দিবলপমেন্ত ওফ নোর্থ ইস্তর্ন রিজন (দি.ও.এন.ই.আর.), কলচর অমসুং তুরিজমগী কেন্দ্রগী মন্ত্রী শ্রী জি. কিশন রেদ্দীনা নুমিৎ নিনিগী ওফিসিএল খোঙচৎতা  অরুচল প্রদেশ অমসুং নাগালেন্দদা চৎখ্রে। অরুচল প্রদেশতা মহাক্কী খোঙচৎকী শরুক অমা ওইনা, কেন্দ্রগী মন্ত্রীনা চাউখৎ থৌরাংগী থবক কয়া অমা শঙ্গাখ্রে অমসুং জল শক্তিগী কেন্দ্রগী মন্ত্রী শ্রী শ্রী গজেন্দ্র সিংহ শেখৱাতসু মহাক্কা লোয়নখি। কেন্দ্র মন্ত্রীশিং অসিবু অরুনাচল প্রদেশকী মুখ্য মন্ত্রী শ্রী পেমা খান্দু জী, উপ মুখ্য মন্ত্রী চৌনা মৈন জী, এম. পি. তাপির গাও জী অমসুং অতৈ রাজ্যগী মন্ত্রীশিং অমসুং ওফিসিএলশিংনা ওকখি।

কেন্দ্রগী মন্ত্রী জি. কিশন রেদ্দী অমসুং শ্রী গজেন্দ্র সিংহ শেখৱাত জীনা অরুনাচল প্রদেশতা প্রসাদ স্কীমগী মখাদা “পর্শুরাম কুন্দগী চাউখৎ থৌরাং” গী প্রোজেক্তকীদমক উরেপ উয়ুং তমখ্রে। মহাক্না হায়খি, “অরুনাচল প্রদেশতা লৈরিবা পর্শুরাম কুন্দগী শঙ্গাবগীদমক মফম অসিদা লৈবা অসি য়াম্না নুঙাইবা ফাওজৈ। মসি ভারতকী য়াম্না শিংথানিঙাই ওইরবা পিলগ্রিমেজ সেন্তর অমনি। প্রসাদ স্কীমগী মখাদা লুপা কোতি ৩৭.৮৮ অমা কাইথদুনা খোঙথাং কয়া অমা হায়বদি হান্না লৈরিবা কুন্দগী চাউখৎ থৌরাং, তুরিস্ত ইনফোর্মেসন সেন্তর, অতৈদা মতমগা চুনরবা খুদোংচাবশিং অসি প্রোজেক্তকী শরুক অমা ওইনা লৌখৎলিবা অসি খঙবদা ঐহাক্না য়াম্না হরাওজৈ। রাজ্য অসিনা তশেংনা বাইকিং অমসু ইকো-তুরিজমগী মংলানগী পন্থুংফম অমা পীরি।    

কেন্দ্রগী মন্ত্রী অসিনা কিলোমিতর ৭০গী বাইক রাইদকী মিয়েং অমা পোস্ত তৌনবগী খুদোংচাবা লৌখি “#ArunachalPradeshকী তম্লবা তম্পাক, লংলবা চীং অমসুং অশুকপা উমং অসিগীদমক অরুনাচলনা মমিং লৈজরিবা অসিদা ফাওদুনা পর্শুরাম কুন্দদগী মারুৱা ফাওবা চৎকদবা কিলোমিতর ৭০গী বাইক রাইদকী গ্লিমসেস। মসিগী তোপ-তোপ্পা রাজ্য অসি মীপুম খুদিংমক্না চৎকদবা মফম অমনি!,” হায়না মহাক্না ত্বীত্তরদা মখা তাখি।     

ওফিসিএলশিংগা উনবদা মহাক্না হায় মদুদি “অস্থালক্সমী রাজ্যশিং অসি ইথনিক, সংস্কৃতী অমসুং লোল কয়াগী মফম অমসুনি। হায়রিবা অসি অৱাং-নোংপোক লমদমগী তুরিজমগী ওইথোকপা য়াবা উৎনবগী অমত্তা ঙাইরবা খুদোংচাবা অমনি। ঐখোয়না মরুওইনা কোবিদ-১৯ মনুং অসিদা লমকোইবশিংবু থাজবা পীবা অমা মথৌ তাই”।

কেন্দ্রগী মন্ত্রীবু জল শক্তিগী কেন্দ্রগী মন্ত্রী শ্রী গজেন্দ্র সিংহ শেখৱাতনা অরুনাচল প্রদেশতা জল জীবন মিসনগী মখাদা ঈশিংগী প্রোজেক্ত কয়া অমা হৌদোক্নবা য়াওখি। প্রোজেক্ত অসিদা চহি ৩০গী মমাংদগী চুম্থোক্লবা থক্ননবা ঈশিং এল.পি.সি.দি. ৭০গা লোয়ননা, অমত্তা ঙাইরবা লেমজনিঙাই ওইরবা অরুনাচল প্রদেশকী দিস্ত্রীক্ত ওইরিবা নামসাই দিস্ত্রীক্তকী চোংখাম ব্লোক্কী মখাদা লৈরিবা মফম ১০দা অফবা থক্নবা ঈশিং ফংহন্নবগী পান্দমদা ইন্তিগ্রেতেৎ দ্রিংকিং ৱাতর প্রোজেক্ত য়াওরি। মসিদা লুপা কোতি ৩২.৪৯গী কেপিতেল কোস্ত ওইরি। মসিগী মথক্তা মন্ত্রীশিংনা খুঙ্গং ৪২ অমসুং মফম ৪৫ অসিদা য়ুম পুন্না ৩৭৯৩, স্কুল মশিং ৪৪ অমসুং আঙ্গনৱাদী সেন্তর মশিং ১০৩, মসিদা ধর্ম্মগী মফমশিং, কম্ম্যুনিতী হোল অমসুং অতৈ ইন্সতিত্যুসন য়াওনা ফন্সনেল হাউসহোল্দ তেপ কন্নেক্সন (এফ.ঐচ.তি.সি.)গী চংশিল্লিবা থবকশিংসু য়েংশিনখি।  মন্ত্রীনা অরুনাচল প্রদেশকী মুখ্য মন্ত্রী শ্রী পেমা খন্দুবু ১০০% ঈশিং ফংহনখিবা য়াম্না ইচং থৌবা লুচিংবা অমা ওইনা হোৎনরিবা অসিদা থাগৎপা ফোংদোকখি অমসুং হায়খি “ঐহাক্না অরুনাচল প্রদেশ রাজ্যগী চাউখৎ থৌরাং অমসুং নুঙাই য়াইফনবা চোকথবা লৈতনা হোৎনরিবা রিফোর্মিস্ত, ইনোবেতিব অমসুং য়াম্না খুমাং চাউশিনবা লুচিংবা রাজ্য অসিগী মুখ্য মন্ত্রীবু হরাওবা ফোংদোকচরি। ঐখোয়গী প্রধান মন্ত্রী শ্রী নরেন্দ্র মোদীগী মংলান খুঙ্গং খুদিং অমসুং য়ুমথোং খুদিং অফবা ঈশিং ফংহনবা অসি অরুনাচল সরকারনা থুংহল্লি”। হায়রিবা অসি লুপা কোতি ৬৭.৭৮কী শেনফম্না ফংবা ঙমখিবনি।

অরুনাচল প্রদেশতা মহাক্কী ওফিসিএল ওইবা খোঙচৎকী অনিশুবা নুমিৎতা, কেন্দ্রগী মন্ত্রী জি. কিশন রেদ্দীনা নমসাইগী দিস্ত্রীক্ত হোস্পিতালগী হৌজিক চংশিল্লিবা চাউখৎ থৌরাংগী থবকশিং য়েংশিনখি। মহাক্কা লোয়ননা শ্রী গজেন্দ্র সিংহ শেখৱাত অমসুং পেমা খন্দু জী য়াওখি। জি. কিশন রেদ্দীনা হায়খি “নরেন্দ্র মোদীগী সরকারনা মফম অসিদা অফবা অমসুং অহোংবা হেলথ ইনফ্রাস্ত্রকচর পীনবা ৱাফম থম্লি। ঐহাক্না মসি ফোংদোকপদা হরাওবা ফাওজৈ মদুদি দি.ও.এন.ই.আর. মিনিস্ত্রীনা লায়চৎ লান্থেংননবগীদমক দিস্ত্রীক্ত হোস্পিতালগী মচাকশিং লৈননবা নোর্থ ইস্ত স্পেসিএল ইনফ্রাস্ত্রকচর দিবলপমেন্ত স্কীম (এন.ই.এস.আই.দি.এস.)কী মখাদা প্রোজেক্ত অমা কাইথখি। নমসাই দিস্ত্রীক্তকীদমক ওক্সীজেন জেনেরেতিং প্লান, এম্বুলেন্স, সি.তি.স্কেন অসিনচিংবগীদমক লুপা কোতি ৫.৬ কাইথখ্রে। ঙসিদি ঐখোয়না ভেক্সিন দোজ কোতি ৮০ হেন্না কাপথোকখ্রে অমসুং অরুনাচল প্রদেশতনা দোজ লাখ ১১ হেন্না কাপখ্রে। লায়চৎ অসিনা হেক হৌরকপদগী চোকথবা লৈতনা হোৎনরিবা হেলথ ৱার্করশিংবু থাগৎপা ফোংদোকপা পামজৈ”।    

জি. কিশন রেদ্দী অমসুং শ্রী গজেন্দ্র সিংহ শেখৱাতনা অরুনাচল প্রদেশকী, নমসাইদা মল্তি পর্পজ কনফরেন্স হোলদা পাংথোকখিবা রাজ্যগী দিপুতী কম্মিসনরগা লোয়ননা সস্তেনেবল দিবলপমেন্ত গোলগী কনফরেন্সতা শরুক য়াখি অমসুং ৱা ঙাংখি। সেসন অসিদা ৱা ঙাংবদা মহাক্না হায় মদুদি, “সরকারগী স্কীমশিং অসিগী পান্দমশিং ফংনবা ঐখোয়না স্কীমশিং অসি মফম চানা হাপ্পা অমসুং পীথোকপা অমা মরু ওই হায়না ঐহাক্না লৌজৈ। হন্দক্তা ঐখোয়না দি.ও.এন.ই.আর.গী মিনিস্ত্রীদা অমসুং নিতি আয়োগতা য়ু.এন.দি.পি. ইন্দিয়াগা লোয়ননা খুৎশম্নদুনা এস.দি.জি. ইন্দেক্স অমসুং দাসবোর্দ হৌদোকখি। ইন্দেক্সশিং অসিনা অৱাং নোংপোক লমদমগী রাজ্য ৮দা মখোয়গী লেঙদবা চাউখৎ থৌরাংগী পন্থুং অমসুং মখোয়গী পান্দম অদুগী পর্ফোমেন্সশিং য়েংশিল্লি। “অস্থালক্সমী রাজ্যশিংনা  মাইকৈ খুদিংদা য়াম্না য়াংনা চংশিল্লি, ঐখোয়না মখোয়গা পুন্না থবক তৌমিন্নদুনা মফম অসিগী চাউখৎ থৌরাংগী এজেন্দাশিং অসি হেন্না লায়থোকহনবা মথৌ তাই” হায়না মহাক্না মখা তাখি।

***

(Release ID: 1758117) Visitor Counter : 132