ఎలక్ట్రానిక్స్ అండ్ ఇన్‌ ఫ‌ర్మేశన్‌ టెక్నాలజీ మంత్రిత్వ శాఖ
నాడు పోస్టు చేయడమైనది:
10 NOV 2021 6:14PM by PIB Hyderabad
ఎల‌క్ర్టానిక్స్, ఇన్ఫ‌ర్మేష‌న్ టెక్నాలజీ మంత్రిత్వ శాఖ‌కు అనుబంధంగా ప‌ని చేస్తున్న నేష‌న‌ల్ ఇంట‌ర్నెట్ ఎక్స్ఛేంజి (నిక్సీ) ఇంట‌ర్నెట్ ప్ర‌తీ ఒక్క‌రికీ అందుబాటులో ఉంచాల‌నే ల‌క్ష్యంతో ప‌ని చేస్తున్నలాభాపేక్ష లేని కంపెనీ. క‌స్ట‌మ‌ర్లు, భాగ‌స్వాముల‌కు సౌక‌ర్య‌వంతంగా ఉండేందుకు, క‌స్ట‌మ‌ర్ల‌తో ప‌ని చేసే త‌మ వెబ్ సైట్ ను మ‌రింత తేలిగ్గా తీర్చిదిద్దేందుకు నిక్సీ మూడు వ్యాపార విభాగాల్లో పేమెంట్ గేట్ వేల‌ను స‌మీకృతం చేస్తూ డిజిటల్ పేమెంట్ వ్య‌వ‌స్థ‌ను అందుబాటులోకి తెచ్చింది.
ఈ ఇంటిగ్రేష‌న్ వ‌ల్ల నిక్సీ క‌స్ట‌మ‌ర్ల‌కు ప‌ని తేలికై రియ‌ల్ టైమ్ చెల్లింపులు, నిరంత‌రాయ సేవ‌లు అందుబాటులోకి రావ‌డంతో పాటు భాగ‌స్వాములంద‌రికీ చ‌క్క‌ని అనుభూతి అందుతుంది.
“ఇంట‌ర్నెట్ మౌలిక వ‌స‌తులు స్వ‌యంస‌మృద్ధం, సువిశాలం, భ‌ద్రం కావ‌డానికి స‌హాయ‌కారిగా ఉండ‌డం కోసం నిక్సీ డిజిటల్ ఇండియా కార్య‌క్ర‌మానికి త‌న వంతు స‌హాయం అందిస్తోంది. మేం ప్రారంభించిన ఈ సొంత పేమెంట్ గేట్ వే వ‌ల్ల డిజిటల్ స్వ‌తంత్ర‌త మ‌రింత‌గా విస్త‌రించ‌డంతో పాటు పార‌ద‌ర్శ‌కం అవుతుంది” అని ఈ కార్య‌క్ర‌మానికి అధ్య‌క్ష‌త వ‌హించిన నిక్సీ సిఇఓ శ్రీ అనిల్ కుమార్ జైన్ అన్నారు.
“నిక్సీకి చెందిన మూడు డొమైన్ల కింద పేమెంట్ డిజిటైజేష‌న్ కు పేయు స‌హాయ‌ప‌డుతోంది. ఇది ఇటు క‌స్ట‌మ‌ర్ల‌కు, అటు వెండార్ల‌కు చెల్లింపుల ఆమోదాన్ని మ‌రింత స‌ర‌ళం చేయ‌డంతో పాటు నిక్సీకి రిఫండ్లు, రీ క‌న్సీలియేష‌న్ కూడా వేగంగా జ‌రిగేందుకు దోహ‌ద‌ప‌డుతుంది. డిజిటల్ ఇండియా కార్య‌క్ర‌మంలో ప్రాధాన్య‌తా భాగ‌స్వామిగా పేయు సాంకేతిక నిపుణ‌త‌కు, సంసిద్ధ‌త‌కు ఇది ఒక ప‌రీక్షగా నిలుస్తుంది”.
- శ్రీ అనిర్బ‌న్ ముఖ‌ర్జీ, సిఇఓ, పేయు ఇండియా.
“ఈ కార్య‌క్ర‌మంలో నిక్సీతో భాగ‌స్వామి కావ‌డం ఎన్ఎస్ డిఎల్ కు ఆనంద‌దాయ‌కం. ఈ ప్ర‌య‌త్నంలో నిక్సీ అద్భుత విజ‌యం సాధించాల‌ని ఆశిస్తున్నాం” అని ఎన్ఎస్ డిఎల్ డేటాబేస్ మేనేజ్ మెంట్ లిమిటెడ్ పేమెంట్స్ వ్యాపార (పేగ‌వ్ ఇండియా & ష్యూర్ పే) హెడ్ శ్రీ హ‌మీద్ ఆరిఫ్ అన్నారు.
పేమెంట్ గేట్ వే సేవ‌లందించ‌డానికి పేయు, ఎన్ఎస్ డిఎల్ ల‌తో నిక్సీ భాగ‌స్వామ్యం కుదుర్చుకుంది.
ఈ దిగువ కార్య‌క‌లాపాల ద్వారా స‌గ‌టు పౌరుల‌కు ఇంట‌ర్నెట్ టెక్నాల‌జీని చేరువ చేయ‌డానికి 2003 నుంచి కృషి చేస్తున్న లాభాపేక్ష ర‌హిత సంస్థ నేష‌న‌ల్ ఇంట‌ర్నెట్ ఎక్స్ఛేంజి (నిక్సీ).
- ఐఎస్ పిల ద్వారా, ఐఎస్ పిలు, సిడిఎన్ ల మ‌ధ్య ఇంట‌ర్నెట్ డేటా మార్పిడికి కృషి చేయ‌డం
- కంట్రీ కోడ్ డొమైన్ లో .IN విక్రయం, నిర్వ‌హ‌ణ, భార‌త్ లో भारत IDN డొమైన్ నిర్వ‌హ‌ణ చేప‌ట్ట‌డం
- ఆస్ర్టేలియాకు చెందిన ఎపిఎన్ఐసి అధీకృత ఏజెన్సీగా ఇంట‌ర్నెట్ ప్రొటోకాల్ (IPv4/IPv6) విక్రయం, నిర్వ‌హ‌ణ, అమ‌లు కార్య‌క‌లాపాలు చేప‌ట్ట‌డం
మా పేమెంట్ గేట్ వే భాగ‌స్వాముల గురించి :
- పేయు : దేశానికి చెందిన అగ్ర‌గామి పేమెంట్ గేట్ వేల‌లో ఒక‌టైన పేయు 4,50,000 పైగా స‌ర్వ‌ర్లు, వ్యాపార సంస్థ‌ల‌కు పేమెంట్ గేట్ వే సొల్యూష‌న్లు అందిస్తున్న సంస్థ. అలాగే 100కి పైగా పేమెంట్ విధానాలు వ్యాపారుల‌కు అందుబాటులో ఉంచింది.
- ఎన్ఎస్ డిఎల్ : ప్ర‌పంచంలోని అతి పెద్ద డిపాజిట‌రీల‌లో ఎన్ఎస్ డిఎల్ ఒక‌టి. భార‌త పెట్టుబ‌డుల మార్కెట్ కు చెందిన అధిక శాతం సెక్యూరిటీల‌ను నిర్వ‌హించ‌డంతో పాటు డిమెటీరియ‌లైజ్డ్ విధానంలో సెటిల్ చేస్తుంది. వ్యాపార సంస్థ‌ల‌కు సుర‌క్షిత‌మైన, నిరంత‌ర సేవ‌లందించే పేమెంట్ గేట్ వేగా కూడా ప‌ని చేస్తోంది.
***