محنت اور روز گار  کے مرکزی وزیر  جناب بھوپندر یادو نے آج  ایک ٹوئیٹ پیغام میں یہ جانکاری دی کہ ملک بھر میں  تین کروڑ سے زیادہ افراد نے  ای- شرم پورٹل پر  اپنا اندراج  کرایا ہے، جو ملک میں غیر منظم محنت کشوں کا پہلا  قومی ڈاٹا بیس (این ڈی یو ڈبلیو ) ہے۔

ई-श्रम पोर्टल पर पंजीकरण कराने वाले श्रमिकों की संख्या 3 करोड़ पार कर गयी है। इस पोर्टल पर पंजीकरण कराने से असंगठित क्षेत्र के श्रमिकों को सरकार की योजनाओं का लाभ सरलता और सुगमता से मिल सकेगा। pic.twitter.com/I3TLLMYtAc

— Bhupender Yadav (@byadavbjp) October 8, 2021

اس سے قبل  آج  وزارت کے تحت  ایک خود مختار ادارہ  دتّو پنت ٹھینگڑی قومی محنت کشوں کی تعلیم اور ترقی  کے بورڈ  کی  177  ویں  گورننگ ادارے کی میٹنگ اور  78  ویں سالانہ  عام اجلاس  کا  حیدر آباد میں انعقاد کیا گیا۔ میٹنگ کی صدارت چیف  لیبر کمشنر  (مرکزی)، بھارت سرکار، جناب  ڈی  پی ایس نیگی  کے ساتھ  بورڈ کے چیئر مین جناب  برجیش اُپادھیائے نے کی۔ اس دوران متعدد اہم فیصلے کئے گئے۔

غیر منظم  محنت کشوں کو ایک الگ  شناخت اور  رتبہ  فراہم  کرنے والے  ای- پورٹل کے بارے میں  معلومات فراہم کرتے ہوئے جناب  نیگی نے کہا کہ پہلے  کووڈ – 19  وبا کے دوران  ہمارے پاس  غیر منظم محنت کشوں کو  فائدہ پہنچانے کا کوئی ذریعہ نہیں تھا لیکن اب  ای – شرم کارڈ ملک بھر میں سرکاری فائدہ حاصل کرنے کے لئے ایک واحد  کارڈ کے طور پر کام کرے گا۔ یہ ’ایک  ملک ، ایک کارڈ‘ ہوگا۔ انہوں نے بورڈ سے ای – شر م پورٹل پر اندراج کے بارے میں تفصیلات شامل کرنے اور  ملک بھر میں  غیر منظم  محنت کشوں کو پورٹل پر اندراج  کرانے کے فوائد کی تشہیر کرنے کو بھی  کہا۔

ایک دیگر اہم  پیش رفت  میں  1019 کانٹریکٹ پر  رکھے  گئے  محنت کشوں کو فائدہ پہنچاتے ہوئے  سلیبی (ڈائل)  کے بندو بست  اور اُن کے کانٹریکٹ ملازمین  کے درمیان دہلی میں ایک معاہدہ نامہ پر دستخط کئے گئے ۔ محنت کشوں کی نمائندگی  ایئر پورٹ کے ملازمین کی یونین نے کی۔ ہر  ملازم کو  58،400  روپے  ملیں گے اور  اس سال ملازمین کے درمیان کُل  60841600 روپے کی رقم تقسیم کی جائے گی۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ ع ح۔ ق ر

12744U-

(Release ID: 1770916) Visitor Counter : 211