نئی دہلی،11نومبر؍2021:

ثقافت،سیاحت اور شمال مشرقی خطے کی ترقی کے مرکزی وزیر جناب جی کشن ریڈی نے آئی آر سی ٹی سی کی تیرتھ یاتری خصوصی ریل گاڑی کے رامائن سرکٹ میں بھدراچلم کو ایک منزل کے طور پر شامل کرنے پر وزیر اعظم جناب نریندرمودی کا شکریہ ادا کیا ہے۔

 

On my request to Hon Minister for @RailMinIndia Shri @AshwiniVaishnaw, #Bhadrachalam in #Telangana will now be included in the route of Pilgrim Special Train in Ramayana Circuit.

Bhadrachalam is home to Lord Sree Sita Ramachandra Swamy temple.#RamayanaCircuit @IRCTCofficial pic.twitter.com/T2MZ6q69Xx

— G Kishan Reddy (@kishanreddybjp) November 10, 2021

 

انہوں نے کہا کہ’’وزیر اعظم جناب نریندر مودی سے بھدراچلم کو ایک منزل کے طور پر شامل کرنے کی میری درخواست پر، انہوں نے ریلوے کے وزیر کو ہدایت دی کہ وہ اس درخواست پر احسن طریقے سے غور کریں۔‘‘

جناب جی کشن ریڈی نے کہا ’’دنیا بھر میں تیلگو بولنے والے لوگوں، خاص طور پر ریاست تلنگانہ کے لوگوں نے بھدراچلم کو آئی آر سی ٹی سی کی رامائن سرکٹ ٹرین میں ایک منزل کے طور پر شامل کرنے پر وزیر اعظم کے تئیں اپنی خوشی اور تشکر کا اظہار کیا ہے۔‘‘

انہوں نے کہا’’بھگوان رام کا تیلگو بولنے والوں کے دلوں میں بالعموم اور بالخصوص ریاست تلنگانہ کے لوگوں کے دلوں میں خاص مقام ہے۔ بھگوان رام کے عقیدت مندوں کا ماننا ہے کہ بھگوان رام نے دیوی سیتا اور لکشمن کے ساتھ اپنی جلاوطنی کے تقریباً 10 سال پنچاوتی میں گزارے جوکہ جدید دور میں بھدراچلم کے آس پاس میں واقع ہے۔ ایودھیا کے ساتھ تلنگانہ میں بھدراچلم، پرناشالا، جٹایوپاکا، ڈموگوڈیم اور گناڈلا رام کی زندگی میں بہت اہم ہیں۔‘‘

جناب جی کشن ریڈی نے رامائن سرکٹ ٹرین کے کامیاب آغاز پر وزارت ریلوے اورآئی آر سی ٹی سی کو مبارکباد دی ہے۔ یہ ٹرین نئی دہلی سے رامیشورم کے لئے شروع ہوگی اور بھگوان شری رام کی زندگی سے وابستہ مختلف اہم مقامات پر رکے گی۔

 

 

انہوں نے کہا کہ بھدراچلم کا سیتارام سوامی مندر پوری دنیا میں مشہور ہے۔ رامولاوری مندرکی عبادت گاہ کی تاریخ مشہور ہے۔ اس مندر میں یوگادی سے پہلے رام نومی تک ہونے والے تہوار بہت مشہور ہیں اور سیتا رام کلیانم ایک خوشی کا واقعہ ہے۔

چونکہ رامائن یاترا ٹرین کا مقصد بھگوان رام کی زندگی کے دوران کے سفر کے تمام اہم مقامات کو جوڑنا ہے، لہٰذا بھدراچلم روڈ اسٹیشن (کوتھا گوڈیم اسٹیشن) کو شامل کرنے سے رامائن سرکٹ مکمل ہوجائے گا۔

                               

************

ش ح۔م ع۔ع ا

 (U: 12758)

(Release ID: 1771087) Visitor Counter : 157