امور صارفین، خوراک اور عوامی تقسیم کی وزارت
پوسٹ کرنے کی تاریخ:
08 NOV 2021 6:03PM by PIB Delhi
نئی دہلی:8 نومبر،2021۔صارفین کے مفادات کے تحفظ کے لیے صارفین کے امور، خوراک اور عوامی تقسیم کی وزارت کے تحت صارفین کے امور کے محکمے نے نظام وزن و پیمائش (پیک شدہ مصنوعات)، ضوابط2011 کے ضابطہ 5 کو ہٹا دیا ہے، جس میں مختلف اقسام کی اشیاء کے پیک کی سائز کا تعین کرنے والے شیڈول 2 کی وضاحت کی گئی تھی۔ پہلے سے پیک شدہ اشیاء پر یونٹ فروخت کی قیمت بتانے کے لیے ایک نیا پروویژن متعارف کرایا گیا ہے، جس سے خریداری کے وقت اشیاء کی قیمتوں کا موازنہ کرنا آسان ہو جائے گا۔
اس سے پہلے جس مہینے اور سال میں پروڈکٹ تیار کی جاتی ہے یا پہلے سے پیک یا امپورٹ کی جاتی ہے اس کا پیکیج میں ذکر کرنا ضروری تھا۔ اس ابہام کو دور کرنے کے لئے انڈسٹری اور ایسوسی ایشنز سے اس حوالے سے نمائندگیاں موصول ہوئی ہیں۔
ضابطوں کی تعمیل سے متعلق بوجھ کو کم کرنے اور صارفین کے لئے پہلے سے پیک شدہ سامان پر تاریخ کے اعلان کے ابہام کو دور کرنے کے لئے اب اس مہینے اور سال کے لئے اعلان ضروری ہے جس میں پہلے سے پیک کیے گئے سامان کے لیے اجناس تیار کی جاتی ہے۔
زیادہ سے زیادہ قیمت (ایم آر پی) کے اعلان کی دفعات کو ہٹا کر اور تمام ٹیکسوں سمیت ہندوستانی کرنسی میں ایم آر پی کے لازمی اعلان کے لئے مثال فراہم کر کے آسان کیا گیا ہے۔ اس کے ساتھ، مینوفیکچرر/پیکر/درآمد کنندہ کو پہلے سے پیک شدہ سامان پر آسان طریقے سے ایم آر پی کا اعلان کرنے کی اجازت دی گئی ہے۔
مینوفیکچرر/ درآمد کنندہ/ پیکرس ککے لئے ضوابط کی تعمیل کے بوجھ کو کم کرنے کے لئے پہلے سے پیک شدہ اشیاء میں فروخت ہونے والی اشیاء کی تعداد کا اعلان کرنے کے اصولوں میں نرمی کی گئی ہے۔ اس سے قبل اس طرح کے اعلانات کو محض 'این' یا 'یو' کے طور پر پیش کیا جا سکتا تھا۔ اب مقداروں کو تعداد یا اکائی یا ٹکڑے یا جوڑے یا سیٹ یا اس طرح کے دوسرے لفظ کے لحاظ سے ظاہر کیا جاسکتا ہے جو پیکیج میں مقدار کو ظاہر کرتا ہو۔ اس سے پہلے سے پیک شدہ اشیاء میں نمبروں کی بنیاد پر فروخت کی جانے والی مقدار کا اعلان کرنے کا ابہام دور ہو جائے گا۔
ش ح۔م ع۔ ع ن
U NO: 12636