نئی دہلی۔ 09  اکتوبر        جل شکتی اورڈبہ بند خوراک کی صنعتوں کے وزیر مملکت جناب پرہلاد سنگھ پٹیل نے آج دہرہ دون میں جل جیون مشن ، سوچھ بھارت مشن اور نمامی گنگے کی پیش رفت کا جائزہ لیا۔ وزیر موصوف نے اتراکھنڈ کے تین روزہ دورے پر کل شیام پور میں 9.4 کروڑ مالیت کے پینے کے پانی کے منصوبے کا سنگ بنیاد رکھا۔ انہوں نے ریاست میں وزارت جل شکتی کے مختلف منصوبوں کی پیش رفت کا بھی جائزہ لیا۔ وزیرموصوف  نے اتراکھنڈ کے وزیراعلیٰ جناب پشکر سنگھ دھامی سے بھی ملاقات کی اور حکومت کی اہم اسکیموں جیسے جل جیون مشن ، سوچھ بھارت ابھیان اور نمامی گنگے پر تبادلہ خیال کیا۔

وزیر موصوف نے کہا کہ اتراکھنڈ کے 47.30 فیصد گھروں کو جل جیون مشن کے تحت پانی کے کنکشن فراہم کیے گئے ہیں۔ 2022 تک مکمل کوریج حاصل کرنے کا ہدف ہے۔ انہوں نے مزید کہا کہ آئندہ قانون ساز اسمبلی کے انتخابات کے پیش نظر جل جیون مشن کے تحت چلنے والےمنصوبوں کو انتخابی ضابطہ اخلاق متاثر نہیں کرنا چاہیے۔ انہوں نے مزید کہا کہ الیکشن کمیشن سے اس سلسلے میں درخواست کی جائے گی۔

وزیر موصوف نے رشی کیش میں 7.50 ایم ایل ڈی سیوریج ٹریٹمنٹ پلانٹ اور جگجیت پور میں 68 ایم ایل ڈی پلانٹ کا بھی معائنہ کیا۔ انہوں نے کہا کہ نمامی گنگے گندے پانی کو گنگا میں جانے سے روکنے میں کافی حد تک کامیاب رہا ہے اور کافی گنجائش والے سیوریج پلانٹ بنائے گئے ہیں۔ انہوں نے 2014 میں شروع ہونے والی سوچھ بھارت کی پیش رفت کا خاکہ پیش کیا اور کہا کہ پہلے مرحلے میں ملک کو 2019 تک کھلے میں رفع حاجت سے پاک کر دیا گیا تھا۔ا سکولوں اور آنگن واڑی مراکز جیسے عوامی مقامات پر بیت الخلاء تعمیر کیے گئے۔ دیہی بلدیاتی اداروں نے فضلہ  کا انتظام شروع کیا۔ دوسرے مرحلے میں ایسے  گرام پنچایت کچن گارڈن کی تعمیر دیکھی گئی ہے جو کھاد بنانے کے لیے فضلہ کا استعمال کرتی ہے۔ تیسرے مرحلے میں فضلہ کے مینجمنٹ کے بارے میں بیداری پیدا کی جا رہی ہے۔ صاف ستھرے ہندوستان کے وزیر اعظم کا خواب حقیقت بن رہا ہے۔ شہریوں کو ان کے سروں پر چھت ، پانی کا کنکشن ، بجلی کا کنکشن ، گیس کا کنکشن اور صحت کی سہولیات فراہم کی جا رہی ہیں۔

جناب پرہلاد سنگھ پٹیل نےٹہری گرھوال میں اتراکھنڈ کے عہدیداروں اور کابینہ کےوزراء جناب بشن سنگھ چوپال اور جناب سبودھ اونیال کے ساتھ بات چیت کی۔  انہوں نے ضلع میں جل جیون مشن کی پیش رفت کا جائزہ لیا۔ مرکزی وزیر نے نمامی گنگے مشن کے تحت نئے تعمیر شدہ چندی گھاٹ کا بھی معائنہ کیا اور رصد گاہ کو دیکھا۔

دہرادون کے دودھلی گاؤں میں ، جناب پرہلاد سنگھ پٹیل نے جل جیون مشن کے تحت 1.27 کروڑ مالیت کے پینے کے پانی کے منصوبے کا افتتاح کیا۔ اس موقع پر اتراکھنڈ کے سابق وزیر اعلی جناب ترویندر سنگھ راوت بھی موجود تھے۔ وزیر موصوف نے کہا کہ یہ وزیر اعظم کی دور اندیش قیادت کی وجہ سے ہے کہ عام آدمی کی حالت زار پر ایماندارانہ گفتگو ہو رہی ہے۔ اب پسماندہ طبقات کی زندگی ایک مثالی تبدیلی دیکھ رہی ہے اور انہیں نئے ہندوستان کے قومی دھارے کی ترقی کی کہانی میں  شامل کیا جا رہا ہے۔  

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

U-9908

(Release ID: 1762721) Visitor Counter : 123