“ত্রাইবেলশিংগী পুন্সি মরেল ফগৎহন্নবগীদমক অমসুং অসামদা এন্তরপ্রাইজেস য়োকখৎননবগীদমক ভান ধান অসি গেম চেঞ্জর অমা ওইবা য়াই অদুগা একলব্য বিদ্যলয়াসনা ত্রাইবেলগী অঙাংশিংদা য়ুনিফোর্ম ওইবা অমসুং ক্বালিতী ৱাংবা এজুকেসন ফংহল্লগনি”,হায়না ২০২১গী সেপ্তেম্বর ১২দা গুৱাহতিগী স্তেত গেস্ত হাউসতা ত্রাইবেল এফিয়র্স মন্ত্রী, শ্রী আর্জুন মুন্দানা ফোংদোকখি৷

অসামদা লাকখিবা নুমিৎ নিনিগী খোংচৎ অমদা অসামগী মুখ্য মন্ত্রী, শ্রী হিমন্ত বিস্বা শর্মগা উননবা শ্রী মুন্দা মফম অদুদা লাকখি৷ মুখ্য মন্ত্রী অদুগা উনখিবগী মরু ওইবা মরম অদুদি রাজ্য অদুদা চৎনরিবা ত্রাইবেল দিবেলপমেন্ত প্রোগ্রামশিং(এম.এফ.পি., ভি.দি.এস.ঐচ.জি.শিং অমসুং তি.আর.আই.এফ.ও.ও.দি.শিং)গী স্তেতস অদু য়েংশিনবা অমসুং খঙদোকপা অসিনি৷ মীফম অদুদা মন্ত্রীশিং, অসাম সরকারগী প্রিন্সিপাল সেক্রেতরী, ত্রিফেদকী মেনেজিং দাইরেক্তর, শ্রী প্রভির কৃষ্ণ অমসুং অতোপ্পা ত্রিফেদ ওফিসিয়েলশিংসু শরুক য়াখি৷

মীফম অদুদা, ত্রাইবেলশিংগী পুন্সি মহিং ফগৎননবগীদমক সরকার অসিনা পাংথোকখিবা প্রোগ্রামশিং খুদম ওইনা হায়রবদা মাইনর ফোরেস্ত প্রদ্যুসকীদমক মিনিমম সপোর্ত প্রাইজ(এম.এফ.পি.গীদমক এম.এস.পি.), ভান ধান য়োজনা, ত্রাইবেলশিংগী ই.এস.দি.পি. ত্রেনিংগা মরী লৈননা অসাম সরকারনা ফংখিবা প্রোগ্রেস অদু শ্রী আর্জুন মুন্দানা য়েংশিনখি৷ ওগস্তকী অঙনবা শরুক্তা, মখাতানা চংশিনগদবা লম্বীশিংগী খোঙথাং অদু খঙদোক্নবা অমসুং রাজ্য অদুদা ত্রাইবেলশিংগী দিবেলপমেন্ত হেন্না পাংথোক্ননবগী প্লানশিং অদু য়াৎথোক্নবা অসামগী মুখ্য মন্ত্রীনা ন্যু দিল্লিদা ত্রিফেদকী তীমগা উনখ্রে৷ ত্রাইবেল দিবেলমেন্তবু মথংদা লেবেল অদুদা পুরক্কদবা হায়রিবা ফ্যুচর প্লানশিং অদুসু মীফম অসিদা উৎখি অমসুং খন্ন-নৈনখি৷

মহাক্কী নুমিৎ নিনিগী খোঙচৎ অদুদা, শ্রী মুন্দাগা লোইননা ত্রিফেদকী মেনেজিং দাইরেক্তর, শ্রী প্রভির কৃ্ষ্ণ অমসুং মন্ত্রালয় অমসুং ত্রিফেদকী অতোপ্পা সেনিয়র ওফিসিয়েলশিংসু লোইনরকখি৷ মুখ্য মন্ত্রী অদুগা মীফম পাংথোক্লবা মতুংদা, মন্ত্রী অসিনা এন.ই. রিজনেস সেন্তরগী লক্ষ্ণী বাই নেস্নেল ইন্সতিত্যুত ওফ ফিজিক্সতা পাংথোকখিবা বোইস ওফ নোর্থ ইস্ত জনজাতিয়া লিদর কনফরেন্সতা শরুক য়াখি৷

অৱাং-নোংপোক ভারত্তা লৈখিদুনা, অসামদা লৈরিবা ফোরেস্ত দ্বেল্লর ৩,৩০৮,৫৭০গা লোইননা ত্রাইবেলগী মীশিং অসি অপুনবা মীশিংগী ১২.৪%নি৷ হৌখিবা চহি অনি অসিদা রাজ্য অসিদা ‘মিনিমম সপোর্ত প্রাইসকী(এম.এস.পি.)খুৎথাংদা মাইনর ফোরেস্ত প্রদ্যুস মার্কেতিং তৌবগী মেকানিজম অমসুং এম.এফ.পি.গীদমক ভেল্যু চেন শেমগৎপা’ অসি বিকোন ওফ চেঞ্জ অমা ওইনা লাকখ্রে৷  লৈবাক অসিগী রাজ্য ২১দা লৈরিবা রাজ্য সরকারগী এজেন্সীশিংগা খুৎশম্নরগা ত্রিফেদনা কন্সেপ্তচুয়েলাইজ তৌখিদুনা অমসুং চৎনহনখিদুনা, স্কিম অসিনা ত্রাইবেল ইকোনোমীদা লুপা কোতি কয়া দাইরেক্লী ফংহন্দুনা ত্রাইবেল গেদররশিংগী ফিভম ফগৎহন্নবগী অচৌবা সোর্স অমা ওইনা থোকলকখ্রে৷ এম.এফ.পি. স্কিমগীদমক অসাম সরকারনা এম.এস.পি. শিজিন্নখ্রে অমসুং ভারত সরকারগী লুপা লাখ ৩৭.৩৯গী ফন্দ শিজিন্নদুনা লৌশিনখিবা অপুনবা মশিং অসি এম.তি. ৫৮.৫৬নি৷ ভান ধান স্কিমগী মখাদা, ভি.দি. এস.ঐচ. জি. পুন্না ১,৯২০ সেঙ্কসন তৌখিদুনা ভি.দি.ভি.কে. ক্লস্তরশিংদা হাপচিনখি৷ মসিনা ফোরেস্ত গেদরর ৩৭,৭৮৬তা হকথেংননা কান্নবা ফংহল্লগনি৷ হায়রিবা ভি.দি.ভি.কে.সি.শিং অসি ওপরেস্নেলাইজেসন তৌনবগী কাইথখিবা অপুনবা শেনফম অসি লুপা কোতি ১৯.২০নি৷

অনিশুবা নুমিৎকী ইতিনিররীদা য়াওরিবা অসি অসামগী রাজ্যপাল, শ্রী জগদিশ মুখিগা মীফম অমা পাংথোকপা অমসুং আই.আই.ই.না পাংথোক্লিবা ভান ধান ৱার্কশোপতা প্লান বিজিৎ অমা চৎতুনা মহাক্না স্কিম অসিগী বেনিফিসরীশিংগা ৱারি-ৱতায় শানবা অসিনি৷

ত্রাইবেল মীয়ামগী ইনকম হেনগৎহনবদা অমসুং মখোয়বু এম্পৱার তৌবদা য়াম্না থুনা ইম্পেক্ত ফংননবগীদমক গ্রাউন্দ লেবেলদা প্রোগ্রামশিংগী অসিগুম্বা রিভ্যু, মোনিতরিং অমসুং ইমপ্লিমেন্তেসন অসি প্লান তৌরিবনি৷

লৈবাক অসিদা লৈরিবা ত্রাইবেলশিংগী পুন্সিদা অমসুং মখোয়গী পুন্সি-মরেলদা মপুং ফানা অওনবা পুরক্নবা অমসুং অত্মনির্ভর ভারত অমদা প্রোগ্রেস লাকহনবা অসিনা খোঙচৎশিং অমসুং প্রোগ্রামশিং অসিগী পান্দম ওইরি৷

*****

(Release ID: 1755022) Visitor Counter : 137