গ্রীন ত্রান্সপোর্তেসনগী মরুওইবা খোঙথাং অমা ওইনা, ঙসি ইলেক্ত্রিক ত্রেক্সন্না মপুং ফানা চেনবা অহানবা পেসেঞ্জর ত্রেন কমখ্যা য়ৌরকখ্রে। ত্রেন নম্বর ০৫৯৫৬ দিল্লী – কমখ্যা স্তেসন (ব্রহ্মপুত্র) মেল অসিনা অখন্ননা লৈবাক্কী কোনুংদগী থারক্তুনা গুৱাহাতিগী কমখ্যা স্তেসন্দা ঙসি পুং ১৩-৩০দা কিলোমিতর ২০০০ হেন্না লান্না ইলেক্ত্রিক ত্রেক্সন্দা য়ৌরকখি। মসিগা মান্ননা হনখিবদা ত্রেন নম্বর ০৫৯৫৫ কমখ্যা – দিল্লী (ব্রহ্মপুত্র) মেল অসিনা অখন্ননা দিল্লীগীদমক কমখ্যা স্তেসন্দগী ঙসি পুং ১৪-৩০দা ঙসি ইলেক্ত্রিক ত্রেক্সন্দা থাখি। ত্রেন অসিনা নোংমগী মমাংদা ইলেক্ত্রিক ত্রেক্সন্দা পার্সেল ত্রেন মায় পাক্না চেনখ্রবা মতুংদা গুৱাহাতিগী কমখ্যা স্তেসন ফাওবা ইলেক্ত্রিক ত্রেক্সন্দা চেনবা অহানবা মেল/এক্সপ্রেস ত্রেন ওইরি।

মমাংদা ২০২১গী ওক্তোবরগী ২১দা, নোর্থইস্ত ফ্রন্তিয়র রেলৱেনা মসিগী অহানবা পার্সেল ত্রেন কমখ্যা ফাওবা ইলেক্ত্রিক ত্রেক্সন্দা চেনখি অমসুং এন.এফ. রেলৱে অমসুং অৱাং নোংপোক লমদমগী পুৱারী ওইরগদবা মিকুপ অমা ফংবা ঙমখি।

কমখ্যা স্তেসন ফাওবা রেলৱে ইলেক্ত্রিফিকেসনগী থবকশিং মপুং ফানা লোইশিনখ্রবা অমসুং ওক্তোবর ৭ অমসুং ৯দা য়েংশিল্লবা মতুংদা সি.আর.এস./এন. এফ. সর্কলনা অয়াবা পীরবা মতুংদা, ন্যু কুচবিহারদগীনা কমখ্যা ফাওবগী সেক্সন্দা ইলেক্ত্রিক ত্রেক্সনগী থবক হৌদোকখ্রে। মসিগা লোয়ননা, এন.এফ. রেলৱেদা অপুনবা রুত কি.মি. ৭৬০/ত্রেক্ত কি.মি. ১৭০১ ইলেক্ত্রিক ওনখ্রে।

হৌজিক ফাওবদা, ইলেক্ত্রিক লোকোমোতিব ওইবা ত্রেন কাতিহার অমসুং মাল্দাদগী ন্যু কুচবিহার ফাওবা চেল্লি, হায়রিবা অসিদা ইলেক্তিক লোকোনা ত্রেন্দগী খায়দোক্লি অমসুং দিজলগী লোকোমোতিবনা মখা তাবা জর্নীগীদমক শম্লি। হৌজিক রেলৱে ইলেক্ত্রিফিকেসনগী থবক অমসুং কম্মিসনশিং লোইশিনখিবগা মসিগী ত্রেনশিং অসি কমখ্যা য়ৌনা ত্রেক্সন হোংদনা লাক্কনি। অসিগুম্না ইলেক্ত্রিক ত্রেক্সন হোংদনা নই দিল্লীদগী কমখ্যা ফাওবা তৎপা লৈতনা শম্নগনি।

মতাং অসিদা, খঙজিনবা য়াই ইলেক্ত্রিক ত্রেক্সনগী কান্নবা কয়া অমা লৈরি মদুদি খোঙজেল য়াংনা চেন্দুনা ত্রেনশিং য়াম্না থুনা য়ৌহনবা, মতম অমসুং ইনর্জী মাংহনদবা, রিজেনেরেতিব ব্রেকিং, হোলিং কোপাসিতী ৱাংহনবা, লাইন কেপাসিতী ফগৎহনবা, পোল্লুসন লৈতবা ত্রান্সপোর্তেসন, মেন্তেনেন্স হন্থদুনা শেল চংবা হন্থবা অসিনচিংবা অসিনি।

***

(Release ID: 1767413) Visitor Counter : 144