কেন্দ্র সরকারনা লৈবাক শিনবা থুংবদা কোবিদ-১৯গী ভেক্সিনেসনগী খোঙজেল য়াংখৎহন্নবা অমসুং স্কোপ চাউথোক্নবা লেপ্পা লৈতনা হোৎনরি। কোবিদ-১৯ ভেক্সিনেসনগী য়ুনিভর্সালাইজেসনগী অনৌবা ফেজ ২০২১গী জুনগী ২১দগী হৌখি। ভেক্সিনশিং হেন্না ফংহনবা, রাজ্যশিং/য়ু.তি.শিংদা নীংথিনা থৌরাং তৌবা ঙম্নবা অমসুং ভেক্সিন সপ্লাই চেন স্ত্রীমলাইন তৌবা ঙম্নবা ভেক্সিনশিং মাংজৌননা কয়াম লৈরি খঙহনদুনা ভেক্সিনেসনগী দ্রাইব অসি খুমাং চাউশিলহল্লি।

লৈবাক পুম্বদা চত্থরিবা ভেক্সিনেসন দ্রাইবকী শরুক অমা ওইনা, ভারত সরকারনা রাজ্যশিং/য়ু.তি.শিংদা কোবিদ ভেক্সিন লেম্না পীদুনা মতেং পাংলি। কোবিদ-১৯ ভেক্সিনেসন দ্রাইবকী য়ুনিভর্সালাইজেসনগী অনৌবা ফেজ অসিদা কেন্দ্র সরকারনা লৈবাক অসিগী ভেক্সিন মেন্যুফেকচর্রশিংনা শাজবা ভেক্সিনশিং অসি লৈশিনগনি অমসুং মসিগী ৭৫% রাজ্যশিং/য়ু.তি.শিংদা সপ্লাই (লেম্না) তৌগনি।

ভারত সরকারগী (লেম্না) অমসুং রাজ্যশিংনা হকথেংননা লৈখিবগী কেতগোরীগী খুত্থাংদা হৌজিক ফাওবদা রাজ্যশিং/য়ু.তি.শিংদা ভেক্সিন দোজ কোতি ৬০.২৫ (৬০,২৫,৯৫,২৫০) হেন্না পীথখ্রে। মখা তানা দোজ করোর ১.৫১ (১,৫১,৫৮,৬৫০) হেন্না পাইপলাইন্দা লৈরি।

রাজ্যশিং/য়ু.তি.শিংদা বেলেন্স ওইনা অমদি শীজিন্নদ্রিবা ভেক্সিন দোজ করোর ৪.২০ (৪,২০,৫৮,৩১৬) হেন্না কাপতনা লৈরি।

****