মরু ওইবা হাইলাইতশিং

• ইন্তরনেস্নেল তুরিজম মার্তনা দোমেস্তিক অমসুং ইন্তরনেস্নেল মার্কেৎতা লমদম অসিগী তুরিজম পোতেন্সিয়েল অদু উৎলি
• এক ভারত শ্রেস্থ ভারতকী মখাদা স্তদী তুর অমগী শরুক ওইনা লৈবাক অসিদা লৈরিবা মহৈরোইশিংনা দেলিগেসন অসিদা য়াওরি
• তুরিজমগী এস্পেক্ত কয়ামরোমদা অমসুং অৱাং-নোংপোক লমদমদা লৈরিবা অখন্নবা তুরিজম প্রদক্তশিং অমদি মখোয়গী পোতেন্সিয়েলগী মতাংদা রাজ্য সরকারশিংনা উৎপা অমসুং খন্ন-নৈনবনা থৌরম অসিগী শরুক ওইরি

ঙসি নাগালেন্দগী কোহিমাদা পাংথোক্লিবা অৱাং-নোংপোক লমদমগী ৯শুবা তুরিজম মার্তকী অনিশুবা নুমিৎ হৌদোকপগী থৌরমদা তুরিজম অমসুং দিফেন্সকী রাজ্য মন্ত্রী শ্রী অজে ভাতনা ৱা ঙাংখি৷ নাগালেন্দ সরকারগী এম.এল.এ. অমসুং এদভাইজর তুরিজম, শ্রী ঐচ. খেহোবি য়েপুথোমি, ভারত সরকারগী তুরিজম সেক্রেতরী শ্রী আর্বিন্দ সিংহ, ভারত সরকারগী এ.দি.জি. শ্রীমতি পরুপিন্দর ব্রার অমসুং কেন্দ্র সরকার অমসুং অৱাং-নোংপোক রাজ্যশিংগী অতোপ্পা মশক নাইরবা মীওইশিংনা থৌরম অসিদা য়াখি৷

কোহিমাদা পাংথোক্লিবা ৯শুবা ইন্তরনেস্নেল তুরিজম মার্তকী অনিশুবা নুমিৎতা ৱা ঙাংলদুনা, অৱাং-নোংপোক লমদম অসি তুরিস্তকী পুক্নিং চিংশিন্নিংঙাই ওইরবা কয়ামরোম লৈ অমদি রাজ্য খুদিংমক মশা মশাগী ওইবা তোপ-তোপ্পা লৈজৈ হায়না শ্রী অজে ভাতনা ফোংদোকখি৷ লমদম অসি শিনবা থুংনা পুক্নিং চিংশিন্নিংঙাই ওইরিবশিংনা চখায়দুনা লৈরি৷ অসিগুম্বা পুক্নিং চিংশিন্নিংঙাই ওইরিবশিং অমদি লমদম অসিগী মীয়াম্না ফজরবা তুরিজম রিসোর্স অসি শেম্লিবনি৷ অৱাং-নোংপোক লমদম অসি এদবেঞ্চর অমসুং ইকো-তুরিজমগী অচৌবা পোতেন্সিয়েল লৈ হায়না শ্রী ভাতনা ফোংদোকখি৷

মার্ত অসিগী অনিশুবা নুমিৎতা, নাগালেন্দ, অরুনাচল প্রদেশ, অসাম, মনিপুর, মেঘালয়, মিজোরাম, সিক্কিম অমসুং ত্রিপুরাগী স্তেত তুরিজম দিপার্তমেন্তশিংনা মখোয়গী তুরিজম পোতেন্সিয়েল অমসুং প্রদক্তশিংদা প্রজেন্তেসনশিং পীখি৷ তুরিজম অমসুং অখন্নবা তুরিজম প্রদক্তশিংগী তোঙান তোঙানবা এস্পেক্তশিংদা কুপ্না খন্ন-নৈনরবা মতুংদা এক্সপর্তশিংনা রাফতিং, ত্রেক্কিং অমসুং রোদ এক্সপিদিসনশিং, এন.ই.আর.দা তুরিজমগীদমক ফেয়র অমসুং ফেস্তিবেলশিংগী পোতেন্সিয়েল অমদি অৱাং-নোংপোক্তা ফুদ অমসুং ৱাইন তুরিজমগী পোতেন্সিয়েল অদু পনখি৷

দোমেস্তিক অমসুং ইন্তরনেস্নেল মার্কেৎশিংদা লমদম অদুগী তুরিজম পোতেন্সিয়েল উৎথোকপা  হায়বসিনা থৌরম অদুগী ওবজেক্তিবনি৷ নাগালেন্দগী মতাংদা কোফী তেবল বুক অমসু থৌরম অসিদা লোঞ্চ তৌখ্রে৷ সরকারগী ওফিসিয়েলশিং, ইন্দস্ত্রী স্তেকহোল্দরশিং অমসুং লোকেল পার্তিসিপেন্তশিং য়াওনা দেলিগেত ৩০০ হেনবনা থৌরম অসিদা শরুক য়াখি৷ থৌরম অসিদা হাই কম্মিশনার, ব্রুনৈ দারুসালম, মালেসিয়াগী হাই কম্মিশনার, রিপব্লিক ওফ দি য়ুনিয়ন ওফ ম্যানমারগী এম্বাসেদর এক্সত্রা ওর্দিনরী, দি সোসিয়েলিস্ত রিপব্লিক ওফ বিয়েতনামগী এম্বাসেদর, অতোপ্পা মশক নাইবা মীওইশিং অমসুং দিপ্লোমেতশিংনা শরুক য়াখি৷ শরুক য়ারিবা মন্ত্রালয়শিং/সরকারগী বোদীশিংদগী অতোপ্পা থাক ৱাংনা পাইরিবা ওপিসিয়েলশিংসু থৌরম অসিদা শরুক য়াখি৷ প্রধান মন্ত্রীগী বিজন “এক ভারত শ্রেস্থ ভারত”কা মরী লৈননা,  দিলিগেসন অসিদা স্তদী তুর অমগী শরুক অমা ওইনা শরুক য়ারিবা মহৈরোইশিংনা লমদম অদুদা লৈরিবা মহৈরোইশিংগা ৱারি-ৱাতায় শানরগনি৷

বাইয়রশিং, সেল্লরশিং, মেদিয়া, সরকারগী এজেন্সীশিং অমসুং অতোপ্পা স্তেকহোল্দরশিংগী মরক্তা ইন্তরেক্সন তৌবা লাইহন্নবা থৌরম অসি প্লান তৌখিবনি অমদি মতম লেপখিবনি৷ লৈবাক অসিগী তোঙান তোঙানবা লমদমগী বাইয়র ৫০রোম্না মার্ত অসিদা শরুক য়াখি অমদি অৱাং-নোংপোক লমদমদগী লাক্লিবা সেলর ৭৫গা লোইননা হকথেংননা মীফম পাংথোকখি৷ মসিনা লমদম অসিগী তুরিজম প্রদক্ত সপ্লাইয়রশিংনা দোমেস্তিক বাইয়রশিং য়ৌহনবা ঙম্লগনি অমদি তুরিজম চাওখৎহনবা ঙম্লগনি৷ দোমেস্তিক বাইয়রশিংনা অৱাং-নোংপোক লমদমগী সেলরশিংগা লোইননা বিজিনেস-তু-বিজিনেস মীফমশিংসু পাংথোক্লগনি৷

শরুক য়ারিবা মীওইশিংগী এক্সপরিয়েন্স হেন্না লৈহন্নবা, কিসামা হেরিতেজ ভিলেজ, কিসামা ৱার ম্যুজিয়ম অমদি কোহিমা ৱার্ল্দ ৱার II  সিমিত্রী অমদি মোরুঙ্গস, খোনোমা ভিলেজতা খোঙচৎ অমা চৎনবা মন্ত্রালয় অসিনা শিনখি৷ বিজিতিং দেলিগেসন অদুনা লোকেল কম্ম্যুনিতী, তোকেল আর্ত অমসুং কলচর অমদি নাগালেন্দগী রিচ হেরিতেজ অদুদা ফেমিলিয়র ওইরগনি৷

রোতেসন বেসিস অমদা অৱাং-নোংপোক রাজ্যশিংদা ইন্তরনেস্নেল তুরিজম মার্তশিং শিল্লি৷ নাগালেন্দনা ইহান হানবা ওইনা মার্ত অসি শিল্লি৷ মার্ত অসিগী মমাংগী ইদিসনশিং অদু গুৱাহতি(অসাম), তৱাঙ্গ(অরুনাচল প্রদেশ), শিল্লোং(মেঘালয়), গেংতোক(সিক্কিম), অগর্তালা(ত্রিপুরা) অমসুং ইম্ফাল(মনিপুর)দনি৷

*****

(Release ID: 1775971) Visitor Counter : 151