পেত্রোলিয়ম অমসুং নেচরেল গ্যাস মন্ত্রালয়
শ্রী রামেশ্বর তেলীনা স্কীল দিবলপমেন্ত ইন্সতিত্যুৎ, গুৱাহাতিগী মায় পাক্লবা কেন্দিদেৎশিংদা সর্তিফিকেৎ অমসুং এপোইন্তমেন্ত লেত্তরশিং য়েন্থোকখ্রে
থাগৎখিবা:
11 OCT 2021 4:07PM by PIB Imphal
গুৱাহাতিদা ওইল ইন্দিয়া লিমিতেৎ (ও.আই.এল.)কী পাইপলাইন হেদক্বাতরদা শিনবা থৌরম অমদা স্কীল দিবলপমেন্ত ইন্সতিত্যুৎ, গুৱাহাতি (এস.দি.আই.জি.)গী মায় পাক্লবা কেন্দিদেৎশিংদা কোর্স কমপ্লিসন সর্তিফিকেৎ অমসুং এপোইন্তমেন্ত লেত্তরশিং য়েন্থোকখ্রে। থৌরম অসিদা ও.আই.এল.গী চেয়রমেন অমসুং মেনেজিং দাইরেক্তর শ্রী সুশিল চন্দ্র মিশ্রা, ও.আই.এল.গী মকোক থোংবা ওফিসিএলশিং, এস.দি.আই.জি.গী ফেকল্তী অমসুং ত্রেনীশিংসু শরুক য়াখি। থৌরম অসি ‘অজাদী কা অমৃত মহোৎসব’-ভারতনা নিং-খা তম্বদগী চহি ৭৫ ঙান্থোইরকপবু ইকাই খুম্নবা উৎপনি।
শ্রী তেলীনা এস.দি.আই.জি.গী মায় পাক্লবা ত্রেনীশিংগীদমক হরাওবা ফোংদোকখ্রে অমসুং এস.দি.আই.জি.না ত্রেনী অমসুং মখোয়গী ইমুংবু অওনবা অমা পুরকপদা লৌখিবা চাওরবা থৌদাংবু থাগৎপা ফোংদোকখ্রে। মহাক্না লৈবাক অসিগী অৱাং-নোংপোক লমদমদা চহি খুদিংগী নহারোল ১,০০০গী মথক্তা ত্রেদ ১৬তা স্কীল ত্রেনীং ফংহনবগীদমক এস.দি.আই.জি., ও.আই.এল. অমসুং ত্রেনীং ফেকল্তীশিংবু থাগৎপা ফোংদোকখ্রে। মহাক্না হায়খি ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র সরকারনা নহারোলশিংবু ‘আত্মানির্ভর ভারত’ ওইরক্নবা অমসুং লৈবাক অসিবু শেমগৎপদা থৌদাং লৌনবা স্কীল দিবলপমেন্তদা চাউনা মরু ওইবা পীরি। মায় পাক্লবা নহারোলশিংনা মফম অসিদা অতৈ নহারোলশিংদসু স্কীল দিবলপমেন্ত কোর্সশিং লৌখৎপদা পুক্নিং থৌগৎলগনি। প্রগতি ইদুতেক্তনা লেংবা এস.দি.আই.জি. ত্রেনীশিংগী মায় পাকপগী কোফী তেবল বুক অমা শক্নাইরবা অতিথী য়াওনা মন্ত্রীনা ফোংখি।
স্কীল দিবলপমেন্ত ইন্সতিত্যুৎ, গুৱাহাতি অসি লৈবক অসিদা লৈরিবা নহাশিংবু সেক্তর কয়াদা থবক ফংহন্নবা মখোয়দা স্কীল ত্রেনীংশিং হেনগৎহন্দুনা শক্তি পীনবা লিংখৎখিবা, ভারত সরকারগী পেত্রোলিয়ম অমসুং নেচুরেল গ্যাস মিনিস্ত্রীগী মখাদা অতোপ্পা ওইল অমসুং গ্যাস পি.এস.য়ু,শিংগী মতেংগা লোয়ননা, ভারতকী খ্বায়দগী চাওবা অনিশুবা নেস্নেল এক্সপ্লোরেসন অমসুং প্রদকসন কম্পনী ওইরিবা, ওইল ইন্দিয়া লিমিতেৎ (ও.আই.এল.)কী খোংথাং ওইরিবা কোর্পোরেত সোসিএল রেস্পোন্সিবিলিতী (সি.এস.আর.) অমনি।
******
(রিলিজ আই.দি.: 1763010)
ভিজিতর কাউন্তর : 129