সরকারগী হৌজিক লৈরিবা পোলিসী অসিগী মতুং ইন্না, নন-এগজম্পতেদ ওইবা কেন্দ্রগী মন্ত্রালয়শিং/বিভাগশিংনা সেন্ত্রেল সেক্তর অমসুং সেন্ত্রেলী স্পোন্সর্দ স্কীমস ফোর নোর্থ ইস্তর্ন রিজন (এন.ই.আর.)গী মখাদা লৈরিবা মখোয়গী গ্রোস বজেদতরী সপ্পোর্ত (জি.বি.এস.) রিসোর্সশিংগী চাদা ১০ চাদিং তৌবা তাই। ইং কুমজা ২০২১-২২গী ওইনা এন.ই.আর.গী ওইনা জি.বি.এস.কী চাদা ১০গী মখাদা লৈরিবা বি.ই. এলোকেসন অসি লুপা করোর ৬৮০২০.২৪ ওইখি। অৱাং-নোংপোক থংবা লমদমগী চাওখৎ-থৌরাংগী কেন্দ্র মন্ত্রী শ্রী জি. কিশন রেদ্দী লোইননা অৱাং-নোংপোক থংবা লমদমগী চাওখৎ-থৌরাংগী রাজ্য মন্ত্রী শ্রী বি.এল. ভর্মানা এন.ই.আর.গী রাজ্যশিংগী ওইনা মন্ত্রালয়শিং অসিগা মরী লৈনবা চাওখৎ-থৌরাংগী ওইবা তোঙান-তোঙানবা ইসুশিং খন্ননবা কেন্দ্রগী মন্ত্রীশিংগা লোইননা মীফম কয়া পাঙথোকপা হৌখ্রে।

ঙসি, ওগস্ত ২৭, ২০২১দা ৱারী-ৱাতায় শাখিবা অদুগী শরুক অমা ওইনা অৱাং-নোংপোক থংবা লমদমগী চাওখৎ-থৌরাংগী কেন্দ্র মন্ত্রী শ্রী জি. কিশন রেদ্দী অমসুং অৱাং-নোংপোক থংবা লমদমগী চাওখৎ-থৌরাংগী রাজ্য মন্ত্রী শ্রী বি.এল. ভর্মানা হোলিস্তিক দিবেলপমেন্তগীদমক্তা মশক খঙদোকখ্রবা লমশিং হায়বদি পাম ওইল, ৱা অমসুং ওর্গানিক হোর্তিকলচর অসিগী মতাংদা এ.ই.আর.দা লৈরিবা এগ্রো-হোর্তিকলচর সেক্তরগী চাওখৎ-থৌরাংগী পুন্না রোদমেপ অমা শেম্নবা লৌউ-শিংউ অমসুং লৌমীশিংগী য়াইফ-থৌরাংগী কেন্দ্র মন্ত্রী শ্রী নরেন্দ্র সিংহ তোমরগা উনখ্রে। লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী সেক্রেতরী শ্রী সঞ্জে অগর্ৱাল অমসুং দোনর মন্ত্রালয়গী সেক্রেতরী দা. ইন্দর জিত সিংহ অমসুং দোনর অমসুং লৌউ-শিংউ মন্ত্রালয়গী মকোক থোংবা ওফিসিএলশিংসু শরুক য়াখি। পুন্না থবক তৌমিন্নবা য়াবা অচৌবা স্কোপ লৈ অমসুং এগ্রো-হোর্তিকলচরদা খোঙথাংশিং লৌখৎনবা য়ান্নখি। চৎলিবা চহি ২০২১-২২, লৌউ-শিংউ অমসুং লৌমীশিংগী য়াইফ-থৌরাংগী বিভাগনা লুপা করোর ১২২৪২.৭০গী বজেদ কাইথখি। কেন্দ্র মন্ত্রী শ্রী জি কিশন রেদ্দীনা অৱাং-নোংপোক্কী কম্প্রিহেনসিব কভরেজ তৌদুনা অমসুং এন.ই.আর.দা অতৈ স্কীমশিং হায়বদি পি.এম.কে.এস.ৱাই., পি.এম.এফ.বি.ৱাই., কিসান ক্রেদিত কার্দ অসিনচিংবা চৎনহনবগী খোঙজেল য়াংখৎহন্নবা খোঙথাংশিং লৌখৎতুনা নত্ত্রগা লৈরিবা বজেদতরী রিসোর্সশিং অসিগী মনুংদা চুনবা স্কীমশিং দিজাইন তৌবগা লোইননা হন্দক্তা অয়াবা পীখিবা নেস্নেল মিসন ফোর ইদিবল ওইল্স/ওইল পাম অসিগী থবক হৌদুনা মাংদা চংশিন্নবা লৌউ-শিংউ মন্ত্রীনা থবক পাইখৎনবা হায়খ্রে। দোনর মন্ত্রালয়গী রাজ্য মন্ত্রী শ্রী বি.এল. ভর্মানা হায়খি চাওখৎ-থৌরাংগী সেক্তরশিংগীদমক বজেদতরী রিসোর্সশিং মরাং কাইনা লৈ। লৌউ-শিংউ অমসুং লৌমীশিংগী য়াইফ-থৌরাং মন্ত্রীনা অৱাং নোংপোক অসি চাওখৎ-থৌরাংগীদমক মীৎয়ং চংলিবা মফ অমনি অমসুং লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না মফম অসিগী ওইবা অখন্নবা থৌরাংশিং দিজাইন তৌবতা নত্তনা হেন্না অবজোর্পসন তৌনবগীদমক মখোয়গী স্কীমশিং অসিগী কন্দিসনশিং কোমথোকখি। অচুম্বা খোঙথাং লৌখৎনবা মখোয়গী খুদোংচাদবশিং অদু মশক খঙদোক্নবা রাজ্যশিংগা লোইননা চাং নাইনা আউতরীচ মীফমশিং পাঙথোক্লি। কুপ্না খন্ন-নৈনবশিং পাঙথোক্লবা মতুংদা পাম ওইল অমসুং ওর্গানিক এগ্রিকলচরগী মতাংদা পুন্না রিজনেল বিজিনেস সম্মিত অমা অথুবদা পাঙথোক্নবা য়ান্নখি। অৱাং-নোংপোক থংবা রাজ্যশিংগী মুখৎ মন্ত্রীশিং অমসুং চীফ সেক্রেতরীশিংগা লোইননা মীফম অমা পাঙথোকপনা রাজ্য-রাজ্যগী ওইনা অখন্ননা মথৌ তারিবশিং খঙদোকপদা অমসুং কেন্দ্রগী স্কীমশিং অসিগী লৈরিবা ইসুশিং খঙদোকপদা মতেংসু ওইগনি।. কুপ্না খন্নখিবা অতৈ হীরমশিং অদুদা অন্ধ্র প্রদেশ অমসুং এন.ই.আর.গী লৌমীশিং অসিগুম্বা পাম ওইল চাওনা থারিবা রাজ্যশিংগী মরক্তা ফার্মর একচেঞ্জ/স্তদী বিজিত প্রোগ্রাম থম্বা, দ্রোনশিং শীজিন্নবা, কোল্দ স্তোরেজ, লম ফংহনবা অসিগুম্বা লৌউ-শিংউগী ইনফ্রাস্ত্রকচর ফগৎহনবা হায়রিবা অসি য়াওখি। দোনর মন্ত্রীনা দোনর মন্ত্রালয় অমসুং মসিদা এতেচ তৌরিবা ওফিসশিংনা ভারতকী প্রধান মন্ত্রীগী বিজনগী মতুং ইন্না এন.ই.আর. রিজনদা লৌউ-শিংউ অমসুং মরী লৈনবা সেক্তরগী চাওখৎ-থৌরাংগী ওইবা তোঙান-তোঙানবা প্রোজেক্তশিংদা মতেং শোইদনা পাংগনি হায়না থাজবা পীখি।

******************

(Release ID: 1749807) Visitor Counter : 137