پی ایم سواندھی اسکیم کے تحت خوانچہ والوں کی ڈیجیٹل آن بورڈنگ کیلئے خصوصی مہم کے پائلٹ رن کا آغاز آج الیکٹرانکس آن اطلاعاتی ٹیکنالوجی کی وزارت کے سکریٹری جناب اجے پرکاش ساہنی اور مکانات اور شہری امور کے سکریٹری جناب درگا شنکر مشرا کے ذریعہ مشترکہ طور پر ایک ورچوئل تقریب میں کیا گیا ۔مہم کا آغاز آج وزیر اعظم جناب نریندر مودی کے ‘سب کا ساتھ سب کا وکاس’کے وژن کے مطابق کیا گیا۔

اس خصوصی مہم کامقصد یوپی آئی    کیو آر کوڈ کے بارے میں خوانچہ والوں تحریک دینے اور ڈیجیٹل ادائیگی کو قبول کرنے کی شروعات  کیلئے ان کی حوصلہ افزائی کرنا ہے۔اس سلسلے میں عوامی بہبود کیلئے  بھیم یوپی آئی کیو آر کوڈ کے سلسلے میں خوانچہ والوں کی ڈیجیٹلی اور بورڈنگ کیلئے 45 دن کی خصوصی مہم میں شرکت کیلئے پانچ کمپنیوں نے اتفاق کیاہے ،ان میں پے ٹی ایم ،فون پے ، بھارت پے،ایم سوائپ اور ایسے ویئر شامل ہیں۔

اس مہم کو ملک بھر میں 223 شہروں میں چلایا جائے گااور مختلف شہری ،مقامی اداروں کے تحت تقریباً 868184 خوانچہ والوں کو آن بورڈ کیا جائے گا۔ڈیجیٹل پیمنٹ والی کمپنیاں،ڈیجیٹل ادائیگی کے فائدوں مثلاً سہولت ،فنڈ س کی بلا روک ٹوک منتقلی ،مہارت میں اضافہ ،لاگت میں کمی ،شفافیت اور سکیورٹی کے بارے میں خوانچہ والوں کو واقف کرائیں گے،وہ ایک چھوٹے ٹرانزیکشن کے ذریعہ خوانچہ والوں کو ڈیجیٹل ادائیگی قبول کرنا سکھائیں گےاور ڈیجیٹل طریقہ سے ادائیگی قبول کرنے اور ادائیگی کرنے کیلئے متوقع مزید مدد بھی فراہم کرائیں گے۔

ڈیجیٹل لین دین میں ڈیجیٹل ادائیگی ٹرانزیکشن اور اسکیم کے تحت قرض کی ادائیگی سے متعلق ڈاٹا شامل ہیں ،اس سے خوانچہ والوں کی کریڈٹ پروفائلنگ میں مدد ملے گی، اس سے خوانچہ والے قرض کے رسمی ایکو سسٹم میں شامل ہوسکیں گے اور اس سے غیر منظم شعبہ کی مالیاتی شمولیت کو تحریک دینے میں مدد ملے گی۔

حالیہ برسوں میں ڈیجیٹل ادائیگی کے استعمال میں زبردست اضافہ دیکھا گیا ہے ۔کووڈ-19 کو روکنے کیلئے سماجی ڈسٹینسنگ کے مقصدکو پورا کرنے میں بھیم یوپی آئی روپے وغیرہ نے بغیر رابطہ والی ادائیگی میں اہم رول ادا کیا ہے۔ کووڈ-19 عالمی وبا نے ڈیجیٹل ادائیگی اختیار کرنے کیلئے شہریوں کے رویہ میں تبدیلی لانے کا کام کیا ہےجو کہ بھیم یوپی آئی ٹرانزیکشن میں زبردست اضافہ سے ظاہر ہوتی ہے۔اپریل 2020 میں ایسے ٹرانزیکشنز کی تعداد 99.95 کروڑ سے بڑھ کر اگست 2021 میں 355.55 کروڑ ہوگئی ۔کورونا وائرس سے پیدا شدہ بحران کے دوران ڈیجیٹل ادائیگی خصوصی طور پر بھیم یو پی آئی   کی ادائیگیوں میں کامرس اور کاروبار کو مدد فراہم کرتے ہوئے معیشت کو جاری رکھنے میں نمایاں رول ادا کیا ہے۔

 

 

 

 

************

 

ش ح ۔ ا گ ۔ م ش

U. No.8939

(Release ID: 1754474) Visitor Counter : 193