’’ ایک اداکار کے طور پر میںہر ایک کردار  کے ساتھ  ڈھلنے کی کوشش کرتا ہوں۔ میں  ایسے مختلف کرداروں کو پیش کرنے کی کوشش کرتا ہوں جو مجھے چیلنج کرتے ہیں‘‘۔  یہ بات  اداکار میریانو پلیشیس نے آج گوا میں افی 52 کے موقع اپنی اسپینی فلم ’’دی گیسٹ‘‘ کے بارے میں  میڈیا سے بات چیت کے دوران کہی۔

’’دی گیسٹ‘‘ کو ورلڈ پنورما سیکشن کے تحت دکھایا گیا اور اس کا ورلڈ پریمیئر بھی  اس سال  گوا میں  52 ویں افی میں ہوا، جس پر فلم ناظرین نے  اپنے خیالات کا اظہار کیا۔

یہ ایک ایسے جوڑے کی کہانی ہے جن کی زندگی  کے عقدے گھر پر مہمان  کے طور پر  بیوی کی ایک پرانی دوست کی آمد پر کھلتے ہیں۔

فلم کے مناظر کے بارے میں  سوالات پوچھے جانے پر  پلیشیس نے کہا  ’’میرا خیال ہے کہ ایک کردار  کی روح کو  بے لباس کرنے کے لئے  آپ کی روح کا بے لباس ہونا پہلا قدم ہے اور اس کےبعد آپ کو اس طرح کے  قربت کے مناطر دشوار نہیں لگتے ‘‘۔

پلیشیس نے کہا ’’ہم نے بڑے غیر روایتی طریقے سے فلم  کی شوٹنگ کی ہے۔ ہم نے  ایک چھوٹی  ناہموار اسکرپٹ سے شروعات کی اور اس پر  فلم تیار کی‘‘۔  انہوں نے بتایا کہ تقریباً 80 فیصد فلم کو  ایک ہی مقام پر شوٹ کیا گیا ہے۔

او ٹی ٹی کی آمد پر فلمی صنعت  کے لئے  مواقع میں تبدیلی کے بارے میں پلیشیس نے کہا  ’’میکسکو میں فلم انڈسٹری بہت بڑی ہے۔تھیٹروں اور دیگر مقامات پر دکھائی جانے والی فلموں کے  بہت کم  فیصد لوگ اپنی فلموں کو دوسرے طریقوں سے  ریلیزی کرنا چاہتے ہیں۔ آخر کار  او ٹی ٹی کے معاملے میں بھی کمرشل پہلو ہی کام کرتا ہے اور چھوٹے بجٹ کی فلموں اور متوازی سنیما کو  او ٹی ٹی پلیٹ فارموں کے آنے سے زیادہ فائدہ نہیں ہوا ہے ‘‘۔

پلیشیس کے مطابق تمام فنون میں موسیقی کو اولیت حاصل ہے اور  یہ بات  ان کے لئے خوشی باعث ہے کہ فلم میں استعمال ہونے والی موسیقی  ناظرین میں  آنے   والے واقعات کے بارے میں تجسس اور توقعات پیدا کرتی ہے۔

فلم کے بارے میں

الیشیا اور اینرک ایک شادی شدہ جوڑا ہے جو  ایک دوسرے سے  کچھ کھینچے کھینچے سے رہتے ہیں۔ ان کے تعلقات کو  الیشیا کی دوست  کارلوٹا کی آمد اور  ان کے پاس کچھ وقت قیام کرنے سے  خطرہ پیدا ہوا۔ اینرک کو  کارلوٹا کی جانب  اپنی جنسی خواہش سے الجھنا پڑا جس کے لئے  کارلوٹا نے  رغبت دلائی تھی لیکن وہ یہ بات نہیں جانتا تھا کہ الیشیا اور کارلوٹا  کے ماضی کا کوئی راز بھی ہے۔ ایک ایسا راز جس سے  سب کچھ بدل جائے گا۔

ڈائرکٹر کے بار ے میں

محترمہ آنا مانسیرا  ڈائرکٹر اور رائٹر  کی پیدائش میکسکو سٹی میں ہوئی۔ آنا مانسیرا  نے  یونیورسیداد آئیویرو امریکانہ میں  کمیونی  کیشن  کا مطالعہ کیا جہاں انہوں نے فلم پر ایک خصوصی مطالعہ  کیا۔ انہوں نے  پروڈکشن ہاؤسز میں  مثلاً اٹاکا  فلمز اینڈ ویڈیو سنے میں کئی پروجیکٹوں پر کام کیا۔انہوں نے  روٹس، ریولیوسن میکسکو اور وابی کے لئے  کئی اشتہاری پروجیکٹوں  کے لئے ہدایت کاری بھی کی۔

۔۔۔۔۔۔۔۔۔۔۔

ش ح۔ ا گ۔ن ا۔

U-13351

                          

(Release ID: 1775558) Visitor Counter : 229