وزارت اطلاعات ونشریات
افّی52، انڈین پینورما فلم ’’تین ادھیائے‘‘ کووڈ- 19 کے بعد اندھیرے میں امید کی شمع روشن کرتی ہے
رات کتنی ہی گہری کیوں نہ ہو، ہمیشہ ایک نئی صبح ہوگی: ’’تین ادھیائے‘‘
’’پیدائش، مصیبت اور تسلسل ایک چکر کا حصہ ہیں، پھر صرف موت کی ہی بات کیوں؟‘‘
نئی دہلی ،24نومبر:
’’کووڈ19- لاک ڈاؤن کے دوران، میں نے دیکھا کہ ایک کوا میری کھڑکی کے پاس اپنا گھونسلہ بنا رہا ہے۔ اس منظر نے مجھے اپنے اردگرد ہونے والی ہر چیز کو فراموش کرا دیا۔ یہ ہی وہ واحد توجہ تھی، جسےدیگر لوگ غیر ضروری واقعہ کے طور پر مسترد کر دیتے، جس کی وجہ سے ممبئی کے اوڈیا فلمساز سباش ساہو کو مایوسی کے درمیان امید کا ایک انتہائی طاقتور سنیما اظہار،تین ادھیائے بنانے پر مجبور کیا۔ ’’ریت کے دانے میں ایک دنیا اور جنگلی پھول میں جنت‘‘ دیکھنے کے لیے کافی ادراک ہونے کے بعد، ڈائریکٹر نے کؤے کو کیمرے سے شوٹ کرنا شروع کر دیا۔ "میرا بیٹا، جو لاک ڈاؤن کی وجہ سے ہمارے گھر میں پھنسا رہ گیا تھا، اس عمل سے لطف اندوز ہو رہا تھا‘‘
ڈائریکٹر آج 24 نومبر 2021 کو میٹ دی ڈائریکٹرز کی پریس کانفرنس سے خطاب کر رہے تھے، جو کہ 20 سے 28 نومبر 2021 کے دوران گوا میں منعقد ہونے والے 52 ویں بین الاقوامی فلم فیسٹیول آف انڈیا کی سائیڈ لائنز پر ہے۔ تین ادھیائے کو انڈین پینورما سیکشن کے غیر فیچر فلم کیٹیگری کے تحت دکھایا گیا ہے۔ پروڈیوسر سویر ناتھ، سپربھا ساہو اور میوزک ڈائریکٹر منیش پنگلے بھی میڈیا اور فلم سے محبت کرنے والوں کے ساتھ بات چیت کے لیے ڈائریکٹر کے ساتھ شامل ہوئے۔
ڈائریکٹر نے وضاحت کی کہ کس طرح وہ کؤے کی زندگی کے سفر میں بے باکی سے شامل ہوئے، جس کی وجہ سے وہ ملک گیر کووڈ- 19 لاک ڈاؤن کے درمیان فلم کو تصور کرنے اور شوٹ کرنے میں کامیاب ہوئے۔ ‘‘جیسے ہی میں نے اس کؤے کی حرکات کو قید کرنا شروع کیا، یہ جلد ہی ہمارے پورے گھرانے کی زینت بن گیا۔ مزید 6-7 مہینوں تک، میں نے ہر ایک دن اس زندگی کی پیشرفت کی پیروی کی۔ میں نے اس کؤے کے سفر کا سراغ لگانے کی کوشش کی: اس کی پیدائش، یہ کس طرح اپنے چھوٹوں کو پیار، دیکھ بھال، اور غیر متزلزل لگن کے ساتھ پالتا ہے۔ اور یقیناً موت کا ناگزیر رقص کابھی سامنا ہوتا ہے، جب وہ اپنا ایک بچہ کھو دیتا ہے۔‘‘
تو، ڈائریکٹر نے کؤے میں کیا دیکھا، جو ہم میں سے کم مشاہدہ کرنے والے شاید یاد کر سکتے تھے؟ ’’مشکلات اور جانی نقصانات کے باوجود، پھر بھی، اس کؤے کے لیے، زندگی چلتی رہتی ہے۔ زندگی ہے تو موت بھی ہو گی۔ صبح ہے تو شام بھی ہے، خوشی اور غم بھی ایک ہی سکے کے دو رخ ہیں۔ یہ وہی احساس ہے جو ہمیں فلم میں لڑکے میں بھی ملتا ہے، جو کؤے کی زندگی کے مختلف مراحل کا مشاہدہ بچوں کی طرح حیرت سے بھرے دل کے ساتھ کرتا ہے اور وہ کووڈ-19 کے بحران اور اس کے نتیجے میں اس کے باہر کی دنیا کو لپیٹ میں لینے والے افراتفری سے بے خبر ہے۔
ساہو اس اعتماد کو ظاہر کرتا ہے کہ زندگی کی ہر آفت کے بعد نئی امیدوں کے پھول کھلیں گے۔ ’’کشور ادھیائے انسانی ذہنوں میں اس وقت امید اور اثبات پیدا کرنے کی کوشش کر رہے ہیں جب ان کے لا شعور نے انہیں مایوسی کے اشارے دیے۔ کووڈ-19کی وجہ سے پوری دنیا ٹھپ ہو کر رہ گئی تھی۔ اردگرد بہت زیادہ نا امیدی تھی‘‘۔
فلم اپنے ناظرین کو مایوسی کی وادی سے ستاروں کے لیے شوٹنگ کرنے کی کس طرح ترغیب دیتی ہے؟ ’’ہم نے قدیم ہندوستانی فلسفہ پر مبنی فلم کا پورا بیانیہ بنایا ہے، جو زندگی کو ’اتپتی‘ (پیدائش)، ’ویپٹی‘ (آفت) اور ’چکر‘ (تسلسل) کی تین ابدی اقساط کے ایک مسلسل چکر کے طور پر دیکھتی ہے۔تین ادھیائے نے اس بات کی تصویر کشی کی ہے کہ کس طرح یہ تین اقساط، معصوم بچے کی متجسس نظروں کے سامنے آشکار ہوتے ہیں، جو اس کے ساتھ ساتھ پوری دنیا کے لیے ایک لازوال زندگی کا سبق چھوڑ جاتے ہیں۔
پروڈیوسر سویر ناتھ نے اس لگن کے بارے میں بھی بات کی جو فلم سازوں نے مایوسی اور ناامیدی کے موسم میں بہار کی شمع جلانے کے لیے محسوس کی ہے۔ ’’ہم نے محسوس کیا ہےکہ یہ کہنے کی ضرورت ہے کہ رات کتنی ہی گہری کیوں نہ ہو، ایک نئی صبح ہمیشہ ہمارے انتظار میں رہے گی۔‘‘
ناتھ پوچھتے ہیں کہ صرف موت کے بارے میں ہی کیوں بات کی جائے جب کہ موت دورانیہ کا ہی ایک حصہ ہے۔ ’’ہماری فلم بتاتی ہے کہ ہماری زندگی، واقعات، جذبات، رشتے، وغیرہ سب کیسے بلندی اور پستی کے دائرے سے گزرتے ہیں۔ جو اُگ آیا ہے وہ ختم ہو جائے گا اور دوبارہ جنم لے گا، وہ بھی صرف فنا ہونے کے لیے۔ اس طرح یہ سلسلہ لامتناہی طور سے جاری رہتا ہے۔ پھر ہم صرف موت کی ہی بات کیوں کریں؟
جیسا کہ نام سے ظاہر ہے،تین ادھیائے کو تین ابواب کے طور پر پیش کیا گیا ہے۔ تین میوزک ڈائریکٹرز نے اپنا اسکور دیا ہے، ہر ایک باب کے لیے ایک۔ منیش پنگلے، موسیقی کے ہدایت کاروں میں سے ایک نے وضاحت کی کہ انہوں نے زندگی اور موت کے چکر کو واضح کرنے کے لیے کس طرح موسیقی کا استعمال کیا، کس طرح انھوں نے اسے فلم کے جذبات کی نمائندگی کرنے کے لیے استعمال کیا:’’پہلا ادھیائے ایک بہت ہی پرامن آلاپ سے شروع ہوتا ہے، جس میں پیدائش کی نشاندہی ہوتی ہے۔ اگلا ایک کچھ تناؤ لاتا ہے جو آفت کی علامت ہوتا ہے، جو آخرکار، آخری ادھیائے میں عروج پرپہنچ جاتا ہے۔‘‘
شاید کؤے سے خاکہ کشی کے سبب، فلم میں کوئی ڈائیلاگ ہی نہیں ہیں۔ ساہو، جو ایک مشہور ساؤنڈ انجینئر رہے ہیں، نے سنیما کے عناصر کی وضاحت کی، جو مکالموں کے بغیر بات چیت کرنے کے لیے استعمال کیے گئے ہیں۔ ’’ہماری فلم میں موسیقی ایک اہم کردار ادا کرتی ہے۔ چونکہ کوئی مکالمے نہیں ہے، اس لئےہم چاہتے تھے کہ بات چیت موسیقی کے ذریعے ہو۔ فلم چونکہ ہندوستانی فلسفے پر مبنی ہے، اس لیے ہم ہندوستانی راگوں کو استعمال کرنا چاہتے تھے۔ میں روایتی ہندوستانی کلاسیکی موسیقی کے ذریعے بصری انداز کو بڑھانا چاہتا تھا۔‘‘
فلم کو زیادہ سے بڑی تعداد میں ناظرین کے سامنے پیش کرنے کے لیے ایک پلیٹ فارم فراہم کرنے کے لیے افّی کا شکریہ ادا کرتے ہوئے، ساہو نے کہا، ’’یہ میرا پہلا افّی ہے اور میں واقعی بہت زیادہ شکر گزار ہوں‘‘۔
سباش ساہو قومی ایوارڈ یافتہ ساؤنڈ ڈیزائنر ہیں۔ انہوں نے کئی مشہور فلموں میں کام کیا ہے جن میں کمینے، این ایچ 10، نیرجا اور تمھاری سولواور دیگر فلمیں شامل ہیں۔
*****
U.No.13256
(ش ح - اع - ر ا)
(Release ID: 1774942)
Visitor Counter : 207