نئی دہلی 07 ستمبر2021:  قابل تجدید توانائی کی ترقی کی بھارتی ایجنسی  لمٹیڈ ( آئی آر ای ڈی اے ) نے آج قابل تجدید توانائی پروجیکٹوں کی ترقی میں اپنی تکنیکی مہارت فراہم کرنے اور فنڈ اکٹھا کرنے کے لئے  تمل ناڈو  جنریشن  اینڈ ڈسٹری بیوشن کارپوریشن لمٹیڈ (ٹی اے این جی ای ڈی سی او )کے ساتھ  ایک اقرار نامے پر دستخط  کئے ہیں۔

مفاہمت نامے پر دستخط  تمل ناڈو کے وزیر اعلیٰ جناب ایم کے اسٹالن اور  دیگر  شخصیات کی موجودگی میں  آئی آئی ای ڈی اے کے چیئر مین اور منیجنگ ڈائریکٹر  جناب پردیپ کمار داس  اور ٹی اے این  جی ای ڈی سی او کے سی این ڈی جناب راجیش  لکھونی نے  کئے ۔

مفاہمت نامے کے تحت آئی آر ای ڈی اے  قابل تجدید توانائی  پروجیکٹ کی ترقی  ،  نیلامی کے عمل کے بندوبست  اور  نفاذ   میں تعاون کے لئے  ٹی اے این  جی ای ڈی  سی او کو  اپنی تکنیکی مہارت فراہم کرے گا۔ آئی آر ای ڈی اے قرض اکٹھا کرنے میں  بھی ٹی اے این جی ای ڈی سی او کی مدد بھی کرے گا۔آئی آر  ای ڈ ی اے امکانی سرمایہ کاروں  کے درمیان  دلچسپی بڑھنے کے لئے پری مارکیٹ سروے اور روڈ شو  بھی اہتمام کرے گا۔

ٹی اے این جی ای ڈی سی او موثر قابل تجدیدانٹی گریشن کے لئے  3000 میگاواٹ  کے پمپ اسٹوریج  ہائیڈرو الیکٹرک  پروجیکٹ  مناسب بیٹری اسوریج اور  دو  ہزار میگاواٹ  کے  گیس  پر مبنی  پاور پلانٹ کے ساتھ  20 ہزار میگاواٹ کےشمسی  پاور پروجیکٹ کا منصوبہ بنارہا ہے ۔ مذکورہ  پروجیکٹوں کے لئے درکار قرض  تقریباََ  132500 کروڑروپے ہے۔  آئی آر ای ڈی اے  قابل تجدید توانائی سیکٹر کے سب سے بڑے لینڈر کی حیثیت سے  آر ای  پروجیکٹوں  کے لئے  مالی ضرورتوں  کو پورا کرنے میں  ایک اہم رول اداکرنے کے تئیں عہد بند ہے۔

*************

ش ح۔ح ا ۔رم

U-8736