ਯੁਵਾ ਮਾਮਲੇ ਤੇ ਖੇਡ ਮੰਤਰਾਲਾ
ਕੇਂਦਰੀ ਖੇਡ ਮੰਤਰੀ ਸ਼੍ਰੀ ਅਨੁਰਾਗ ਠਾਕੁਰ ਨੇ ਜੈੱਡਪੀਈਓ, ਖੇਡ ਦੇ ਮੈਦਾਨ ਦਾ ਨੀਂਹ ਪੱਥਰ ਰੱਖਿਆ; ਪੀਐੱਮਜੀਐੱਸਵਾਈ ਸੜਕ ਦਾ ਉਦਘਾਟਨ ਕੀਤਾ
Posted On:
26 SEP 2021 8:04PM by PIB Chandigarh
ਪ੍ਰਮੁੱਖ ਆਕਰਸ਼ਣ :
ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਅਤੇ ਯੁਵਾ ਮਾਮਲੇ ਅਤੇ ਖੇਡ ਮੰਤਰੀ, ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਅੱਜ ਕਿਚਪੋਰਾ ਕੰਗਨ ਵਿੱਚ ਜੈੱਡਪੀਈਓ ਅਤੇ ਖੇਤਰੀ ਖੇਡ ਮੈਦਾਨ ਦਾ ਨੀਂਹ ਪੱਥਰ ਰੱਖਿਆ ਅਤੇ ਪੀਐੱਮਜੀਐੱਸਵਾਈ ਸੜਕ ਦਾ ਉਦਘਾਟਨ ਕੀਤਾ ।
ਸ਼੍ਰੀ ਠਾਕੁਰ ਨੇ ਕਿਚਪੋਰਾ ਕੰਗਨ ਦਾ ਦੌਰਾ ਕੀਤਾ ਜਿੱਥੇ ਉਨ੍ਹਾਂ ਨੇ 1.14 ਕਰੋੜ ਰੁਪਏ ਦੀ ਲਾਗਤ ਨਾਲ ਬਨਣ ਵਾਲੇ ਖੇਤਰੀ ਸਰੀਰਕ ਸਿੱਖਿਆ ਦਫ਼ਤਰ ( ਜੈੱਡਪੀਈਓ) ਅਤੇ ਖੇਤਰੀ ਪੱਧਰ ਦੇ ਖੇਡ ਦੇ ਮੈਦਾਨ ਦੇ ਵਿਕਾਸ ਦਾ ਨੀਂਹ ਪੱਥਰ ਰੱਖਿਆ।
ਇੱਕ ਜਨ ਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਕਿਹਾ ਕਿ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਤੇ ਕਸ਼ਮੀਰ ਵਿੱਚ ਪ੍ਰਤਿਭਾਵਾਂ ਦੀ ਕੋਈ ਕਮੀ ਨਹੀਂ ਹੈ , ਲੇਕਿਨ ਉਨ੍ਹਾਂ ਪ੍ਰਤਿਭਾਵਾਂ ਨੂੰ ਸਹੀ ਦਿਸ਼ਾ ਪ੍ਰਦਾਨ ਕਰਨ ਦੀ ਜ਼ਰੂਰਤ ਹੈ । ਉਨ੍ਹਾਂ ਨੇ ਕਿਹਾ ਕਿ ਜੰਮੂ ਤੇ ਕਸ਼ਮੀਰ ਦੇ ਯੁਵਾਵਾਂ ਨੂੰ ਸਹੂਲਤਾਂ ਦੀ ਜ਼ਰੂਰਤ ਹੈ ਅਤੇ ਕੇਂਦਰ ਸਰਕਾਰ ਇਸ ਖੇਤਰ ਵਿੱਚ ਪ੍ਰਤਿਭਾ ਦਾ ਵਿਕਾਸ ਕਰਨਾ ਸੁਨਿਸ਼ਚਿਤ ਕਰੇਗੀ ।
ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਸਰਕਾਰ, ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਖੇਡ ਢਾਂਚੇ ਅਤੇ ਸਹੂਲਤਾਂ ਨੂੰ ਹੋਰ ਮਜ਼ਬੂਤ ਕਰਨ ਲਈ ਪ੍ਰਤਿਬੱਧ ਹੈ । ਜਿਸ ਦੇ ਨਾਲ ਕਿ ਅਧਿਕ ਤੋਂ ਅਧਿਕ ਨੌਜਵਾਨ ਖੇਡਾਂ ਵਿੱਚ ਸ਼ਾਮਿਲ ਹੋਣ ਅਤੇ ਕਈ ਪੱਧਰਾਂ ‘ਤੇ ਜੰਮੂ ਤੇ ਕਸ਼ਮੀਰ ਦਾ ਪ੍ਰਤੀਨਿਧੀਤਵ ਕਰਨ ।
ਉਨ੍ਹਾਂ ਨੇ ਕਿਹਾ ਕਿ ਇਸ ਦਿਸ਼ਾ ਵਿੱਚ ਕੰਮ ਕਰਨ ਲਈ ਕੇਂਦਰ ਸਰਕਾਰ ਨੇ ਖੇਡ ਦੇ ਮੈਦਾਨਾਂ ਅਤੇ ਇਨਡੋਰ ਸਟੇਡੀਅਮਾਂ ਦੇ ਵਿਕਾਸ ਲਈ ਪੀਐੱਮ ਵਿਕਾਸ ਯੋਜਨਾ ਦੇ ਤਹਿਤ 200 ਕਰੋੜ ਰੁਪਏ ਦੀ ਰਾਸ਼ੀ ਨਿਰਧਾਰਿਤ ਕੀਤੀ ਹੈ । ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਜੰਮੂ ਤੇ ਕਸ਼ਮੀਰ ਵਿੱਚ ਸਿੰਥੇਟਿਕ ਟਰਫ , ਹਾਕੀ ਅਤੇ ਫੁੱਟਬਾਲ ਮੈਦਾਨ ਤਿਆਰ ਕਰਨ ਲਈ 33 ਕਰੋੜ ਰੁਪਏ ਦੀ ਅਤਿਰਿਕਤ ਰਾਸ਼ੀ ਮਨਜੂਰ ਕੀਤੀ ਗਈ ਹੈ ।
ਉਨ੍ਹਾਂ ਨੇ, ਇਸ ਦੌਰਾਨ ਮੌਜੂਦ ਲੋਕਾਂ ਨੂੰ 01 ਅਕਤੂਬਰ , 2021 ਤੋਂ ਸ਼ੁਰੂ ਹੋਣ ਵਾਲੇ "ਸਵੱਛ ਭਾਰਤ ਮਿਸ਼ਨ" ਵਿੱਚ ਭਾਗ ਲੈਣ ਦੀ ਅਪੀਲ ਕੀਤੀ ।
ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਤੇ ਕਸ਼ਮੀਰ ਵਿੱਚ ਇਸ ਮੈਗਾ ਆਉਟਰੀਚ ਪ੍ਰੋਗਰਾਮ ਦੇ ਆਯੋਜਨ ਦੇ ਲਈ ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਦਾ ਸੁਆਗਤ ਕਰਦੇ ਹੋਏ , ਉਪ ਰਾਜਪਾਲ ਦੇ ਸਲਾਹਕਾਰ, ਫਾਰੂਕ ਅਹਿਮਦ ਖਾਨ ਨੇ , ਕੇਂਦਰ ਸਰਕਾਰ ਦੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ । ਉਨ੍ਹਾਂ ਨੇ ਉਮੀਦ ਜਤਾਈ ਕਿ ਕੇਂਦਰੀ ਮੰਤਰੀ ਦੇ ਇਸ ਦੌਰੇ ਨਾਲ ਖੇਤਰ ਵਿੱਚ ਖੇਡ ਗਤੀਵਿਧੀਆਂ ਨੂੰ ਗਤੀ ਮਿਲੇਗੀ ।
ਇਸ ਮੌਕੇ ‘ਤੇ ਡਿਪਟੀ ਕਮਿਸ਼ਨਰ ਗਾਂਦਰਬਲ ਕ੍ਰਤਿਕਾ ਜਯੋਤਸਨਾ, ਡਾਇਰੈਕਟਰ ਯੁਵਾ ਸੇਵਾ ਅਤੇ ਖੇਡ , ਐੱਸਐੱਸਪੀ ਗਾਂਦਰਬਲ ਸਹਿਤ ਵਿਭਾਗ ਦੇ ਹੋਰ ਅਧਿਕਾਰੀ ਵੀ ਮੌਜੂਦ ਸਨ
ਬਾਅਦ ਵਿੱਚ, ਸ਼੍ਰੀ ਠਾਕੁਰ ਨੇ ਕਿਚਪੋਰਾ ਕੰਗਨ ਦੇ ਆਯੋਜਿਤ ਇੱਕ ਰੰਗਾਰੰਗ ਸਮਾਰੋਹ ਦੇ ਦੌਰਾਨ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ , ਯਾਦਗਾਰੀ ਚਿੰਨ੍ਹ ਅਤੇ ਖੇਡ ਕਿੱਟਾਂ ਵੰਡੀਆਂ ।
ਇਸ ਮੌਕੇ ‘ਤੇ , ਉਨ੍ਹਾਂ ਨੇ ਸੱਭਿਆਚਾਰਕ ਪ੍ਰੋਗਰਾਮਾਂ ਅਤੇ ਮਾਰਸ਼ਲ ਆਰਟ , ਰੱਸਾਕਸ਼ੀ , ਕਬੱਡੀ ਅਤੇ ਵਾਲੀਬਾਲ ਵਿੱਚ ਕਈ ਖੇਡ ਮੁਕਾਬਲੇ ਦੇ ਡੇਮੋ ਦਾ ਵੀ ਅਵਲੋਕਨ ਕੀਤਾ ।
ਸ਼੍ਰੀ ਠਾਕੁਰ ਨੇ ਵਿਦਿਆਰਥੀਆਂ ਦੇ ਨਾਲ ਵੀ ਆਪਸੀ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਨੂੰ ਖੇਡ ਗਤੀਵਿਧੀਆਂ ਵਿੱਚ ਸਰਗਰਮੀ ਨਾਲ ਭਾਗ ਲੈਣ ਦੀ ਤਾਕੀਦ ਕੀਤੀ ਅਤੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਮੁਕਾਬਲੇ ਵਿੱਚ ਆਪਣੀ ਯੋਗਤਾ ਸਾਬਿਤ ਕਰ ਜੰਮੂ ਤੇ ਕਸ਼ਮੀਰ ਦਾ ਨਾਮ ਰੋਸ਼ਨ ਕਰਨ ਨੂੰ ਕਿਹਾ ।
ਸ਼੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਕੰਗਨ ਦਾ ਵੀ ਦੌਰਾ ਕੀਤਾ ਜਿੱਥੇ ਉਨ੍ਹਾਂ ਨੇ ਬੋਨੀਬਾਗ ਕੰਗਨ ਵਿੱਚ 136.67 ਲੱਖ ਰੁਪਏ ਦੀ ਲਾਗਤ ਨਾਲ ਨਿਰਮਿਤ 1.5 ਕਿਲੋਮੀਟਰ ਪੀਐੱਮਜੀਐੱਸਵਾਈ ਸੜਕ ਦਾ ਉਦਘਾਟਨ ਕੀਤਾ ਜੋ ਬੋਨੀਬਾਗ ਬਾਲਾ ਬਸਤੀ ਨੂੰ ਰਾਜ ਮਾਰਗ ਨਾਲ ਜੋੜਦੀ ਹੈ ।
ਪਿੰਡ ਦੇ ਲੋਕਾਂ ਨੂੰ ਇਹ ਸੜਕ ਸਮਰਪਿਤ ਕਰਦੇ ਹੋਏ ਸ਼੍ਰੀ ਠਾਕੁਰ ਨੇ ਮੌਜੂਦ ਸਰਪੰਚ, ਬੀਡੀਸੀ ਅਤੇ ਡੀਡੀਸੀ ਮੈਬਰਾਂ ਨੂੰ ਵਧਾਈ ਦਿੱਤੀ ਜਿਨ੍ਹਾਂ ਨੇ ਇੱਕ ਦਹਾਕੇ ਤੋਂ ਵੀ ਅਧਿਕ ਸਮੇਂ ਤੋਂ ਰੁਕੇ ਹੋਏ ਸੜਕ ਨਿਰਮਾਣ ਦੇ ਕੰਮਾਂ ਨੂੰ ਅੱਗੇ ਵਧਾਉਣ ਅਤੇ ਨਿਰਮਾਣ ਵਿੱਚ ਆਉਣ ਵਾਲੀਆਂ ਮੁਸ਼ਕਿਲਾਂ ਨੂੰ ਦੂਰ ਕਰਨ ਲਈ ਅਣਥੱਕ ਮਿਹਨਤ ਕੀਤੀ ।
ਇਸ ਵਿੱਚ , ਉਨ੍ਹਾਂ ਨੇ ਬੋਨੀਬਾਗ ਦੇ ਸਥਾਨਿਕ ਨਿਵਾਸੀਆਂ ਨਾਲ ਵੀ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਦੇ ਖੇਤਰ ਵਿੱਚ ਵਿਕਾਸ ਜ਼ਰੂਰਤਾਂ ਬਾਰੇ ਜਾਣਕਾਰੀ ਲਈ। ਸਥਾਨਿਕ ਨਿਵਾਸੀਆਂ ਨੇ ਇਸ ਖੇਤਰ ਦਾ ਦੌਰਾ ਕਰਨ ਅਤੇ ਸੜਕ ਦਾ ਉਦਘਾਟਨ ਕਰਨ ਲਈ ਸ਼੍ਰੀ ਠਾਕੁਰ ਨੂੰ ਵਧਾਈ ਦਿੱਤੀ । ਸਥਾਨਿਕ ਨਿਵਾਸੀ ਕਈ ਸਾਲਾਂ ਤੋਂ ਇਸ ਸੜਕ ਦੇ ਨਿਰਮਾਣ ਦੀ ਮੰਗ ਕਰ ਰਹੇ ਸਨ ।
*******
ਐੱਨਬੀ/ਓਏ
(Release ID: 1758599)
Visitor Counter : 149