কেন্দ্রগী লৌউ-শিংউবগী মন্ত্রী শ্রী নরেন্দ্র সিংহ তোমারনা নাগালেন্দগী হোর্তিকলচরগী সেন্ত্রেল ইন্সতিত্যুৎতা কিসান ভবন অমসুং বীকিপরগী কনফরেন্স ভর্চুএল ওইনা শঙ্গাখ্রে। শ্রী তোমারনা মহাক্না ৱা ঙাংবদা ফোংদোকখি মদুদি অপিকপা অমসুং মরক্তা লৈবা লৌমীশিংগী পুন্সিদা অহোংবা পুরকপা হায়বা অসি প্রাধান মন্ত্রী শ্রী নরেন্দ্র মোদীনা লুচিংবা কেন্দ্র সরকারগী মপুং ওইবা পান্দম অমনি।   

অজাদিগী অমৃত মহোৎসবকী মখাদা শিনবা থৌরম অসিগী মখাদা, শ্রী তোমারনা হায়খি মদুদি অৱাং নোংপোক লমগী ঈশিং-নুংশিৎ অসি লৌউ-শিংউবদা য়াম্না চুনৈ। মফম অসি মরুওইনা হোর্তিকলচরগী মহৈ-মরোং মরুওইনা উহৈ অমসুং মনা-মশিং, লৈশিং অমসুং মরু-মরাং থাবদা য়াম্না চান্নৈ। হোর্তিকলচরদা অৱাং-নোংপোক লমদা লৈরিবা অপিকপা অমসুং মরক্তা লৈবা লৌমীগী য়েংলগা, এগ্রীকলচর অমসুং ফার্মরস ৱেলফিয়র্সকী কেন্দ্রগী মিনিস্ত্রীগী মখাদা  হোর্তিকলচরগী সেন্ত্রেল ইন্সতিত্যুৎ, নাগালেন্দ হৌদোকখি অমসুং হায়রিবা ইন্সতিত্যুৎ অসি লৌমীশিংগী হোর্তিকলচর অমসুং অপলিপমেন্ত চাউখৎনবা লিংখৎখিবনি। রাজ্য অসিনা সরকার, এফ.পি.ও.এস. অমসুং অতৈ স্তেকহোলদরশিংগা লোয়ননা নিংথিনা থবক তৌরি। লৌমীশিংগী পুন্সিদা অহোংবা পুরকপা অসিগী পান্দম অসি লৈবাক অসিগী চাউখৎ থৌরাংদা নাগালেন্দগা লোয়ননা লৌমীশিংনা মতেং পাংবা ঙম্বা অসিনি।

 শ্রী তোমারনা হায় মদুদি প্রধান মন্ত্রী শ্রী নরেন্দ্র মোদীনা অপিকপা লৌমী অমসুং মরক্তা লৈবা লৌমীশিংগী অৱাবা কোক্নবা, বেঙ্ককী খুৎথাংদা অরাইবা লোনশিং পীদুনা  মখোয়গীদমক লৌউ-শিংউবদা শেন্দোং হেনগৎহল্লগনি। হায়রিবা অসিগা মরী লৈননা, প্রধান মন্ত্রী কিসান সম্মান নিধি য়োজনাগী মখাদা ইনকমগী মতেং ওইনা চহি খুদিংগী লিশিং তরুক পীরি। সরকার অসিনা  অপিকপা লৌমীশিংগী ইনকম হেনগৎননবা লেপ্পা লৈতনা হোৎনরি।

বীকিপিং অসি লৌমীশিংদা ইনকম হেনগৎনবগী অহেনবা মফম অমা কল্লি হায়রদুনা, শ্রী তোমারনা হায় মদুদি অসি স্বীত রিবোলুসন পুরক্নবা হনী মিসন হৌখ্রে অমসুং কেন্দ্র সরকারনা মসিদা লুপা কোতি ৫০০ চাদিং তৌরি। প্রোবিজন অসি সেল্ফ-রিলাইন্ত ইন্দিয়া কেম্পেনগী মখাদা পাংথোকপনি। ভারত সরকারগী থৌরাংগী মখাদা অনৌবা ফার্মর প্রদুসর ওর্গানাইজেসন (এফ.পি.ও.এস.) লিশিং ১০ শেম্নবা, খোহি-পুথোকপা লোমীশিংগী এফ.পি.ও.এস.সু শেমগৎলে। খোহিবু নিংথিনা তেস্ত তৌনবা, লৈবাক অসিগী মফম কয়াদা লেব কয়া অমা লিংখৎখ্রে অমসুং প্রোসেসিংগী খুদোংচাবসু হেনগৎখ্রে।

কেন্দ্রগী মন্ত্রীনা হায় মদুদি বীকিপর অমসুং সরকারগা পুন্না হোৎনবনা মরম ওইদুনা, লৈবাক অসিদা খোইহি পুথোকপা অসি ২০১৩-১৪দা মেত্রিক তন লাখ ১.২৫ পুথোকপদগী ২০২০-২১দা মেত্রিক তন ৭৬১৫০দা হেনগৎখি। হায়রিবা মতম অসিদা, বীকিপিং সেক্তরগা মরী লৈনবা স্তেকহোল্দরগী মতেংনা, মপাল লমদা খোইহি পুথোকপা অসি ২০১৩-১৪দা মেত্রিক তন লিশিং ৬০ ওইরম্বদগী ২০২০-২১দা মেত্রিক তন ২৮ হেনগৎখি। শ্রী তোমারনা রাজ্য সরকারদা থাজবা থম্লি মদুদি কান্নবা অসিগী খুদোংচাবা লৌদুনা বীকিপরশিংনা মখোয়গী পোত্থোকশিংগী মমলশিং ফজনা পীগদবনি। মহাক্না হায়খি ঐখোয় খুদিংনা চপ মান্নবা পান্দম লৈগদবনি মদুদি অপিকপা লৌমী মচাশিংনা মখোয়গী পোত্থোকশিংগী খ্বায়দগী ৱাংবা মমল ফংহনগদবনি। মহাক্না হায়খি মদুদি খোইহি পুথোকপা লৌমীশিংনা রাজ্য সরকারগা লোয়ননা মাংজিল থাগদবনি, কেন্দ্র সরকারনা খোঙথাং খুদিং মখোয়গা লোয়ননা চৎলি।  

থৌরম অসিদা লৌমীশিংগী পোত্থোক্কী ওইবা একজিবিসন অমসু পাংথোকখি। লৌউবদা অনৌবা এক্সপেরিমেন্তগীদমক লৌমীশিংদা মিনি কিতশিং য়েন্থোকখি। ত্রেনী লৌমীশিংনা শাবা পোত্থোকশিংসু পুথোকখি। এন্নুএল রিপোর্ত – তেক্নিকেল বুল্লেতিন ফোংখি। এগ্রীকলচর অমসুং ফার্মরস ৱেলফিয়রগী রাজ্যগী কেন্দ্র মন্ত্রী শোভা করনলাজেনা ফন্সন অসিদা অখন্নবা গেস্ত ওইখি। এগ্রীকলচর সেক্রেতরী মিস্তর সঞ্জয় আগর্ৱাল, এদ্দিসনেল সেক্রেতরী মিস্তির এভিলাক্স লিখি অমসুং মিস্তির বিবেক আগর্ৱাল, এগ্রীকলচর অমসুং হোর্তিকলচর কম্মিসনর দাঃ এস.কে. মালহোত্রা, প্লান্ত ভেরাইতি অমসুং ফার্মরস রাইত্স প্রোতেক্সন ওথোরিতীগী চেয়রমেন, দাঃ কে.ভি. প্রভু, গবর্নরদা সেক্রেতরী মিস্তর তি. মহাবেমো য়ন্থন, নাগালেন্দগী কম্মিসনর অমসুং হোর্তিকলচর সেক্রেতরী মিস্ত্রেস অন্নানলা তি. সাতো, হোর্তিকচর দাইরেক্তর দাঃ ই. লোথা, বোর্দ ওফ মেনেজমেন্ত (বি.ও.এম.) মেম্বরস মিস্তির শিব অঞ্জন দালমিয়া অমসুং মিস্তির দিৱাকর চাচরি অমসুং খোই য়োকপা কয়া অমা অমসুং অতৈ লৌমীশিংসু শরুক য়াখি। সেন্ত্রেল ইন্সতিত্যুৎ ওফ হোর্তিকলচরগী দাইরেক্তরনা ৱেলকম এদ্রেস পীখি। দাঃ মলহোত্রানা ভোত ওফ থেঙ্কস পীখি।   

*****

(Release ID: 1771058) Visitor Counter : 187