اہم جھلکیاں:

• 1،349.95 کروڑ روپے کی لاگت سے 14 مربوط آبدوز شکن جنگی دفاعی سوٹ کی خریداری کا معاہدہ
• خریدیں اور بنائیں (ہندوستانی)' زمرے کے تحت معاہدہ 'خود انحصار ہندوستان' مشن کو فروغ دے گا
• یہ نظام بحریہ کی آبدوز شکن جنگی صلاحیت میں اضافہ کرے گا

وزارت دفاع (ایم او ڈی) نے 27 اگست 2021 کو نئی دہلی میں 1،349.95 کروڑ روپے کی لاگت سے 14 مربوط آبدوز شکن جنگی (اے ایس ڈبلیو) دفاعی سوٹ(آئی اے ڈی ایس) کی خریداری کے لیے مہندرا ڈیفنس سسٹمز لمیٹڈ کے ساتھ معاہدہ کیا ہے۔ دفاعی خریداری کے 'خریدیں اور بنائیں (ہندوستانی)' زمرےکے تحت ایک ہندوستانی کمپنی کے ساتھ معاہدہ  ہندوستان کے 'خود انحصار ہندوستان' مشن کے لیے ایک اہم پیش رفت ہے اور یہ ٹیکنالوجی کی ترقی اور پیداوار میں گھریلو دفاعی صنعت کو ایک بڑی کامیابی فراہم کرتا ہے۔ یہ نظام ہندوستان کی بحریہ کی آبدوز شکن جنگی صلاحیت کوفروغ  دے گا۔

آئی اے ڈی ایس میں دشمن کی آبدوزوں اور ٹارپیڈو کو وسیع رینج میں پتہ لگانے کے ساتھ ساتھ دشمن کی آبدوزوں کے ذریعہ داغے جانے والے آنے والے ٹارپیڈو کا رخ  موڑنے کے لیے ایک مربوط صلاحیت  ہوتی ہے۔

وزارت دفاع  نے حکومت کے 'میک ان انڈیا' اقدام کوفروغ دینے کے اپنے عزم اور ملک کی دفاعی صنعت کے ذریعہ متعدد آلات کو شامل کرنے کے ساتھ بہترین ٹیکنالوجیوں میں 'خود انحصار ' بننےکے ملک کے عزم  کو ظاہر کرنا جاری رکھا ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

U-837

(Release ID: 1750023) Visitor Counter : 181