ফুদ প্রোসেসিং ইন্দস্ত্রীজ মন্ত্রালয় অমসুং জল শক্তি মন্ত্রালয়গী কেন্দ্রগী রাজ্য মন্ত্রী শ্রী প্রহলাদ সিংহ পতেলনা ঙসি মেঘালয়গী শিল্লোংদা ফুদ প্রোসেসিংগী খুদোংচাবশিংগী মতাংদা নুমিৎ-নিনিগী নোর্থ ইস্ত সম্মিত অমা হৌদোকখ্রে।

শ্রী পতেলনা ঙসি ফুদ প্রোসেসিং সেক্তরদা ইনক্লুসিব গ্রোথ লৈহন্নবগীদমক্তা পার্তনরশিপ শেমগৎনবা পান্দমগা লোয়ননা ইন্দিয়ন ইন্সতিত্যুত ওফ মেনেজমেন্ত (আই.আই.এম.) শিল্লোংদা সম্মিত অসি হৌনবী মতুং ইন্না হৌদোকখি।

কেন্দ্র মন্ত্রীনা হায়খি, “অফবা অহৌবা অমা হায়বা অসি পাঙথোক্কদবা থবক্কী শরুক তঙ্খাই অমা লোইরবনি হায়না হায়নবা লৈ। পি.এম. মোদীগী ভিজন অসি ‘নোত লুক ইস্ত, বত এক্ত ইস্ত’ অসিনা ওইখি। ঙসি ঐহাক্না মেঘালয়দগী মোতো অসি হৌরি অমসুং রাজ্য অসিদা চাউখৎপগী লম্বেলদা লাকপা য়াবা অচৌবা লম্বীশিং লৈরি হায়বা ঐহাক্না খঙবা ঙমখি”।

শ্রী পতেলনা হায়খি মাইপাকপগী য়ুম্ফম অসি মরু ওইবা ফেক্তর অহুমনা ওইরি – ইনফোর্মেসন, কনেক্তিবিতী অমসুং কম্ম্যুনিকেসন অমসুং ফুদ প্রোসেসিং সেক্তরনা হায়রিবা ফেক্তর অহুম অসিগী মখা পোল্লি। কান্নবা ফংদুনা মাইপাকপা ভেঞ্চর অমা ফংবা ঙমগদবা মফম অমদা প্রদক্ত অমা করম্না পুথোকই হায়বগী খুদম মহাক্না পীখি অমসুং মখা তারদুনা হায়খি ইন্দস্ত্রী মশামক্তা থবক পীনবগী শক্তি চেল্লি অমসুং ওর্গনাইজেসন, রাজ্য অমদি লৈবাক পুম্বদা শেন্দোং ফংহনবদসু মতেং পীগনি।

 “ভারত সরকারনা প্রদক্তশিং য়েন্থোকপদা মতেং পাংনবা স্কীমশিং পুথোকখি” হায়না ফোঙদোক্লদুনা প্রোসেসিং তৌরিঙৈদা থেংনবা সমস্যাশিং নত্ত্রগা শীংনবশিং ময়েক শেংনা ফোঙদোকপা ঙম্বা হায়বা অসি খক্তা মরু ওই হায়না মখা তাখি। “ঐখোয়না সমস্যাশিং অদু নীংথিনা খন্নবা মথৌ তাই অমসুং অদুতদা ঐখোয়না মাইপাকপা ঙমগনি। খন্ন-নৈনবনা মাইপাকপগী লম্বী য়াৎলি। ঐখোয়দা শীংনবা অমা হেক্তা মায়োক্নবা ঙমগদবা খন্থবগী শক্তি অমসুং থৌনা লৈ,” হায়না আই.আই.এম. শিল্লোংদা পাঙথোকপা মীতিন অদুদা ৱা ঙাংবদা শ্রী পতেলনা ফোঙদোকখি।

হৌদোকপগী থৌরম অদুদা ৱা ঙাংবদা কেন্দ্রগী মন্ত্রীনা আই.আই.এম. শিল্লোংদা অরোইবা ৱা ঙাংখিবা লৈখিদ্রবা হান্নগী রাস্ত্রপতি লৈখিদ্রবা দা. এ.পি.জে. অবদুল কলামদা ইকাই খুম্নবা উৎখি।

আই.আই.এম. শিল্লোংগী বোর্দ ওফ গভর্নর্সকী মেম্বর, অতুল কুলকর্নিনা হায়খি মদুদি অৱাং-নোংপোক্তা এম.এস.এম.ই.গী মখাদা রেজিস্তর তৌবা য়ুনি ৬০,০০০ খক্তা লৈ, মসি লৈবাক অসিগী অপুনবা রেজিস্তর য়ুনিতকী চাদা ০.৭ খক্তা ওইরি। মহাক্না মীয়ামগী মরক্তা সরকারগী স্কীমশিংগী মতাংদা এৱের্নেস ৱাৎপগী মতাংদা ফোঙদোকখি।

রিজন অসিদা ওন্তপ্রিনোরশিংনা মায়েক্নরিবা শীংনবা খরগী মতাংদা ফোঙদোক্লদুনা মহাক্না হায়খি ইন্সতিত্যুস্নেল সপ্পোর্ত ৱাৎপা অমসুং আর এন্দ দি মরাং কাইদবা হায়রিবা অসি মন্ত্রালয়না কোকহনবা য়াগনি। শীংনবশিং অসিগী মরক্তা ইনফ্রাস্ত্রকচর ফত্তবা অমসুং ফাইনান্সিএল সপ্পোর্ত ৱাৎপা অসিনা রিজন অসিদা পোতেন্সিএল লৈজরবসু মসি শোত্থনা লৈহল্লি হায়না কুলকর্নিনা ফোঙদোকখি। মহাক্না মখা তারদুনা হায়খি মদুদি এন.ই. রিজনদা ওন্তপ্রিনোরিএল কম্পিতেন্স লৈবগী অফবা খুদম অমনি অমসুং লৌমীশিংদা শেন্থোক হেনগৎহন্নবা অমদি থবক্কী খুদোংচাবশিং পীনবা কেপিতেলাইজ তৌবা য়াগনি।

থৌরম অদুগী মনুংদা, রিজন অসিগী তোঙান-তোঙানবা শরুকশিংদগী অরুনাচল প্রদেশ তা বেজ তৌবা মমিং লৈরবা ৱাইন ব্রেৱর, তাগে রিতা অমসুং মনিপুরগী মৈরা ফুদসকী প্রোপ্রাইতর, শুব্রা দেবি য়াওনা মাইপাক্লবা ওন্তপ্রিনোরশিংনা মখোয়না হোৎনখিবশিং অমসুং মখোয়গী খোঙচৎতা থেংনবা শীংনবশিংগী মতাংদা ফোঙদোকখি।

আই.আই.এম. শিল্লোংগী দিরেক্তর, প্রোফেসর দি.পি. গোয়ল, নোর্ট ইস্ত কাউন্সিলগী মেম্বরশিং, খাদি গ্রাম উদ্যোক, এক্সপর্তশিং, ওন্তপ্রিনোরশিং অমসুং খুন্নাইগী তোঙান-তোঙানবা শরুকশিংদগী দিগ্নিতরীশিংসু ঙসিগী থৌরম অদুদা শরুক য়াখি।

নুমিৎ নিনিগী সম্মিত অসিদা তোঙান-তোঙানবা লমশিংগী এক্সপর্তশিংনা তেক্নিকেল সেসন মশিং কয়া পাঙথোক্নবা শেম শাদুনা লৈরি। সম্মিত অসিনা রিজন অসিদা ফুদ প্রোসেসিং সেক্তরদা ইনক্লুসিব গ্রোথ লৈনবগী পার্নরশিপ শেমগৎনবা পান্দম থমখি।

*****

(Release ID: 1757859) Visitor Counter : 161