சர்வதேச அளவில் நியூஸ் ஆன் ஏர் செயலியின் நிகழ்ச்சிகளை தரவரிசைப்படுத்துவதில் அகில இந்திய வானொலியின் 24 மணி நேர செய்தி அலைவரிசையில் உலகளவில் பிரபலமாக உள்ள நிகழ்ச்சிகளும் புதிதாக இடம்பெற்றுள்ளன. மார்னிங் நியூஸ், சமாச்சார் பிரபாத், சத்யா கே பிரயோக் மற்றும் ஆஜ் சவேரே ஆகிய நிகழ்ச்சிகள் மிகவும் பிரபலமடைந்துள்ளன.

நியூஸ் ஒன் ஏர் செயலி உலகளவில் மிகவும் பிரபலமாக உள்ள நாடுகளின் வரிசையில் (இந்தியா தவிர்த்து) முதல் 10 இடங்களில் சவுதி அரேபியாவைப் பின்தள்ளி நியூசிலாந்து மீண்டும் இடம்பிடித்துள்ளது.

சர்வதேச அளவில் ஒலிபரப்பப்படும் அகில இந்திய வானொலி அலைவரிசைகளின் தரவரிசையில் (இந்தியா தவிர்த்து) திரிச்சூர் மற்றும் அனந்தபுரி அகில இந்திய வானொலி அலைவரிசைகள், முதன்முறையாக முதல் பத்து இடங்களுக்குள் இடம்பெற்றுள்ளன. கொடைக்கானல் அகில இந்திய வானொலி மற்றும் அஸ்மிதா மும்பை ஆகிய அலைவரிசைகள் முதல் பத்து இடங்களை விட்டு வெளியேறி உள்ள நிலையில், சென்னை ரெயின்போ அலைவரிசை 5-ஆவது இடத்திலிருந்து 8-ஆவது இடத்திற்குத் தள்ளப்பட்டுள்ளது.

பிரச்சார் பாரதியின் அதிகாரப்பூர்வ செயலியான நியூஸ் ஆன் ஏர்-இல் அகில இந்திய வானொலியின் சுமார் 240 சேவைகள் நேரலையாக ஒலிபரப்பப்படுகின்றன. இந்தியா மட்டுமல்லாது உலகம் முழுவதும் 85-க்கும் மேற்பட்ட நாடுகளில் சுமார் 8000 நகரங்களில் வசிக்கும் மக்கள் இந்த செயலியின் வாயிலாக அகில இந்திய வானொலி நிகழ்ச்சிகளைக் கேட்டு வருகின்றனர்.

ஆகஸ்ட் 1 முதல் 15-ஆம் தேதி வரையிலான காலகட்டத்தை அடிப்படையாகக் கொண்டு இந்த தரவரிசை அமைத்துள்ளது.

மேலும் விவரங்களுக்கு இந்த ஆங்கில செய்திக் குறிப்பைக் காணவும்:

https://www.pib.gov.in/PressReleasePage.aspx?PRID=1748194

*****

(Release ID: 1748194)