اطلاعات ونشریات اورماہی پروری ، مویشی پروری اور ڈیری کے وزیرمملکت ڈاکٹرایل موروگن 9سے 11اکتوبر ، 2021تک حکومت کے آؤٹ ریچ پروگرام کے تحت مرکز کے زیرانتظام علاقے جموں کشمیر کے تین روزہ دورے پرہیں ۔

وزیرموصوف نے 10اکتوبر ، 2021کو  زووُرا میں حکومت کے شیپ بریڈنگ فارم اور مانلو میں شیپ بریڈنگ بیٹن فلور شیڈ  کا افتتاح کیا۔ 19.37لاکھ  اور 29لاکھ روپے کے  بالترتیب   یہ دوپروجیکٹ تعمیرات عامہ کے محکمہ  پی ڈبلیو ڈی (آراینڈ بی ) کی طرف سے انجام دیے گئے ہیں ۔ انھوں نے اننت ناگ  ضلع میں کوکرناگ کے مقام پر ٹراؤٹ فش فارمنگ پروجیکٹ کا بھی دورہ کیا۔ اس پروجیکٹ  کی سالانہ صلاحیت 150ٹن ہے اور اس پروجیکٹ سے حکومت اور ساتھ ہی ساتھ جموں کشمیر میں پرائیویٹ ٹراؤٹ یونٹوں کی بیج کی مانگ پوری ہوتی ہیں۔ انھوں نے پردھان منتری متسیا سپمد یوجنا کے تحت فیض پانے والے افراد کو جدول بھی  تقسیم کئے۔

 

انھوں نے شوپیان میں  سیب کے اس  باغ  کا بھی دورہ کیا جو ایشیا میں سب سے بڑا باغ ہے ۔ انھوں نے معاملات کے موثرحل کے لئے  کسانوں سے  بات چیت کی تاکہ ان کے  مسائل  کوسمجھاجاسکے  ، انھوں  نے سیب کی کاشت اوراس کی برآمدات سے منسلک مختلف عمل کی ستائش کی ۔

 

اس سے پہلے 9اکتوبر، 2021کو انھوں نے شوپیا ن سری نگراورجنوبی کشمیر  کے بی جے پی کاریہ کرتاؤں اور مقامی لیڈروں سے ملاقات کی۔ بشمول جموں کشمیر کی سماجی ، اقتصادی ترقی میں لوگوں کی موثر شراکت داری سے متعلق  مختلف معاملات پرتبادلہ خیال کیا۔

 

انھوں نے بھارتی حکومت کے علاقائی دفتروں کا بھی دورہ کیااور شوپیان ضلع میں  مختلف ترقیاتی اسکیموں کا جائزہ لیا۔ انھوں نے   جموں کشمیر   کے ترقیات سے متعلق   پروجیکٹوں کی موثر اور بروقت عمل آوری کے لئے مقامی افراد کو منسلک کرنے کی عہدیداروں کو ہدایت بھی دی ۔

 

 

اس سے پہلے سنیچرکو انھوں نے مویشی پروری اورماہی پروری کے محکمے کی جانب سے  جموں کشمیر کے شوپیان  میں شیرمال کے مقام پر منعقدہ ایک نمائش کا بھی دورہ کیا۔ انھوں نے پولٹری یونٹوں ، شیپ یونٹوں کے مستفیدین کے درمیان  مختلف اشیاء بھی تقسیم کیں اور  ایک انیمل ایمبولنس (ایم وی یو ) بھی شوپیان کے ضلع  کلکٹرکوسونپی ۔

 

انھوں نے  اپنے دورے کا آغاز پردھان منتری متسیا سمپدایوجنا (پی ایم ایم ایس وائی ) کے تحت ایک نوجوان خاتون صنعت کار ، محترمہ حنا پرّے کی طرف سے اونتی پورہ میں  تیارکردہ ری سرکولیٹری ایکواکلچر سسٹم (آراے ایس ) سہولت  کے افتتاح سے کیاتھا۔ انھوں نے رام ناگی –گاڈی پورہ فیری پورہ  نہاما روڈ،  صحت ادارے ،  ٹی –وانگم، ٹنل روڈ سفاناگری اور تکوان گاڈی پورہ روڈ کے ای –فاؤنڈیشن اسٹون کے افتتاح  کی رسم بھی انجام دی ۔

***************

ش ح۔ش ر۔ ع آ  

U. NO. 9934

 

(Release ID: 1762886) Visitor Counter : 143