কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙ্খৎহনবা অমদি মীৎয়েং পাকথোক চাউথোকহন্নবা ফিরেপ লৌরি‍। মীপুম খুদিংদা ভেক্সিন ফংহনবগী অনৌবা তাঙ্কক অসি জুন ২১, ২০২১দগী হৌখিবনি‍। স্তেত অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে‍।

লৈবাক পুমবগী ওইবা ভেক্সিনেসন দ্রাইব অসিগী শরুক অমা ওইনা ভারত লৈঙাক্না স্তেত অমসুং য়ু.তি.শিংদা কোবিদ ভেক্সিন লেম্না পীদুনা ঙাক্লৌ পীরি‍। মীপুম খুদিং কোবিদ-১৯ ভেক্সিন ফংহনবগী অনৌবা তাঙ্ককসিদা কেন্দ্র লৈঙাক্না লৈবাকসিদা লৈরিবা ভেক্সিন পুথোক্লিবা কম্পেনীশিংনা পুথোকপা ভেক্সিনগী ৭৫% লৈদুনা স্তেত অমসুং য়ু.তি.শিংদা পীগনি (লেম্না)‍।

হৌজিক ফাওবদা ভারত লৈঙাক্কী খুত্থাঙদা (লেম্না ফংহল্লিবা চেনেল) অমসুং দাইরেক্ত স্তেত প্রোকরমেন্ত কেতেগরীগী খুত্থাঙদা স্তেত/য়ু.তি.শিংদা ভেক্সিন দোজ করোর ৬৪.৩৬ (৬৪,৩৬,১৩,১৬০) হেন্না ফংহনখ্রে‍। মখা তানা দোজ লাখ ১৫ (১৪,৯৪,০৪০) হেন্না পীননবা থৌরাং তৌরি‍।

হৌজিক্কী ওইনা স্তেত/য়ু.তি.শিংদা কাপ্ননবা লেমহৌরিবা অমদি শীজিন্নদ্রিবা দোজ করোর ৫.৪২ (৫,৪২,৩০,৫৪৬) হেন্না লৈরি‍।

****