প্রধান মন্ত্রী শ্রী নরেন্দ্র মোদীনা চেয়র লৌবা কেন্দ্রগী মন্ত্রীমন্দলনা রসিয়ন ফেদরেসন লোগী মখাদা লেগেল এনতিতী ইনকোর্পোরেতেৎ অমা ওইরিবা জোইন্ত স্তোক কম্পনী রোজজিওলোজিয়া (স্তেত হোল্দিং কম্পনী) (আর.ও.এস.জি.ই.ও. দা রিফর তৌবা) অমসুং ভারত সরকারগী, মাইন মিনিস্ত্রীগী, জিওলোজিকেল সর্ভে ওফ ইন্দিয়া (জি.এস.আই.) অনিগী মরক্তা জিওসাইন্সকী লমদা মতেং পীননবা মেমোরেন্দম ওফ অন্দরস্তেন্দিংগী অয়াবা পীখ্রে।  

এম.ও.য়ু. অসিগী মরুওইবা পান্দমদি য়াম্না লুনা লৈবা অমসুং/নত্ত্রগা লোৎতুনা লৈরিবা মিনরেল থিজিনবা; এরো-জিওফিজিকেল দেতাগী এনালাইসিস অমসুং ৱা হন্দোকপা; পি.জি.ই. অমসুং আর.ই.ই. এক্সপ্লোরেসন অমসুং রিসর্স; ইন্দিয়ন জিওসাইন্স দেতা রেপোজিতরীগা লোয়ননা রসিয়নগী অহানবা ওইবা ইনফোর্মেসন তেক্নোলোজীগা খুৎশম্নদুনা চাউখৎমিন্নবা; দেতাগী চপ চানা ফংবা ঙম্নবা দ্রিল্লিং, সেমপ্লিং অমসুং লেবোরেতরী এনালাইসিসকী লমদা তেক্নোলোজী অমসুং লৌশিং পীনবা অমসুং মতিক চানা শিজিন্নবা; সাইন্তিফিক পর্সোনেলগী ত্রেনিং অমসুং কেপাসিতী বিল্দিং শেমগৎপা অসিনচিংবা অসিদা নাকন অনিগী ওইনা মতেং পীনবা অসিনি।   

আর.ও.এস.জি.ই.ও.অমসুং জি.এস.আই. অমসুং মখোয়গা মরী লৈনগী ওইথোকপা য়াবা লৈবনা, মসিগী এম.ও.য়ু. অসিনা মরুওইনা জিওসাইন্সকী লমদা আর.ও.এস.জি.ই.ও.অমসুং জি.এস.আই. অনিগী মতেংগী ফ্রেমৱার্ক্তা মরুওইনা কান্নবা লৈগনি।

বেকগ্রাউন্দ:

জোইন্ত স্তোক কম্পনী রোজজিওলোজিয়া (আর.ও.এস.জি.ই.ও.) অসি পোত্থোক নিংথিনা পুথোক্লবা অমসুং তেক্নিকেলি তৌবা ঙম্বা লৈবা, থবক পীবা ঙম্বগী থাক ৱাংনা লৈবা অমসুং জিওলোজিকেল ইনফোর্মেসনগী অখন্নবা মিয়েং লৈবা রসিয়ন ফেদেরেসনগী খ্বায়দগী চাউবা জিওলোজিকেল স্তেত হোল্দিং কম্পনী অমনি। কম্পনী অসিনা মফম কয়া অমদগী মিনরেলগী রিসোর্সশিং মখল কয়াদা জিওলোজিকেল প্রোস্পেক্তিং অমসুং এক্সপ্লোরেসনগী থবকশিং পাংথোকই।

২০২০দা ভারত্তা লাকখিবা আর.ও.এস.জি.ই.ও.গী দেলিগেসন অমনা মাইন মিনিস্ত্রী অমসুং জিওলোজিকেল সর্ভে ওফ ইন্দিয়া (জি.এস.আই.)গা লোয়ননা থবকশিং অসিগী মতেং পাংনবগী মরমদা খন্ন-নৈননবা নই দিল্লীদা মীফম অমা ফমখি।  মীফম অসিদা, জিওসাইন্সকী লমদা মতেং পীননবা আর.ও.এস.জি.ই.ও.অমসুং জি.এস.আই.গী মরক্তা এম.ও.য়ু. অমা সহি তৌননবগী ৱাফম পুথোক্নখি। লোয়ননা, জি.এস.আই.না রসিয়াগী লেঙ মান্নবা হায়বদি আর.ও.এস.জি.ই.ও.গা তান্নদুনা দ্রাফ অমা শেম্বা লোইশিনখি।

******