نئی دہلی۔ 30  ستمبر       وزارت سماجی انصاف وتفویض اختیارات عمر رسیدہ افراد کے عالمی دن کے موقع پر کل نئی دہلی کے وگیان بھون کےسیمینار ہال میں عمر رسیدہ شہریوں کے اعزاز میں وایو نمن پروگرام کا اہتمام کرے گی۔ وزارت ہر سال یکم اکتوبر کو عمر رسیدہ افراد کے لیے بین الاقوامی دن مناتی ہے۔

نائب صدر جمہوریہ ہند ایم وینکیا نائیڈو اس پروگرام کے مہمان خصوصی ہوں گے اور وایوشریشٹھ سمان ایوارڈ سے نوازیں گے۔ نائب صدر جمہوریہ  اس موقع پرعمر رسیدہ شہریوں کی مدد کے لیے خصوصی ہیلپ لائن 14567 بھی  قوم کے نام  وقف کریں گے  نیز اہل عمر رسیدہ شہریوں کے لیے سینئر ایبل سٹیزنس ری ایمپلائمنٹ اِن ڈگنیٹی (ایس اے سی آر ای ڈی) اور سینئر کیئر ایجنگ گروتھ انجن (ایس اے جی آئی ) پورٹل کا بھی آغاز کریں گے۔

مرکزی وزیر برائے سماجی انصاف و تفویض اختیارات ڈاکٹر ویریندر کمار ، وزیر مملکت برائے سماجی انصاف  و تفویض اختیارات محترمہ پرتیما بھومک ، جناب رام داس اٹھاولے ، جناب اے نارائن سوامی اور سماجی انصاف و تفویض اختیارات سکریٹری جناب آر سبرامنیم بھی پروگرام میں موجود رہیں گے۔  

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

U-9697

(Release ID: 1761620) Visitor Counter : 150