ਰੇਲ ਮੰਤਰਾਲਾ

ਕਿਫਾਇਤੀ ਅਤੇ ਆਲੀਸ਼ਾਨ ਏਸੀ ਯਾਤਰਾ ਦਾ ਤਜਰਬਾ ਪੇਸ਼ ਕਰਨ ਲਈ, ਭਾਰਤੀ ਰੇਲਵੇ ਦੇ ਨਵੇਂ 3 ਏਸੀ ਇਕੌਨੋਮੀ ਕੋਚ ਨੇ ਅੱਜ ਟ੍ਰੇਨ ਨੰਬਰ 02403 ਪ੍ਰਯਾਗਰਾਜ - ਜੈਪੁਰ ਐਕਸਪ੍ਰੈਸ ਵਿੱਚ ਆਪਣੀਆਂ ਸੇਵਾਵਾਂ ਸ਼ੁਰੂ ਕੀਤੀਆਂ

Posted On: 06 SEP 2021 2:42PM by PIB Chandigarh

3 ਏਸੀ ਕੋਚ ਵਿੱਚ 72 ਬਰਥਾਂ ਦੇ ਮੁਕਾਬਲੇ ਨਵੇਂ 3ਏਸੀ ਇਕੌਨੋਮੀ ਕੋਚ ਵਿੱਚ 83 ਬਰਥਾਂ ਹਨ 

ਇਸ ਕੋਚ ਦਾ ਕਿਰਾਇਆ 3ਏਸੀ ਕੋਚ ਨਾਲੋਂ 8% ਘੱਟ ਹੈ

ਸ਼ੁਰੂ ਵਿੱਚ, 50 ਨਵੇਂ 3ਏਸੀ ਇਕੌਨੋਮੀ ਕੋਚ ਵੱਖ -ਵੱਖ ਜ਼ੋਨਾਂ ਵਿੱਚ ਸੇਵਾਵਾਂ ਦੇਣ ਲਈ ਤਿਆਰ ਹਨ

 ਭਾਰਤੀ ਰੇਲਵੇ ਹਮੇਸ਼ਾ ਬਿਹਤਰ ਯਾਤਰੀ ਅਨੁਕੂਲ ਵਿਸ਼ੇਸ਼ਤਾਵਾਂ ਵਾਲੇ ਕੋਚ ਵਿਕਸਤ ਕਰਕੇ ਆਪਣੇ ਯਾਤਰੀਆਂ ਦੀ ਸੁਵਿਧਾਜਨਕ ਯਾਤਰਾ ਲਈ ਵਚਨਬੱਧ ਰਹੀ ਹੈ। ਭਾਰਤੀ ਰੇਲਵੇ ਦੀ ਇਸ ਵਿਕਾਸ ਯਾਤਰਾ ਲਈ ਨਵਾਂ ਪ੍ਰਵੇਸ਼ ਕਰਨ ਵਾਲਾ ਏਸੀ ਥ੍ਰੀ ਟੀਅਰ ਇਕੌਨੋਮੀ ਕਲਾਸ ਕੋਚ ਹੈ। ਨਵੇਂ ਕੋਚ ਨੇ ਅੱਜ ਤੋਂ ਆਪਣੀਆਂ ਸੇਵਾਵਾਂ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।ਪਹਿਲੀ ਵਾਰ, ਕੋਚ ਨੂੰ ਟ੍ਰੇਨ ਨੰਬਰ 02403 ਪ੍ਰਯਾਗਰਾਜ - ਜੈਪੁਰ ਐਕਸਪ੍ਰੈਸ ਨਾਲ ਜੋੜਿਆ ਗਿਆ ਹੈ। ਨਵੇਂ ਏਸੀ ਇਕੌਨੋਮੀ ਕੋਚ ਵਿੱਚ 83 ਬਰਥਾਂ ਹਨ ਜਦੋਂ ਕਿ 3ਏਸੀ ਕੋਚ ਵਿੱਚ 72 ਬਰਥ ਹਨ। ਨਾਲ ਹੀ, ਇਸ ਕੋਚ ਦਾ ਕਿਰਾਇਆ 3AC ਕੋਚ ਨਾਲੋਂ 8% ਘੱਟ ਹੈ।

 ਛੇਤੀ ਹੀ, ਦੋ ਹੋਰ ਟ੍ਰੇਨਾਂ, ਟ੍ਰੇਨ ਨੰਬਰ 02429/02430 ਨਵੀਂ ਦਿੱਲੀ-ਲਖਨਊ ਏਸੀ ਸਪੈਸ਼ਲ ਅਤੇ ਟ੍ਰੇਨ ਨੰਬਰ 02229/02230 ਲਖਨਊ ਮੇਲ ਵਿੱਚ ਇਸ ਨਵੇਂ 3ਏਸੀ ਇਕੌਨੋਮੀ ਕੋਚ ਨੂੰ ਸ਼ੁਰੂ ਕੀਤਾ ਜਾਵੇਗਾ। ਸ਼ੁਰੂ ਵਿੱਚ, ਰੇਲ ਕੋਚ ਫੈਕਟਰੀ, ਕਪੂਥਲਾ ਦੁਆਰਾ ਨਿਰਮਿਤ 50 ਨਵੇਂ ਇਕੌਨੋਮੀ ਕੋਚ ਵੱਖ -ਵੱਖ ਜ਼ੋਨਾਂ ਵਿੱਚ ਮੇਲ/ਐਕਸਪ੍ਰੈਸ ਟ੍ਰੇਨਾਂ ਵਿੱਚ ਸੇਵਾਵਾਂ ਦੇਣ ਲਈ ਤਿਆਰ ਹਨ।

 ਕੋਚ ਵਿੱਚ ਦਿਵਯਾਂਗਜਨਾਂ ਲਈ ਵ੍ਹੀਲ ਚੇਅਰ ਜ਼ਰੀਏ ਦਾਖਲੇ ਅਤੇ ਅਨੁਕੂਲ ਟਾਇਲਟ ਦੀ ਵਿਵਸਥਾ ਕੀਤੀ ਗਈ ਹੈ, ਜੋ ਕਿ ਇੱਕ ਨਵੀਂ ਪਹਿਲ ਹੈ। ਯਾਤਰੀਆਂ ਦੇ ਆਰਾਮ ਨੂੰ ਬਿਹਤਰ ਬਣਾਉਣ ਲਈ ਡਿਜ਼ਾਈਨ ਵਿੱਚ ਕਈ ਸੁਧਾਰ ਵੀ ਕੀਤੇ ਗਏ ਹਨ। ਸਾਰੇ ਬਰਥਾਂ ਲਈ ਵੱਖ-ਵੱਖ ਵੈਂਟਸ ਪ੍ਰਦਾਨ ਕਰਕੇ ਏਸੀ ਡਕਟਿੰਗ ਦਾ ਨਵਾਂ ਸਵਰੂਪ ਬਣਾਇਆ ਗਿਆ ਹੈ। ਆਰਾਮ ਵਿੱਚ ਸੁਧਾਰ, ਕੋਚ ਦਾ ਭਾਰ ਘਟਾਉਣ ਅਤੇ ਰੱਖ-ਰਖਾਵ ਵਿੱਚ ਆਸਾਨੀ ਨੂੰ ਬਿਹਤਰ ਬਣਾਉਣ ਲਈ ਸੀਟਾਂ ਅਤੇ ਬਰਥਾਂ ਦਾ ਬਿਹਤਰ ਅਤੇ ਮੋਡਿਊਲਰ ਡਿਜ਼ਾਈਨ ਬਣਾਇਆ ਗਿਆ ਹੈ।

 ਲੰਬਕਾਰੀ ਅਤੇ ਟ੍ਰਾਂਸਵਰਸ ਬੇਅ, ਚੋਟ ਰਹਿਤ ਸਥਾਨਾਂ ਅਤੇ ਪਾਣੀ ਦੀਆਂ ਬੋਤਲਾਂ, ਮੋਬਾਈਲ ਫ਼ੋਨ ਦੋਵਾਂ ਵਿੱਚ ਫੋਲਡੇਬਲ ਸਨੈਕ ਟੇਬਲ ਦੇ ਰੂਪ ਵਿੱਚ ਬਿਹਤਰ ਯਾਤਰੀ ਆਰਾਮ ਨੂੰ ਸੁਨਿਸ਼ਚਿਤ ਕੀਤਾ  ਗਿਆ ਹੈ। ਹਰੇਕ ਬਰਥ ਲਈ ਵਿਅਕਤੀਗਤ ਰੀਡਿੰਗ ਲਾਈਟਾਂ ਅਤੇ ਯੂਐੱਸਬੀ ਚਾਰਜਿੰਗ ਪੁਆਇੰਟ ਦਿੱਤੇ ਗਏ ਹਨ। ਮੱਧ ਅਤੇ ਉਪਰਲੀ ਬਰਥ ਤੱਕ ਪਹੁੰਚਣ ਲਈ ਪੌੜੀ ਦਾ ਇੱਕ ਨਵਾਂ ਅਰਗੋਨੋਮੀਕਲੀ ਸੁਧਾਰਿਆ ਗਿਆ ਡਿਜ਼ਾਇਨ ਵੀ ਪ੍ਰਦਾਨ ਕੀਤਾ ਗਿਆ ਹੈ। ਮੱਧ ਅਤੇ ਉਪਰਲੀਆਂ ਬਰਥਾਂ ਵਿੱਚ ਹੈਡਰੂਮ ਵਿੱਚ ਵਿਸਤਾਰ ਕੀਤਾ ਗਿਆ ਹੈ।

 ਟਾਇਲਟ ਏਰੀਆ ਵਿੱਚ ਭਾਰਤੀ ਅਤੇ ਪੱਛਮੀ ਸ਼ੈਲੀ ਦੇ ਪਖਾਨਿਆਂ ਦੇ ਡਿਜ਼ਾਇਨ ਵਿੱਚ ਸੁਧਾਰ ਕੀਤਾ ਗਿਆ ਹੈ। ਇਨ੍ਹਾਂ ਡੱਬਿਆਂ ਵਿੱਚ ਯਾਤਰੀ ਸਹੂਲਤਾਂ ਦੇ ਹਿੱਸੇ ਵਜੋਂ ਜਨਤਕ ਸੰਬੋਧਨ ਅਤੇ ਯਾਤਰੀ ਸੂਚਨਾ ਪ੍ਰਣਾਲੀਆਂ ਵੀ ਸਥਾਪਤ ਕੀਤੀਆਂ ਗਈਆਂ ਹਨ।

 ਇੱਕ ਸੁਹਜਾਤਮਕ ਤੌਰ ‘ਤੇ ਮਨਮੋਹਕ ਅਤੇ ਐਰਗੋਨੋਮਿਕ ਪ੍ਰਵੇਸ਼ ਦੁਆਰ ਦੁਆਰਾ ਵਾਤਾਵਰਣ ਅਤੇ ਕੋਚ ਦੀ ਪਹੁੰਚ ਵਿੱਚ ਅਸਾਨੀ ਵਿੱਚ ਸੁਧਾਰ ਕੀਤਾ ਗਿਆ ਹੈ। ਕੋਚ ਦੇ ਅੰਦਰਲੇ ਹਿੱਸੇ ਵਿੱਚ ਲੂਮੀਨੇਸੈਂਟ ਏਸਲ ਮਾਰਕਰਸ, ਲੂਮੀਨੇਸੈਂਟ ਬਰਥ ਨੰਬਰਾਂ ਦੇ ਨਾਲ ਅਤੇ ਨਾਈਟ ਲਾਈਟਾਂ ਦੇ ਨਾਲ ਪ੍ਰਕਾਸ਼ਤ ਬਰਥ ਸੰਕੇਤ ਦਿੱਤੇ ਗਏ ਹਨ। 

 ਸਮਗਰੀ ਲਈ EN45545-2 HL3 ਦੇ ਗਲੋਬਲ ਬੈਂਚਮਾਰਕ ਦੀ ਪਾਲਣਾ ਨੂੰ ਯਕੀਨੀ ਬਣਾ ਕੇ ਅਗਨੀ ਸੁਰੱਖਿਆ ਵਿੱਚ ਵੀ ਸੁਧਾਰ ਹੋਇਆ ਹੈ, ਇਸ ਤਰ੍ਹਾਂ ਨਵੇਂ ਅਗਨੀ ਸੁਰੱਖਿਆ ਮਿਆਰ ਦੀਆਂ ਉੱਚ ਜ਼ਰੂਰਤਾਂ ਨੂੰ ਪੂਰਾ ਕੀਤਾ ਗਿਆ ਹੈ।

 ਏਸੀ 3-ਟੀਅਰ ਇਕੌਨੋਮੀ ਕਲਾਸ ਕੋਚ ਦੀਆਂ ਮੁੱਖ ਡਿਜ਼ਾਈਨ ਵਿਸ਼ੇਸ਼ਤਾਵਾਂ:

 * ਬਰਥ ਸਮਰੱਥਾ 72 ਤੋਂ 83 ਕੀਤੀ ਗਈ।

 * ਸੀਟਾਂ ਅਤੇ ਬਰਥ ਦਾ ਸੁਧਾਰਿਆ ਅਤੇ ਮੋਡਿਊਲਰ ਡਿਜ਼ਾਈਨ।

 * ਲੰਬਕਾਰੀ ਅਤੇ ਟ੍ਰਾਂਸਵਰਸ ਬੇਅ ਦੋਵਾਂ ਵਿੱਚ ਫੋਲਡੇਬਲ ਸਨੈਕ ਟੇਬਲ।

 * ਹਰੇਕ ਬਰਥ ਲਈ ਵਿਅਕਤੀਗਤ ਏਸੀ ਵੈਂਟਸ।

 * ਹਰੇਕ ਕੋਚ ਵਿੱਚ ਦਿਵਯਾਂਗਜਨ ਲਈ ਚੌੜਾ ਟਾਇਲਟ ਦਰਵਾਜ਼ਾ ਅਤੇ ਪ੍ਰਵੇਸ਼ ਦੁਆਰ।

 * ਹਰੇਕ ਬਰਥ ਲਈ ਵਿਅਕਤੀਗਤ ਰੀਡਿੰਗ ਲੈਂਪ ਅਤੇ ਯੂਐੱਸਬੀ (USB) ਚਾਰਜਿੰਗ ਪੁਆਇੰਟ।

 * ਮੱਧ ਅਤੇ ਉਪਰਲੀ ਬਰਥ ਦੋਵਾਂ ਲਈ ਹੈਡਰੂਮ ਜਾ ਵਿਸਤਾਰ ।

 * ਜਨਤਕ ਸੰਬੋਧਨ ਅਤੇ ਯਾਤਰੀ ਸੂਚਨਾ ਪ੍ਰਣਾਲੀਆਂ।

 * ਅਗਨੀ ਸੁਰੱਖਿਆ ਲਈ ਗਲੋਬਲ ਬੈਂਚਮਾਰਕ, EN45545-2HL3 ਦੀ ਪਾਲਣਾ ਕਰਦਿਆਂ ਸਮਗਰੀ ਦੀ ਵਰਤੋਂ ਕਰਕੇ ਅਗਨੀ ਸੁਰੱਖਿਆ ਵਿੱਚ ਸੁਧਾਰ।

 * ਸੀਸੀਟੀਵੀ ਕੈਮਰਾ।

 * ਉਪਰਲੀ ਅਤੇ ਮੱਧ ਬਰਥ ਤੱਕ ਪਹੁੰਚਣ ਲਈ ਪੌੜੀ ਦਾ ਸੋਧਿਆ ਗਿਆ ਡਿਜ਼ਾਇਨ।

 

**********

 

 ਆਰਜੇ/ਡੀਐੱਸ



(Release ID: 1752585) Visitor Counter : 40