অৱাং-নোংপোক লমদমগী হিরম খুদিংমক্তা চাওখৎপা পুরক্নবা কেন্দ্র সরকারনা মীৎয়েং থম্লি হায়না ঙসি উপ রাস্ত্রপতি শ্রী এম ভেনকিয়া নাইদুনা ফোংদোকখ্রে৷ সরকার অসিনা লৌখৎলিবা তোঙান তোঙানবা চাওখৎ -খোঙথাংশিং অসিনা অসাম অমদি অতোপ্পা অৱাং-নোংপোক রাজ্যশিংনা তুংদা হেন্না মতোম লোম্না চাওখৎহনবদা মতেং পাংলগনি৷

গুৱাহাতিদা শিনবা ফঙ্কসন অমদা মহাক্না ‘লোকপ্রিয়া গোপিনাথ বোর্দোলোই এৱার্দ ফোর নেস্নেল ইন্তিগ্রেসন এন্দ কন্ত্রিব্যুসন’ রিসিপিয়েন্ত অহুম—মশক নাইরবা অইবা অমদি স্কোলর, শ্রী নিরোদ কুমার বরোৱা, কস্তুর্ব গান্ধী নেস্নেল মিমোরিএল ত্রস্তকী মেম্বরশিং অমদি শিল্লোং চেম্বর ক্বাইরগী মেম্বরশিংদা খুৎশিন্নরবা মতুংদা মহাক্না মীফম অদুদা ৱা ঙাংখিরম্মী৷.

নিংতম লান্মী অমদি অসামগী ইহান হানবা মুখ্য মন্ত্রী, লোকপ্রিয়া গোপিনাথ বোর্দোলোইদা থৱাই তানা শ্রদ্ধাঞ্জলী কৎলদুনা, মহাক অসি মোর্দর্ন ইন্দিয়া মেকরশিংগী মনুংদা অমা ওইরমখি হায়না উপ রাস্ত্রপতিনা ফোংদোকখি৷ লোকপ্রিয়া গোপিনাথ বোর্দোলোইনা পার্তিসনগী য়েৎনবা মতমশিংদা ভারতকী অপুনবগী শক্তম অমদি সোভরিন্তী ঙাক শেন্নবা হোৎনবদা কা-হেন্না হৈথোই-শিন্থোইরবা থৌদাং লৌখিবা তুংগী মীৎয়েং শান্না উবা ঙম্বা লুচিংবা অমা ওইরকখি হায়না ফোংদোকখি৷

মনিং-মখা তম্লবা ভারত্তা অসামগী অহানবা মুখ্য মন্ত্রী ওইনা, মহাক্না ইন্দস্ত্রিএল পোলিসী কয়া অমা মথং-মনাউ নাইনা চৎনহনখি অমদি গৌহাতি য়ুনিভর্সিতী য়াওনা এজুকেস্নেল ইন্সতিত্যুসন কয়া অমা শেমগৎপদসু থৌদাং লৌখি৷

লোকপ্রিয়া গোপিনাথ বোর্দোলোইগী লৈঙাকলোন খঙবা পর্সোনেলিতী অসি থোইদোক হেন্দোক্না ফৈ অমদি কম্ম্যুনিতীশিং, দিনোমিনেসনশিং অমদি পোলিতিকেল এফিলিয়েসনশিংদা লৈরিবা মীয়াম্না মহাকপু ঙাওজৈ অমদি ইকাই খুম্নৈ হায়না শ্রী নাইদুনা ফোংদোকখি৷ মহাক্না পুন্সি চেঙজেল তেনখিবা চহি খুজিং তরেৎ হেল্লবা মতুং ফাওবদা, লৈবাক অসিগী মীয়াম মরু ওইনা অসামদা লৈরিবা মীয়ামগী থমোইশিংদা লেমজনিংঙাই ওইরবা মফম অমা মহাক্না কনখ্রে হায়না উপ রাস্ত্রপতিনা মখা তাখি৷

রিসিপিয়েন্তশিং অসিবু থাগৎলদুনা, নিরোদ কুমার বরোৱাসু জর্মনীদগী লাকখিবনি হায়না শ্রী নাইদুনা ফোংদোকখি৷ “বরোৱা জিগী মমল লৈরবা রিসর্স ৱার্ক অমদি লাইরিকশিংগী খুৎথাংদা মালেমগী মীয়ামদা লোকপ্রিয়া গোপিনাথ বোর্দোলোইবু মশক খঙহনবদা থৌদাং লৌরি”, হায়বসি মহাক্না উবা ফংখি৷

কস্তুর্বা গান্ধী নেস্নেল মিমোরিএল ত্রস্ত, অসাম ব্রাঞ্চনা মখোয়গী ইনিসিয়েতিবশিংগী খুৎথাংদা খুঙ্গংগী নুপীশিং অমদি অঙাংশিংগী পুন্সি অমুক হন্না শেমগৎনবা হোৎনবদা ত্রস্ত অসিগী মেম্বরশিংনা মশক থোকপা থৌদাং লৌখিবা অদুগীদমক মহাক্না থাগৎখি৷ মসিগী ক্রাউনিং এচিবমেন্ত অসিগীদমক শিল্লোং চেম্বর ক্বাইরগী মেম্বরশিংবু থাগৎলদুনা, ম্যুজিক অমদি কল্চরগী খুৎথাংদা লৈবাক্কী অপুনবগী শক্তম শেমগৎনবা হোৎনবদা মখোয়না লৌখিবা থৌদাং অদু মশক খঙবিবা উৎপনি হায়না মহাক্না ফোংদোকখি৷ “মরু ওইনা অয়েৎপা কয়া অমনা লৈবাক অসি শোন্থনবা হোৎনবা মতমদা, ম্যুজিক অমদি কল্চরনা লৈবাক অসিগী অপুনবগী শক্তম শাগৎপদা মতেং পাংবা ঙমগনি”, হায়না শ্রী নাইদুনা ফোংদোকখি৷

প্রধান মন্ত্রী শ্রী নরেন্দ্র মোদীনা লুচিংলিবা কেন্দ্র সরকার অসিনা অৱাং-নোংপোক লমদমগী হিরাম খুদিংমক্তা চাওখৎপা পুরকপগী তঙাই ফদবা লৈরিবা অসিদা মীৎয়েং থমখি হায়না উপ রাস্ত্রপতিনা ফোংদোকখি৷ “হৌখিবা চহি তরেৎ মখায় অসিদা ইনিসিয়েতিবশিং ওইনা, চাওখৎপা, শান্তি অমদি মাই পাকপা অসিনা কেন্দ্র সরকারগী খ্বাইদগী মরু ওইবা প্রাইয়োরিতীশিং ওইখ্রে”, হায়না মহাক্না মখাতাখি অমদি অসামগী ঙমখৈগী শক্তমগী মতাংদা চহি খুজিং কয়া য়েৎনদুনা লাক্লিবা অসি লোইশিন্নবা ইতিহাসিক ওইরবা কার্বি অঙ্গলোঙ্গ এগ্রীমেন্তবু খুদম ওইনা পনখি৷ অসামনা অৱাং-নোংপোক্তা চাওখৎপগী মঙাল নাইরবা খুদম অমা ওইরগনি হায়না মহাক্না য়াম্না থাজনা ফোংদোকখি৷ অৱাং-নোংপোক লমদমদা এয়র কন্নেক্তিবিতী ফগৎহন্নবা কেন্দ্র সরকারনা হোৎনরিবা অদুসু শ্রী নাইদুনা পনখি৷

অৱাং-নোংপোক লমদম খোঙজেল য়াংনা চাওখৎহনবগী তঙাই ফদবা লৈরিবা অসিদা সরকারনা মীৎয়েং চংলি হায়বসি নিতি আয়োগ অমদি দোনর মন্ত্রালয়না য়ু.এন.দি.পি.দগী তেক্নিকেল সপোর্ত লৌদুনা হোৎনরিবা কোলাবোরেতিব ইফর্ত অমা ওইরিবা, এন.ই.আর. দিস্ত্রিক এস.দি.জি. ইন্দেক্স অমদি দাশবোর্দ য়াওনা ইনিসিয়েতিব কয়া অমদগী উবা ফংবা য়াই হায়না মহাক্না ফোংদোকখি৷ মসিনা লৈবাক অসিগী দিবেলপমেন্ত কর্বতা য়াম্না মরু ওইবা অমদি লৈবাক অসিদা মখল অদুগী ইহান হানবনি হায়না মহাক্না ফোংদোকখি৷

অসামগী রাজ্যপাল, শ্রী প্রোফেসর জগদিশ মুখি, অসামগী মুখ্য মন্ত্রী, শ্রী হিমন্ত বিস্বা শর্ম, অসাম সরকারগী স্পোর্তস অমদি য়ুথ ৱেল্ফেয়র মন্ত্রী, শ্রী বিমল বোরা, চীফ সেক্রেতরী, শ্রী জিশনু বরুৱা অমদি অতোপ্পা মশক নাইবা মীওইশিংনা থৌরম অসিদা শরুক য়াখি৷

মখাগী অসি ৱারোল অদুগী মপুং ওইবা অইবনি:

“ইমা কমখ্যগী খোঙয়াগী শেংলবা মফম অসিদা ঐনা লেপ্পা ফংজবা অমদি লোকপ্রিয়া গোপিনাথ বোর্দোলোই এৱার্দ ফোর নেস্নেল ইন্তিগ্রেসন এন্দ কন্ত্রিব্যুসন ২০২১দা শরুক য়াবা ফংজবা অসি ঐ য়াম্না নুংঙাইবা ফাওই৷ মসিগী অখন্নবা থৌরম অসিদা ঐবু শরুক য়ানবা হায়বিরকপা অসিগীদমক অসাম সরকারবু ঐনা থাগৎপা ফোংদোকচরি৷

ইচল-ইচেশিং অমদি ইয়াম্বা-ইনাউশিং,

ঐনা চৎলুবা মফমশিংগী মনুংদা অসামসু খ্বাইদগী ফজরবা মফমশিংগী মনুংদা অমনি৷ মহাক্কী ফজবা পুৱারি লৈজবা অমদি কল্চরেল দাইবর্সিতী লৈরিবা অসিদগী হেন্দোক্তুনা, মহাক্কী পুক্নিং হুনা ফজরবা অকোইবগী শক্তম, লৈ অমদি শা, ৱাংলবা চিং, চা মনাগী গার্দেনশিং, ইথক হৌরিবা ফজরিবা লৈমাইশিং, ইশিংগী লম্বীশিং অমদি উমং থানা লৈবগী ফজরবা শক্তম মতম শাংনদগী লৈরক্লি৷

লোকপ্রিয়া গোপিনাথ বোর্দোলোই অসি মোদর্ন ইন্দিয়া মেকরশিংগী মনুংদা অমা ওইরকখি৷ মহাক অসি ময়ামগা মান্নদবা ক্বালিতীশিংনা য়োম্লগা য়াওরিবা সেল্ফ-মেদ লিদর অমা ওইখি অমদি মোদর্ন ইন্দিয়া শেমগৎপা মীওইনি হায়না ময়াম্না শক্ন-শোন্নখি৷ ফ্রন্ত-রেঙ্কিং ফ্রীদম ফাইতর অমা ওইরুবনা, মহাক্না মহাত্ম গান্ধীগী লুচিং মখাদা নন-কোওপরেসন ইহৌদা মহাক মশামক শরুক য়াখি অমদি মসিগীদমক মহাক ১৯২২দা ফাখি৷

লোকপ্রিয়া গোপিনাথ বোর্দোলোইনা পার্তিসনগী য়েৎনবা মতমশিংদা ভারতকী অপুনবগী শক্তম অমদি সোভরিন্তী ঙাক শেন্নবা হোৎনবদা কা-হেন্না হৈথোই-শিন্থোইরবা থৌদাং লৌখিবা তুংগী মীৎয়েং শান্না উবা ঙম্বা লুচিংবা অমা ওইরকখি হায়না মতাং অসি পনবদা মতিক চাই৷ মনিং-মখা তম্লবা ভারত্তা অসামগী অহানবা মুখ্য মন্ত্রী ওইনা, মহাক্না ইন্দস্ত্রিএল পোলিসী কয়া অমা মথং-মনাউ নাইনা চৎনহনখি৷ মীয়াম পুনশিন্নবগী ৱাখল্লোনদা মীৎয়েং শান্না উবা ঙম্বা খিঙ্কর অমা ওইরুবনা, গৌহাতি য়ুনিভর্সিতী য়াওনা এজুকেসন ইন্সতিত্যুসন কয়া অমা শেমগৎপদা মহাক্নসু থৌদাং লৌখি৷ অফবা এজুকেসন অসিনা চাওখৎপগী য়াম্না মরুওইবা ফিচর অমনি হায়বসি মহাক্না থাজৈ৷

রাজ্য অসিগী অমদি প্রজা মীয়ামগী য়াইফননবা মহাক্না লেপ্প-লৈতনা হোৎনবিরম্বা অসি মশক খঙবিবা ওইনা, মতম অদুদা পাল্লিবা অসাম সরকারগী রাজ্যপাল, শ্রী জেরাম দাস দৌলাত্রমনা "লোকপ্রিয়া" হায়বা মীংথোল অসি মঙোন্দা পীখি

লোকপ্রিয়া গোপিনাথ বোর্দোলোইগী লৈঙাকলোন খঙবা পর্সোনেলিতী অসি থোইদোক হেন্দোক্না ফৈ অমদি মহাক্কী মরুপ-মপাংশিং খক্তা নত্তনা কম্ম্যুনিতীশিং, দিনোমিনেসনশিং অমদি পোলিতিকেল এফিলিয়েসনশিংদা লৈরিবা মীয়াম্না মহাকপু ঙাওজৈ অমদি ইকাই খুম্নৈ৷ কম্ম্যুনিতীশিংগী মীয়াম অমদি ত্রাইবশিংনা ইংনা-চিক্না হিংমিন্নবা য়াবা অসাম অমা শেমগৎনবা মহাক্না থৱাই য়াওনা হোৎনখি অমদি তোঙান তোঙানবা ইসুশিংদা লৈরিবা পোলিতিকেলগী ওইবা খেন্নবশিং অসি ৱারি শানদুনা ৱারোইশিন পুরক্নবা মহাক্না লেপ্প-লৈতনা হোৎনখি৷ লোকপ্রিয়া গোপিনাথ বোর্দোলোই অসি এক্তিবিতীগী ফিল্দ কয়া অমদা কা-হেন্না হৈথোইরবা শিন্থোইরবা মগুনশিং য়াওরবা মল্তি-দাইমেন্সনেল ফিগর অমা ওইখি৷ মহাক অসি তোঙান তোঙানবা তোপিকশিংদা লাইরিক কয়া অমা ইবগী মীংচৎ ফংখ্রবা মমিং লৈরবা অইবা অমনি৷

য়াম্না চান্ননা, ভারত সরকারনা ১৯৯৯দা ভারত রত্ন লোকপ্রিয়া গোপিনাথ বোর্দোলোইদা মহাক্না শিখ্রবা মতুংদা পীখি৷ মহাক্না পুন্সি চেঙজেল তেনখিবা চহি খুজিং তরেৎ হেল্লবা মতুং ফাওবদা, লৈবাক অসিগী মীয়াম মরু ওইনা অসামদা লৈরিবা মীয়ামগী থমোইশিংদা লেমজনিংঙাই ওইরবা মফম অমা মহাক্না কনখ্রে৷

জর্মনীদগী লাকখিবা মশক নাইরবা রিসিপিয়েন্তশিংগী মনুংদা অমা ওইরিবা, শ্রী নিরোদ কুমার বরোৱাবু থাগৎনবগী খুদোংচাবা অদু ঐনা লৌজরি৷ বরোৱা জিগী মমল লৈরবা রিসর্স ৱার্ক অমদি লাইরিকশিংগী খুৎথাংদা মালেমগী মীয়ামদা লোকপ্রিয়া গোপিনাথ বোর্দোলোইবু মশক খঙহনবদা থৌদাং লৌরি৷ অসামগী ফজরবা পুৱারিদা মহাক্কী নুংগী অথুপ্পা লৌশিং অসি ময়াম্না খঙনরবা ঙাক্তনি৷

কস্তুর্বা গান্ধী নেস্নেল মিমোরিএল ত্রস্ত, অসাম ব্রাঞ্চনা মখোয়গী ইনিসিয়েতিবশিংগী খুৎথাংদা খুঙ্গংগী নুপীশিং অমদি অঙাংশিংগী পুন্সিশিং অমুক হন্না শেমগৎনবা হোৎনবদা ত্রস্ত অসিগী মেম্বরশিংনা মশক থোকপা থৌদাং লৌখিবা অদুদা থৌদাং অমা ওইনা ঐনা থাগৎলি৷ ম্যুজিক অমদি কল্চরগী খুৎথাংদা লৈবাক্কী অপুনবগী শক্তম শেমগৎনবা হোৎনবদা মখোয়না লৌখিবা থৌদাং অদু মশক খঙবিবা ওইনা অসিগুম্লবা ক্রাউনিং এচিবমেন্ত অসিগীদমক শিল্লোং চেম্বর ক্বাইরগী মেম্বরশিংবু ঐনা থাগৎপা ফোংদোকপা পামজৈ৷

মরুপশিং,

নখোয়না খঙলিবা অদুমকঙাই, প্রধান মন্ত্রী শ্রী নরেন্দ্র মোদীনা লুচিংলিবা কেন্দ্র সরকার অসিনা অৱাং-নোংপোক লমদমগী হিরাম খুদিংমক্তা চাওখৎপা পুরকপগী তঙাই ফদবা লৈরিবা অসিদা মীৎয়েং থমখি৷ হৌখিবা চহি তরেৎ মখায় অসিদা ইনিসিয়েতিবশিং ওইনা, চাওখৎপা, শান্তি অমদি মাই পাকপা অসিনা কেন্দ্র সরকারগী খ্বাইদগী মরু ওইবা প্রাইয়োরিতীশিং ওইখ্রে৷ মসিগী ময়েক লারবা খুদম অমা অদুদি অসামগী ঙমখৈগী শক্তমগী মতাংদা চহি খুজিং কয়া য়েৎনদুনা লাক্লিবা অসি লোইশিন্নবা থা অমগী মমাংদা কেন্দ্রগী গৃহ মন্ত্রী শ্রী অমিত শাহ শরুক য়াদুনা শহি পীনখিবা ইতিহাসিক ওইরবা কার্বি অঙ্গলোঙ্গ এগ্রীমেন্ত পনবা য়াই৷ মসিগী পেক্ত অসি “ইন্সর্জেন্সী ফ্রী ওইবা, চাওখৎপা অৱাং-নোংপোক” অমা ওইহন্নবা সরকারগী মংলান অসিদী অতোপ্পা মাইলস্তোন অমনি হায়না ফোংদোকখ্রে৷ কার্বি এরিয়াশিংগী চাওখৎ-থৌরাংগীদমক অখন্নবা প্রোজেক্তশিং পাইখৎনবা লুপা কোতি ১০০০রোমগী শেনফম ওইগদবা কেন্দ্র সরকারগী অখন্নবা দিবেলপমেন্ত পেকেজ অসিনা মফম অসি অথুবা মতমদা চাওখৎপা অমদি মফম অসিগী ফিভম ফগৎহল্লগনি হায়না ঐনা থাজৈ৷

অৱাং-নোংপোক লমদমদা এয়র কন্নেক্তিবিতী ফগৎহন্নবা কেন্দ্র সরকারনা হোৎনরিবা অসিসু ‘এক্ত ইস্ত পোলিসী’গী য়াম্না মরু ওইবা শরুক অমনি অমদি সেক্তর অসিদা লৈরিবা মরু ওইবা গেপ অমা মেনশিনবা ঙম্লগনি৷

অৱাং-নোংপোক খোঙজেল য়াংনা চাওখৎহন্নবগী তঙাই ফদবা লৈরিবা অসিদা ভারত সরকারনা মীৎয়েং চংলি হায়বসি  সরকার অসিনা লৌখৎলিবা ইনিসিয়েতিব কয়ামরোম অসিদা উবা ফংবা য়াই৷ য়ু.এন.দি.পি.দগী তেক্নিকেল সপোর্ত লৌদুনা নিতি আয়োগ অমদি দোনর মন্ত্রালয়গী কোলাবোরেতিব ইফর্ত অমা ওইরিবা এন.ই.আর. দিস্ত্রিক এস.দি.জি. ইন্দেক্স অমসুং দাশবোর্দ অসি অৱাং-নোংপোক লমদমদা অখন্ননা মীৎয়েং চংবা লৈবাক অসিদা মখল অসিগী ইহান হানবনি৷ ময়েক শেংনা হায়রবদা, মসি লৈবাক্কী দিবেলপমেন্ত কর্বতা য়াম্না মরু ওই৷ অৱাং-নোংপোক্কী রাজ্য নিপানদা লৈরিবা জিলাশিংগী পর্ফোমেন্স অদু ইন্দেক্স অসিনা ওল্লি অমদি মসিনা দিস্ত্রিক লেবেল প্রোগ্রেস ওনবদা, বাইতেল গেপশিং পুথোকপদা অমদি চান্নবা রিসোর্স এলোকেসন তৌবদা মতেং পাংনবগী পোতেন্সিয়েল চাওনা লৈরিবা অখন্নবা পোলিসী তুল অমনি৷

নখোয়না খঙলিবা অদুমক ঙাই, কেন্দ্র সরকার অমদি অসাম সরকার অনিমক্না অৱাং-নোংপোক লমদমদা বাইব্রেন্ত ইকোসিস্তেম অমা শেমগৎতুনা ওল্তরপ্রিনরশিপ য়োকখৎনবা ইনিসিয়েতিব কয়া অমা হৌদোকখ্রে অমদি চৎনহনখ্রে৷ মসিগী চাওখৎ  খোঙথাংশিং অসিনা অসাম অমদি অতোপ্পা অৱাং-নোংপোক রাজ্যশিং,অরুনাচল প্রদেশ, মনিপুর, মেঘালয়, নাগালেন্দ, মিজোরাম, সিক্কিম অমদি ত্রিপুরাবু তুংদা হেন্না মতোম লোম্না চাওখৎহনবদা মতেং পাংলগনি হায়না ঐনা থাজৈ৷

ময়াম্বু অমুক্কা হন্না থাগৎচরি৷

জয় হিন্দ!”

******

(রিলিজ আই.দি.: 1760676) ভিজিতর কাউন্তর : 217