সিবিল এবিয়েসন মন্ত্রালয়
স্তেতশিংদা এভিএসন ইনফ্রাস্ত্রকচর মপাঙ্গল কনখৎহনবা
শ্রী জ্যোতিরঅদিত্য এম. সিন্দিয়ানা ত্রিপুরা অমসুং উত্তরাখন্দকী মুখ্য মন্ত্রীশিংদা চে
Posted On:
01 SEP 2021 9:37PM by PIB Imphal
সিভিল এভিএসনগী কেন্দ্র মন্ত্রী শ্রী জ্যোতিরঅদিত্য এম. সিন্দিয়ানা ত্রিপুরা অমসুং উত্তরাখন্দগী মুখ্য মন্ত্রীশিংদা চে ইদুনা মখোয় মখোয়গী স্তেতশিংদা এভিএসন ইনফ্রাস্ত্রকচর মপাঙ্গল কনখৎহন্নবা থবকশিং য়াঙশিলহন্নবা মখোয়না খুৎ থিংজিন্নবা ৱাফম থমখ্রে। এ.এ.আই.না লৈবাকসিগী হেনগৎলক্লিবা পেসেঞ্জর দিমান্দ পীবা ঙম্নবা লাক্কদৌরিবা চহি ৪-৫সিদা লুপা করোর ২০,০০০ থাদদুনা লৈবাকসিগী এয়রপোর্তশিং পাকথোক চাউথোকহনবা অমদি শেমগৎ শাগৎপগী থবক পায়খৎলি।
ত্রিপুরাগী মুখ্য মন্ত্রী শ্রী বিপ্লব কুমার দেবদা চে ইরদুনা শ্রী সিন্দিয়ানা স্তেত অদুদা এভিএসন সেক্তরগা মরী লৈনবা তোঙান তোঙানবা প্রোজেক্তশিং পায়খৎপদা অপনবা পীরিবা মখাগী ৱাফমশিং অসি পনখি:
- অগর্তলা এয়রপোর্ত্তা রেনৱে পাকথোক চাউথোকহন্নবা অমদি দোপ্লর ভেরি হায় ফ্রিক্বেন্সী ওম্নি রেঞ্জ (দি.ভি.ও.আর.) মফম হোংদোক্নবগীদমক লম একর ৪৮ মথৌ তাগনি।
- মখা তানা কমলপুর এয়রপোর্ত্তা লম একর ৫০.৫ অমসুং কাইলাসহর এয়রপোর্ত্তা লম একর ৭৫ হায়রিবা এয়র্পোরা্তশিং অসি সিভিলিয়ন এয়রক্রাফ্ত ওপরেসন (এ.তি.আর. ৭২গী এয়রক্রাফ্ত মখলশিং) শীজিন্নবা য়াননবা শেমগৎনবা মথৌ তাগনি।
সিন্দিয়ানা উত্তরাখন্দা এভিএসন সেক্তরগা মরী লৈনবা তোঙান তোঙানবা প্রোজেক্তশিং পায়খৎপদা অপনবা ওইরিবা মখাগী ৱাফমশিংসিগী মতাঙদা স্তেত অদুগী মুখ্য মন্ত্রী শ্রী পুস্কর সিংহ ধামিগী পুক্নিং চিংশিনখি:
- দেহরাদুন্দা রনৱে পাকথোক চাউথোকহন্নবা, অনৌবা তর্মিনেল বিল্দিং শেমগৎনবা অমদি অতৈ মরী লৈনবা ইনফ্রাস্ত্রকচরশিং শেমগৎনবা লম একর ২৪৩ মথৌ তাগনি।
- অলমোরা, হলদ্বানি, হরিদ্বার, জোসিমথ, রামনগর, মুসুরি, নৈনিতাল অমসুং ধারচুলাদা হেলিপোর্ত শেমগৎনবা লুপা করোর ৮.৪৪ এলোকেত তৌখ্রে। হায়রিবশিং অসি স্তেত লৈঙাক্না শেমগৎ শাগৎপা মথৌ তাই।
- রিজনেল এয়র কন্নেক্তিভিতী ফন্দ ত্রস্ত (আর.এ.সি.এফ.তি.)গী ভি.জি.এফ. শেয়র ওইনা স্তেত লৈঙাক্না লুপা করোর ০.৩৬ পুথোক্কদবা ৱাৎলি।
***
(Release ID: 1751286)
Visitor Counter : 126