অৱাং-নোংপোক রাজ্যশিংগী ইদিবল ওইল- ওইল পাল্ম নেস্নেল মিসনগী ব্যুজিনেস সম্মিৎ অমা ঙসি গুৱাহাতীদা পাংথোকখ্রে। প্রধান মন্ত্রীগী অৱাং-নোংপোক রাজ্যনা পুন্না অমসুং খল মান্ননা চাউখৎপগী মঙলান্দা মিৎয়েং চঙলদুনা, ঙসি পাংথোকখিবা কনফরেন্স অসি কেন্দ্রগী লৌউ-শিংউ মন্ত্রী, শ্রী নরেন্দ্র সিংহ তোমারনা ওইল পাল্ম পাম্বীদা ঈশিং চাইদুনা অমসুং ওইল পাল্ম থাবগী মতাংদা ফিল্ম উৎপগা লোয়ননা হৌদোকখি।

লৌউ-শিংউ অমসুং লৌমীশিংগী য়াইফ য়ুম্বালগী কেন্দ্র মন্ত্রী, শ্রী নরেন্দ্র সিংহ তোমারনা ওইল পাল্ম খুমাং চাউশিলহন্নবগীদমক্তা অৱাং-নোংপোক রাজ্যশিংদা অচৌবা খোঙথাং কয়া পায়খৎপগী সরকারনা লৌরিবা ৱারেপ্না এন.ই. রাজ্যশিংবু লৈবাক্কী ওইল পাল্ম ওলহল্লগনি হায়না ফোংদোকখি। শ্রী তোমারনা মহৈ-মরোং চাউখৎনবা মান্নবা থৌদাং লৌগনি ফোংদোক্লদুনা মরুগী নর্সরী, দ্রিপ ইরিগেসন, তেক্নিকেল বেক-অপ, মিল শাগৎপা, লৈফম মফম অমসুং লৌমীশিং ত্রেনিং তৌনবগীদমক্তা অচৌবা শেনফম শোইদনা থাদগনি হায়বগী থাজবা পীখি। এন.ই. রাজ্যশিংগী ওইবা অখন্নবা পেকেজ অমসুং তেংবাংনা লৌমীশিংগী সোসিও-ইকোনোমিক ফিভমদা অহোংবা পুরক্কনি অমসুং ওইল পাল্ম মিল শারিবশিংদা ইনফ্রাস্ত্রকচরসু চাউখৎহনবগা লোয়ননা থবক্কী খুদোংচাবা লৈহনগনি হায়না কেন্দ্রগী লৌউ-শিংউ মন্ত্রীনা পাউদমখি।

কেন্দ্র মন্ত্রীনা ব্যুজিনেস সম্মিৎ অসি লম পাকথোক-চাউথোকহনবা, প্রোসেসরগী খুত্থাংদা তোঙানবা রাজ্যশিংগী অকক্ননা লেপ্লবা মরুগী তঙাই ফদবশিং, পীবা য়াবা গেপ পেমেন্তকী অকুপ্পা মরোল অমসুং মিসন অসিগী মখাদা তেংবাংবগী পান্দম থম্লিবশিং খঙদোক্নবা পাংথোকপনি হায়খি।

শ্রী তোমারনা হায়খিবদা লুপা করোর ১১০৪০গী অপুনবা শেনফম থাগদবা মিসন অসিনা মথংগী চহি মঙাদা অৱাং-নোংপোক রাজ্যদা লাখ হেক্ত্যার ৩.২৮ অমসুং ভারতকী অতোপ্পা মফমশিংদা লাখ হেক্ত্যার ৩.২২ ওইদুনা ওইল পাল্ম থানবগীদমক্তা লাখ হেক্ত্যার ৬.৫গী অহেনবা লম পুশিল্লক্কনি হায়না ফোংদোকখি।

কেন্দ্রগী লৌউ-শিংউ মন্ত্রীনা অসম সরকারবু লোজিস্তিক্স সপ্পোর্ত পীবগীদমক্তা থাগৎখি অমসুং অনৌবা স্কিম অসিনা ইদিবল ওইলগী হীরমদা ভারতপু মরোমদোম লেপচবা ঙমহন্নবা লম্বী ইয়াৎপগা লোয়ননা ভারতপু আত্মানির্ভরতাগী লম্বীদা খোঙশানহল্লগনি হায়না ফোংদোকখি। সরকারনা হায়বা মমল শোইদনা ফংহন্দুনা ওইল পাল্ম থারিবা লৌমীশিং ঙাক-শেনবদা খোঙফম চেৎলি অমসুং সম্মিৎ অসিগীদমক্তা মীয়াম অমা থোক্লকপা অসিদা নুংঙাইবা ফাওই হায়না ফোংদোকখি। সম্মিৎ পাংথোকপগী মওং মতৌদা নুংঙাইবা ফোংদোক্লদুনা অসিগুম্বা মওংগী ৱাখল্লোন লান্নবা অসিনা এন.এম.ই.ও.-ওইল পাল্ম থবক পায়খৎপদা খোঙজেল থুহনগনি হায়বা ৱাফম পনখি। শ্রী তোমারনা মিসন অসিগী মখাদা, ওইল পাল্ম লৌমীশিংদা পাংবা য়াবা তেংবাং খুদিংমক পীগনি হায়না থাজবা পীখি।

দোনরগী কেন্দ্র মন্ত্রী, শ্রী কিশন রেদ্দীনা ভারত সরকারনা লৌমীশিংগীসু কান্নবা ওইবা অমসুং লমদম অসিদসু চাউখৎপা পুরক্নবা নীংথিনা থৌরাং য়াৎপা ইদিবল ওইল পাল্ম স্কিম পুথোকপগী মিৎয়েংবু থাগৎপা ফোংদোকখি। দোনর মন্ত্রীনা শ্রী নরেন্দ্র মোদীনা ওইল পাল্ম সেক্তর চাউখৎহন্নবা খোঙফম চেৎলি হায়রদুনা ইনভেস্তর অমসুং ইন্দস্ত্রীএলিস্তশিংনা লৌউ-শিংউগী সেক্তরদা, মরু ওইনা পাল্ম ওইল, তৌবা ঙম্বগী মতিক য়াম্না লৈরিবা অৱাং-নোংপোক লমদমদা শেল থাদরসি হায়বা ৱাফম থমখি।

লৌউ-শিংউ সেক্রেতরী, শ্রী সঞ্জয় অগরৱালনা সরকারগী মঙলানগী শম্লপ্পা ৱাফম থম্লদুনা সম্মিত হৌদোকখি অমসুং দি.এ.আর.ই.গী সেক্রেতরী, দাঃ তি. মোহাপাত্রানা মিসন অসিনা মাই-পাক্নবা আর. অমসুং দি.গী থৌদাংশিং কুপ্না তাকখি। শ্রীমতি সুভা থাকুর, জোইন্ত সেক্রেতরীনা মিসন অসিগী শম্লপ্পা ৱারোলশিংগী প্রজেন্তেসন অমা পীখি। ভিএবিলিতী গেপ ফন্দিংগী মতাংদা মহাক্না কুপ্না তাক্লদুনা লৌমীশিংদা মতিক চাবা ফংহনগনি হায়বগী থাজবা পীখি।

নাবার্দনা শেমখিবা এফ.পি.ও.শিংগী সর্তিফিকেৎশিং য়েন্থোকপগা লোয়ননা অমুক্কা হন্না শিজিন্নবা য়াবা গ্রীন ফুএল বাইও ইথানোল পুথোক্নবা পুম্নমক্কা মান্নদবা খ্বাইদগী অহানবা বাইও রিফাইনরী ভারত্তা শানবগীদমক্তা এ.বি.পি.আর.এল. অমসুং নুমালিগর রিফাইনরীগা এম.ও.য়ু. অমসু খুৎয়েক পীনখি। সম্মিৎ অসিদা দি.এ. অমসুং এফ.দবল্যু.গী ওইলসীদ দিভিজন্না ইবা “গ্লিম্প্‌স ওফ এন.এম.ই.ও. – পাল্ম ওইল ইন এন.ই. স্তেৎস”; আই.সি.এ.আর.-আই.আই.ও.পি.আর.না ইবা “ইম্প্রুব মেনেজেমেন্ত প্রেক্তিস ওফ দি ওইল পাল্ম কলতিভেসন ইন এন.ই. স্তেৎস” হায়না মিংথোনবা লাইরিক্কা লোয়ননা এসেসমেন্ত রিপোর্তসু ফোঙখি।

অরুনাচল প্রদেশকী মুখ্য মন্ত্রী, শ্রী পেমা খন্দুনা মহাক্কী ৱারোলদা, লমদম অসিগী লৈবাক লৈহাও ফবা অমসুং অইং-অশাগী খুদোংচাবা লৌদুনা লৌউ-শিংউ সেক্তরবু চাউরবা খোঙথাং অমগা লোয়ননা চাউখৎপা পুরক্নবা হৌজিক্কী মতম অসিদা ইনভেস্তরশিংনা লাক্তুনা শেল থাদবগী খ্বাইদগী চুনবা মতম্নি হায়না থমখি। পাল্ম ওইলনা অখন্নবা খুদোংচাবা অমা পীগনি, মসিগী মরমদি মসি থাবদা অৱাং-নোংপোক্কী লৌমীশিংনা হান্না ফংলমদবা শেল তানবগী কান্নবা কয়া অমা ফংবা হৌরগনি হায়না মহাক্না মখা তাখি।

অসম সরকারগী লৌউ-শিংউ মন্ত্রী, শ্রী অতুল বোরানা হায়খিবদা, অসমগী জিলা অনি- গোলপারা অমসুং কামরুপকী লৌমীশিংনা হৌজিক-হৌজিক ওইল পাল্ম থাবগী থবক চত্থরি অমসুং মসি থানবগীদমক্তা অতোপ্পা জিলা ১৭তা হেক্ত্যার ১৫০০গী অহেনবা লম পুশিল্লকপগী থৌরাংসু য়াৎলি।

লৌউ-শিংউ অমসুং লৌমীশিংগী য়াইফ য়ুম্বালগী কেন্দ্রগী রাজ্য মন্ত্রী, শ্রী কাইলাশ চৌধরী অমসুং সুশ্রি সোভা করান্দলাজে, দোনরগী রাজ্য মন্ত্রী, শ্রী বি.এল. ভর্মা অমসুং অরুনাচলগী মুখ্য মন্ত্রী, শ্রী পেমা খান্দুনা নেস্নেল সম্মিৎ অসিদা শরুক য়াখি।

সিক্কিমগী লৌউ-শিংউ মন্ত্রী, শ্রী লোকনাথ শর্মা; অসম সরকারগী চীফ সেক্রেতরী, শ্রী জিশ্নু বরুৱা; অরুনাচল প্রদেশ সরকারগী চীফ সেক্রেতরী, শ্রী নরেশ কুমার; রাজ্যশিংগী প্রিন্সিপাল সেক্রেতরীশিং; ভারত সরকারগী জোইন্ত সেক্রেতরী, শ্রীমতি সুভা থাকুর অমসুং রাজ্য সরকারশিংগী অতোপ্পা ওফিসিএল, ভারত সরকারগী লৌউ-শিংউ মন্ত্রালয়গী ওফিসর, নিতি আয়োগ, আই.সি.এ.আর. ইন্সতিত্যুসন, এম.ই.এ., ভাইস চান্সেল্লর, এস.বি.আই. অমসুং ইন্দিয়ন তী এসোসিএসনগী ওফিসর, ওইল পাল্ম ইন্দস্ত্রীগী মকোক থোংবা প্রোসেসর, প্রোগ্রেসিব ফারমর অমসুং এগ্রি-ব্যুজিনেস ত্রেদকী শেল থাদবা ঙম্বা মীওইশিংনা সম্মিত অসিদা শরুক য়াখি।

*****