14 ਸਤੰਬਰ 2021 ਨੂੰ “ਸਵਰਣਿਮ ਵਿਜੇ ਵਰਸ਼” ਜ਼ਸਨਾਂ ਦੇ ਹਿੱਸੇ ਵਜੋਂ ਫਲਾਇੰਗ ਅਫ਼ਸਰ ਨਿਰਮਲ ਜੀਤ ਸਿੰਘ ਸੇਖੋਂ ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ , ਈਸੇਵਾਲ , ਲੁਧਿਆਣਾ ਵਿੱਚ ਇੱਕ ਈਵੈਂਟ ਆਯੋਜਿਤ ਕੀਤੀ ਗਈ , ਜਿੱਥੇ ਪਰਮਵੀਰ ਚੱਕਰ (ਪੀ) ਸਵਰਗਵਾਸੀ ਫਲਾਇੰਗ ਅਫ਼ਸਰ ਨਿਰਮਲ ਜੀਤ ਸਿੰਘ ਸੇਖੋਂ ਦੇ ਬੁੱਤ ਤੋਂ ਭਾਰਤੀ ਹਵਾਈ ਸੈਨਾ ਪੱਛਮੀ ਹਵਾਈ ਕਮਾਂਡ ਦੇ ਏਅਰ ਅਫਸਰ ਕਮਾਂਡਿੰਗ ਇਨ ਚੀਫ ਏਅਰ ਮਾਰਸ਼ਲ ਬੀ ਕੇ ਕ੍ਰਿਸ਼ਨਾ , ਅਤਿ ਵਿਸਿ਼ਸ਼ਟ ਸੇਵਾ ਮੈਡਲ ਅਤੇ ਸ਼ੌਰਯਾ ਚੱਕਰ ਨੇ ਪਰਦਾ ਹਟਾਇਆ । ਫਲਾਇੰਗ ਅਫ਼ਸਰ ਨਿਰਮਲਜੀਤ ਸਿੰਘ ਸੇਖੋਂ ਨੂੰ 1971 ਦੇ ਹਿੰਦ—ਪਾਕਿ ਯੁੱਧ ਦੌਰਾਨ ਦੁਸ਼ਮਣ ਨੂੰ ਬੇਮਿਸਾਲ ਹੌਂਸਲੇ ਅਤੇ ਪੱਕੇ ਇਰਾਦੇ ਨਾਲ ਹਰਾਉਣ ਲਈ ਮਰਨ ਉਪਰੰਤ ਪਰਮਵੀਰ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ । ਉਹ ਭਾਰਤੀ ਹਵਾਈ ਸੈਨਾ ਦਾ ਕੇਵਲ ਇੱਕੋ ਅਧਿਕਾਰੀ ਹੈ ਜਿਸ ਨੂੰ ਦੇਸ਼ ਦੇ ਸਭ ਤੋਂ ਉੱਚੇ ਬਹਾਦਰੀ ਸਨਮਾਨ ਨਾਲ ਸਨਮਾਨਿਤ ਕੀਤਾ ਗਿਆ ਹੈ ।
ਏਅਰ ਅਫਸਰ ਕਮਾਂਡਿੰਗ ਇਨ ਚੀਫ ਨੇ 1971 ਦੇ ਵੈਟਰਨਸ ਅਤੇ ਸਵਰਗਵਾਸੀ ਫਲਾਇੰਗ ਅਫ਼ਸਰ ਨਿਰਮਲ ਜੀਤ ਸਿੰਘ ਸੇਖੋਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲਬਾਤ ਕੀਤੀ । ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ ਦੇ ਵਿਦਿਆਰਥੀਆਂ ਨੇ ਵੀ ਇਸ ਈਵੈਂਟ ਵੱਚ ਹਿੱਸਾ ਲਿਆ । ਇਸ ਈਵੈਂਟ ਦੀ ਸਮਾਪਤੀ ਸ਼ੌਰਿਯਾ ਕਿਰਨ ਐਰੋਬੈਟਿਕ ਟੀਮ ਦੁਆਰਾ ਹਵਾਈ ਪ੍ਰਦਰਸ਼ਨ ਦਿਖਾਉਣ ਨਾਲ ਹੋਈ । ਜਿਸ ਤੋਂ ਬਾਅਦ ਵੈਟਰਨਸ ਨੂੰ ਮੋਮੈਂਟੋਸ ਦਿੱਤੇ ਗਏ । ਭਾਰਤੀ ਹਵਾਈ ਸੈਨਾ ਬੈਂਡ ਵੀ ਇਸ ਮੌਕੇ ਹਾਜ਼ਰ ਸੀ , ਜਿਸ ਨੇ ਈਵੈਂਟ ਦੌਰਾਨ ਆਤਮਾ ਨੂੰ ਛੂਹ ਦੇਣ ਵਾਲੀਆਂ ਧੁਨਾਂ ਨਾਲ ਹਾਜ਼ਰੀ ਨੂੰ ਆਨੰਦਿਤ ਕੀਤਾ ।

 

 

 

*****************

ਏ ਬੀ ਬੀ / ਏ ਐੱਮ / ਜੇ ਪੀ

(Release ID: 1754919) Visitor Counter : 132