میں آلودگی کی  روک تھام کی جا سکے۔

سی پی سی بی  نے  صنعتی   فضلہ  کے  ڈسچارج  کے لئے  صنعت  کے لئے  مخصوص معیارات اور  عام معیارات تیار کر کے  اس  کے  ذرائع کے  پوائنٹ کو  کنٹرول  کرنے  کے لئے  پانی کی  آلودگی  کے  بارے میں  ایک  جامع  پروگرام تیار  کیا ہے۔  جسے  ایس  پی  سی بی  / پی سی سی  کے ذریعہ  نافذ  کئے  جائے  کی  غرض  سے  ماحولیات کے تحفظ  کے  قانون  1986 کے تحت  مشتہر  کیا گیا  ہے ۔ سی پی سی  بی  کی  ہدایات  کے  مطابق  ، صنعتی  یونٹوں کے  ذریعہ  صنعتی  فضلہ   کی  مسلسل  نگرانی  کرنے  والے  آن لائن  نظام  (  او سی ای ایم ایس  )  کو  نصب  کیا جاتا ہے   تاکہ  صنعتی   فضلے کے  معیار کے  بارے میں  بر وقت  معلومات   مل  سکے  اور  ضابطوں  پر  عمل درآمد نہ کرنے والے  یونٹوں کی  نشاندہی  کی  جا سکے ۔

جس کے  بعد ان یونٹوں  کا معائنہ   کیا جا تا ہے   اور  مناسب  اقدامات  کئے جاتے ہیں ۔

آبی وسائل  کے محکمے   اور   دریا کی   ترقی اور  گنگا کے  احیاءکے محکمے  نے  24 ستمبر 2020 کو  زیر زمین پانی کو  استعمال کے لئے   نکالنے کی غرض سے   کنٹرول  اور  ضابطوں  سے  متعلق  رہنما ہدایات جاری  کی  ہیں ۔ جن کا پورے بھارت میں اطلاق  ہوگا ۔ ان  رہنما ہدایات میں  زیر زمین  پانی  کو آلودگی  سے  سے  مبرّا رکھنے   کو یقینی بنانے کے مقصد سے   اختیار کئے جانے والے   اقدامات کے بارے میں   مناسب  ضابطے  شامل ہیں ۔

زیر زمین  پانی  کی آلودگی  ، سطح  کے  پانی  کے وسائل  میں ملنے والی  گندگی  کی   وجہ سے   بھی  ہوتی  ہے  جو  پانی میں  سرائیت  کر   جانے کے بعد  زیر زمین  پانی  کو  صاف   رکھنے  کے نظام  کو  آلودہ  کر تی  ہے اس لئے  اس  مسئلے  کو  حل کرنے   کے لئے  ملک میں  مختلف  کو ششیں  کی گئی  ہیں  ان  میں  فضلہ  کو صاف کرنے  والے پلانٹس، صنعتی کچرے کو  صاف کرنے  والے  پلانٹس  اور  اور نالیوں کے  ذریعہ کچرا یا  فضلہ   رفع کرنے سے متعلق  نیٹ ورک کے بہتر نظام  کو  نصب  کیا  جانا شامل  ہے۔ البتہ  زیر زمین پانی  میں  آلودگی  کے مضراثرات کو کافی  حد تک  حل کیا جا سکتا ہے اگر صاف پانی لوگوں کو دستیاب کرا دیا جائے۔  اس  مقصد  کے  ساتھ مرکزی حکومت ، ریاستوں  کے  ساتھ  ساجھیداری کر کے ، اگست 2019 سے جل جیون مشن( جے ایم ایم آئی )  کا  نفاذ کر رہی  ہے  تاکہ  جنوری  2024 تک  ملک کے  ہر  دیہی  کنبے  کو   پائپ  کے ذریعہ  مجوزہ معیار کا پانی فراہم کر دیا   جائے۔

 

ضمیمہ

  بھارت میں زیر زمین  پانی  میں  مختلف  قسم  کی  آلودگیاں  پائے جانے والے   جزوی طور پر  متاثر ہ ضلعوں  کی  ریاست وار تعداد :

S. No.	State/ UT	Salinity (EC above 3000 micro mhos/ cm) (EC: Electrical Conductivity)	Fluoride (above 1.5 mg/l)	Nitrate (above 45 mg/l)	Arsenic (above 0.01 mg/l)	Iron (above 1mg/l)	Lead (above 0.01 mg/l)	Cadmium (above 0.003 mg/l)	Chromium (above 0.05 mg/l)
1	Andhra Pradesh	12	12	13	3	7
2	Telangana	8	10	10	1	8	2	1	1
3	Assam		9		19	18
4	Arunachal Pradesh					4
5	Bihar		13	10	24	19
6	Chhattisgarh	1	19	12	1	17	1	1	1
7	Delhi	7	7	8	2		3	1	4
8	Goa					2
9	Gujarat	21	22	24	12	10
10	Haryana	18	21	21	15	17	17	7	1
11	Himachal Pradesh			6	1
12	Jammu & Kashmir		2	6	3	9	3	1
13	Jharkhand		12	11	2	6	1
14	Karnataka	29	30	29	2	22
15	Kerala	4	5	11		14	2		1
16	Madhya Pradesh	18	43	51	8	41	16
17	Maharashtra	25	17	30		20	19
18	Manipur		1		2	4
19	Meghalaya		1			6
20	Nagaland		1			1
21	Odisha	17	26	28	1	30			1
22	Punjab	10	19	21	10	9	6	8	10
23	Rajasthan	30	33	33	1	33	3
24	Tamil Nadu	28	25	29	9	2	3	1	5
25	Tripura					4
26	Uttar Pradesh	13	34	59	28	15	10	2	3
27	Uttarakhand			4		5
28	West Bengal	6	8	5	9	16	6	2	2
29	Andaman& Nicobar	1				2
30	Daman & Diu	1		1	1
31	Puducherry			1
	Total	Parts of 249 districts in 18 states & UTs	Parts of 370 districts in 23 states & UTs	Parts of 423 districts in 23 states & UTs	Parts of 154 districts in 21 states & UTs	Parts of 341 districts in 27 states & UTs	Pb in parts of 92 districts in 14 states	Cd in parts of 24 districts in 9 states	Cr in parts of 29 districts in 10 states

*************

( ش ح ۔ ع م ۔ ر ب(

U. No.13487

 

(Release ID: 1776476) Visitor Counter : 367